Morgunblaðið - 13.07.2016, Side 10

10 FRÉTTIRInnlent
MORGUNBLAÐIÐ MIÐVIKUDAGUR 13. JÚLÍ 2016
Viðar Guðjónsson
vidar@mbl.is
Um níu þúsund ferðamenn hafa tekið
örnámskeið á vegum Íslandsstofu á
netinu undir yfirskriftinni Iceland
Academy. Námskeiðunum er ætlað
að kenna ferðamönnum að ferðast á
Íslandi og eru þau á vefsvæði Visit
Iceland sem er á vegum Íslandsstofu.
Að sögn Daða Guðjónssonar, verk-
efnastjóra á sviði ferðaþjónustu og
skapandi greina hjá Íslandsstofu,
hófst verkefnið í mars þegar fjögur
myndbönd voru sett á vefsvæðið. Í
framhaldinu geta þeir sem horfa á
myndböndin tekið krossapróf og út-
skrifast. Myndböndin taka á ýmsum
málefnum eins og akstri á Íslandi,
náttúruvernd, hvernig sé best að
haga öryggismálum áður en lagt er af
stað í ferðalög á Íslandi, heimsóknum
í sundlaugar auk fleiri hluta. Að sögn
Daða hafa þrjár milljónir manna
horft á myndböndin en af þeim sem
taka krossaprófin telja 99% þau vera
gagnleg. „Við sjáum það á könnunum
að ferðaáhugi eykst um 30% hjá þeim
sem horfa á myndböndin. Við sjáum
líka að þeir sem horfa á myndböndin,
samanborið við þá sem gera það ekki,
leita eftir Íslandi á Google í 342%
meira mæli en þeir sem hafa ekki
horft á myndböndin,“ segir Daði.
Að sögn hans stendur til að gera
fleiri myndbönd en þau eru gerð í
samstarfi við félagasamtök. Mynd-
bandið um akstur á Íslandi var t.a.m.
gert í samstarfi við Landsbjörg og að
sögn Daða mun Ylfa Helgadóttir,
sem er í kokkalandsliðinu, gera
myndband um íslenskar matarhefðir.
Þá mun Kamilla Ingibergsdóttir gera
myndbönd um bæjarhátíðir og um
það hvernig best er að pakka fyrir Ís-
landsferðir. Eins stendur til að gera
myndband um heilsuferðaþjónustu
auk þess sem Baldur Kristjánsson
ljósmyndari mun gera myndband um
það hvernig best sé að fanga norður-
ljósin á mynd. „Hver leiðsagnaraðili
hefur sérþekkingu og á bak við hann
eru félagasamtök,“ segir Daði, en að
hans sögn er takmarkið að gera fjög-
ur myndbönd fyrir hverja önn eða ár-
stíð. Búið er að gera myndbönd fyrir
vor og sumar en einnig er stefnt að
því að gera myndbönd og krossapróf
fyrir haust og vetur á Íslandi.
Öryggi Jónas Guðmundsson hjá
Landsbjörg talar um öryggismál.
Níu þúsund ferða-
menn útskrifaðir
Guðni Einarsson
gudni@mbl.is
Gatnaframkvæmdir við Hverfisgötu
eru við það að ganga af rekstri veit-
ingahússins Kryddlegin hjörtu,
Hverfisgötu 33, dauðum. Dagbjört
Norðfjörð, eigandi veitingahússins,
segir að gestir komist ekki á staðinn
með góðu móti og mikil óþrif og
ónæði stafi af framkvæmdunum sem
nú hafa staðið hátt í tvo mánuði.
„Ég hef þurft að hafa lokað sumar
helgar og nú er lokað yfir miðjan
daginn og lokað fyrr á kvöldin því
það er svo lítið að gera,“ sagði Dag-
björt. Hún sagði veitingahúsið hafa
flutt að Hverfisgötu 33 fyrir um
þremur árum. Síðan hafi verið lát-
lausar framkvæmdir á svæðinu,
fyrst við hótel og nú við götuna.
„Götunni hefur verið lokað flesta
daga síðan við fluttum hingað vegna
kranabíla eða steypubíla. Stundum
var lokað í nokkra daga í einu. Þetta
hefur verið hryllingur,“ sagði Dag-
björt. Hún sagði að gestir veitinga-
hússins þyrftu að fara krókaleiðir til
að komast á staðinn. Ófært er fyrir
fólk í hjólastól. „Ég sé hópa útlend-
inga hinum megin við Klapparstíg á
leið til mín. Svo snúa þeir bara við af
því aðgengið er ekkert,“ sagði Dag-
björt. Gatnamótin og Hverfisgatan
hafa verið risastór hola. Sett var upp
göngubrú í fyrradag, en hún liggur
ekki að veitingahúsinu.
„Nú þyrlast upp skíturinn og við-
bjóðurinn. Í gær [fyrradag] var ver-
ið að saga lagnir og ekki með vatns-
sög,“ sagði Dagbjört. Þykkt rykský
lá yfir öllu og þurfti að loka gluggum
og dyrum til að halda rykinu úti.
Nær stöðugt ónæði í þrjú ár
„Það hefur verið stöðugur hávaði
vegna framkvæmda í þrjú ár og búið
að hrista hjá mér húsið í þrjú ár. Það
er oft búið að taka af mér rafmagn
og vatn fyrirvaralaust. Á tímabili gat
ég ekki rukkað af því þeir slitu síma-
línur. Klakavélin bilaði vegna vatns-
leysis,“ sagði Dagbjört.
Ekki er hægt að komast að bíla-
stæði veitingahússins með vörur og
aðföng og hefur því þurft að nota
vöruinngang aftan við húsið þar sem
ekki má leggja.
„Ég hef fengið sektir í gríð og erg
frá Reykjavíkurborg þegar ég er að
fara inn með vörur eða að senda mat
í fyrirtæki,“ sagði Dagbjört. Hún
taldi að sektirnar væru komnar í um
50 þúsund krónur. Hún sagði að
starfsmenn verktakans væru indæl-
ir og ekki við þá að sakast. Hins-
vegar sé algjört samskiptaleysi við
starfsmenn Reykjavíkurborgar og
Orkuveitunnar. Dagbjört sagði að
borgin vissi vel af aðstæðunum og að
talað hefði verið við embættismenn
en svo virtist sem allar dyr væru lok-
aðar. „Það er voða erfitt að ná í
þessa kónga,“ sagði Dagbjört.
Hún sagði að eigendur nokkurra
fyrirtækja á svæðinu hefðu rætt sín í
milli um að fara í mál við borgina
vegna þess skaða sem fyrirtækin
hafa orðið fyrir vegna fram-
kvæmdanna.
Dagbjört kvaðst hafa getað haldið
rekstri veitingahússins á floti með
lántökum yfir þennan erfiðleikatíma.
„Við neitum að gefast upp. Ég hef
ekki alltaf getað borgað öllum laun á
réttum tíma og er að missa starfs-
fólk frá mér,“ sagði hún. Starfsmenn
eru nú tíu talsins. Reyndir starfs-
menn með allt að átta ára starfs-
reynslu eru farnir eða að fara.
Starfsmaður sem var þjálfaður upp
fyrir hálfu ári með ærnum tilkostn-
aði er að hætta um mánaðamótin.
„Fólk finnur að það er ekki öruggt.
Samt borga ég alltaf launin, en
borga þau seint.“
Dagbjört kvaðst hafa leitað eftir
liðsinni Félags atvinnurekenda. „Ég
ætla ekki að borga fasteignagjöld
þegar staðan er svona, mér dettur
það ekki í hug,“ sagði Dagbjört.
Kryddlegin hjörtu nærri brostin
 Veitingahús við Hverfisgötu hefur verið nær óstarfhæft vikum saman vegna gatnaframkvæmda
 Illfært er að veitingastaðnum  Gestir snúa frá  Bæði ónæði og óþrif vegna framkvæmdanna
Morgunblaðið/Ófeigur
Hverfisgata Dagbjört Norðfjörð, veitingamaður á Kryddlegnum hjörtum (hús með grænu þaki), er orðin langþreytt á gatnaframkvæmdum í tvo mánuði.
„Skammtímaáhrif framkvæmda geta verið mjög alvar-
leg eins og í þessu tilfelli þegar viðskiptavinir bók-
staflega komast varla á veitingastaðinn, að ekki sé nú
talað um óþrifnaðinn og ónæðið,“ segir Ólafur Steph-
ensen, framkvæmdastjóri Félags atvinnurekenda (FA).
Hann vonast þó til að framkvæmdirnar bæti mið-
borgina og komi fyrirtækjunum á svæðinu til góða til
lengri tíma litið.
Ólafur segir að finna þurfi fyrirkomulag til að bæta
fyrirtækjum tjón sem þau verða beinlínis fyrir vegna
framkvæmda borgarinnar. „Það mætti t.d. greiða bæt-
ur eða veita fyrirtækjunum afslátt af fasteignagjöldum,“ segir Ólafur og
telur að FA muni fljótlega senda borginni bréf vegna málsins.
Fyrirtækin fái bætur eða
afslátt af fasteignagjöldum
FÉLAG ATVINNUREKENDA ÆTLAR AÐ BEITA SÉR Í MÁLINU
Ólafur Stephensen
Viðurkennd gæðateppi, slitsterk, ofnæmisprófuð
og samþykkt af Mannvirkjastofnun.
Óhreinindavörn sem lengir líftíma teppanna
og léttir þrif.
Stigahúsateppi
Mikið úrval!
Mælum og gerum tilboð
án skuldbindinga og kostnaðar
Ármúli 32, 108 Reykjavík
Sími 568 1888
www.parketoggolf.is
Sérverslun með teppi og parket