Víkurfréttir - 21.12.2000, Blaðsíða 10

Kirkjuvígsla
á Keflavíkurflugvelli
Biskup íslands, sr. Karl Slgurbjörnsson vígði kirkjuna. VF-myndir: Silja Dögg Gunnarsdóttir
Biskup íslands, herra
Karl Sigurbjörnsson,
vígði nýja kapellu
slökkviliðs Varnarliðsins við
hátíðlega athöfn á Keflavík-
urflugvelli sl. fóstudag.
Kapellan, sem áður þjónaði
Varnarliðsmönnum á Stokks-
nesi og í ratsjárstöðinni
Rockville á Miðnesheiði, var
flutt á núverandi stað og endur-
nýjuð fyrir atbeina slökkviliðs-
manna á Keflavíkurflugvelli og
er framlag þeirra og Vamarliðs-
ins til Kristnihátíðar. Prestar
Vamarliðsins vom Biskupi ís-
lands til aðstoðar við vígsluna.
Klukka af gömlum
slökkviliðsbíl
Kapella slökkviliðsins á sér
merka sögu. Húsið var reist
árið 1953 á Stokksnesi við
Hornafjörð sem skrifstofa
verktakafyrirtækis sem hafði
eftirlit með smíði ratsjárstöðvar
Vamarliðsins. Er framkvæmd-
um á Stokksnesi lauk árið 1956
var húsinu breytt í kapellu fyrir
liðsmenn ratsjárstöðvarinnar.
Skömmu eftir að stöðin hóf
starfsemi kom í ljós að bygg-
ingin tmflaði ratsjána og réðust
starfsmenn og íslenskir verk-
takar í flytja hana um set.
Klukka var engin í fyrstu en
slökkvilið Vamarliðsins útveg-
aði klukku af gömlum slökkvi-
liðsbíl í Bandaríkjunum og er
sú klukka í kapellunni enn í
dag. Islenskir starfsmenn rat-
sjárstöðvarinnar gerðu endur-
bætur á kapellunni árið 1982
og lengdu hana nokkuð í leið-
inni. Sex árum síðar leystu
starfsmenn Ratsjárstofnunar
Utanríkisráðuneytisins, liðs-
menn Vamarliðsins af hólmi á
Stokksnesi og var þá flestum
byggingum stöðvarinnar lokað.
Kapellunni var þá fundinn
staður í ratsjárstöðinni Rock-
ville á Miðnesheiði, sem enn
var mönnuð varnarliðsmönn-
um, og hún flutt í heilu lagi sjó-
leiðina til Keflavíkur.
Skemmdarvargar á ferð
Árið 1997 var starfsemin í
Rockville lögð niður og urðu
mannvirki í stöðinni fljótt
skemmdarvörgum að bráð, þ. á
m. kapellan. Hugmyndir komu
þá upp í slökkviliðinu á Kefla-
víkurflugvelli um að forða hús-
inu frá frekari skemmdum og
gera það upp fyrir liðsmenn
þess. Gætu vakthafandi
slökkviliðsmenn þá haft að-
gang að kapellu á stórhátíðum
auk þess sem hún myndi nýtast
til áfallahjálpar eftir stórslys.
Jafnframt yrði kapellan öðmm
starfsmönnum og vamarliðs-
mönnum til afnota. Yfirmenn
Vamarliðsins og skipulagsyfir-
völd tóku vel í málið og var
húsið flutt enn einu sinni og nú
á lóð slökkviliðsins með góðri
hjálp verktakafyrirtækja. Svo
skemmtilega vill til að sami
starfsmaður eins verktakafyrir-
tækisins hefur komið að flutn-
ingi hússins í öll skiptin.
Rausnarlegar gjafir
Slökkviliðsmenn tóku til óspill-
tra málanna við endurbætur á
kapellunni í fríum sínum og
jregar stundir gáfust á vaktinni.
Er verkefnið einkar viðeigandi
á þúsund ára afmæli kristni á
íslandi og Varnarliðið og ís-
lenskir slökkviliðsmenn stoltir
af að geta lagt fram sinn skerf
til minningar þeirra tímamóta.
Fjölmargir aðrir hafa lagt hönd
á plóginn með fjárframlögum,
efni og vinnu og kunna
slökkviliðsmenn á Keflavíkur-
flugvelli öllum bestu þakkir.
Gylfi Þórðarson slökkviliðs-
maður og móðir hans Guðbjörg
Benediktsdóttir hafa fært
kapellunni rausnarlega gjöf,
altari, altarisklæði.grátur, bibl-
íu, altariskrossi og biblíustand,
í minningu bræðra sinna og
sona sem báðir létust á árinu.
Þess má geta að altari, grátur
og biblíustandur eru smíðuð af
Gylfa sjálfum.

10
GLEBILEGA
H Á T í B