Morgunblaðið - 13.07.2016, Qupperneq 30

30 MENNING
MORGUNBLAÐIÐ MIÐVIKUDAGUR 13. JÚLÍ 2016
Börkur Gunnarsson
borkur@mbl.is
„Ég greindist með lesblindu þegar ég var 11 ára
gamall og þá hefði ég alveg verið til í að eiga
svona app-bók þar sem ég hefði getað ýtt á einn
takka til að hlusta og á sama tíma fylgst með
textanum,“ segir Pétur Ásgeirsson sem er að
gefa út stafrænu barnabókina Ævintýri Magn-
úsar sem fjallar um lítinn víkingadreng sem
dreymir um að lenda í spennandi ævintýrum.
„Ég sé fyrir mér að krakkar á aldrinum 3-8
ára sé markhópurinn fyrir þessa bók,“ segir Pét-
ur.
Það er búið að vera sumar í tíu ár
Það heyrist svolítið illa í þér, ertu að keyra?
„Nei, en ég er staddur í Guatemala.“
Guatemala? Hvað ertu að gera þar?
„Ég bý hér og hef búið hér síðustu tíu ár.
Ég kom hingað fyrst þegar ég var skiptinemi
þegar ég var sextán ára, árið 2002. Ég hafði
kynnst stúlku í landinu og eftir að ég útskrifaðist
sem ljósmyndari úr Iðnskólanum og var búinn að
gefast upp á því að fá vinnu á Íslandi þá ákvað ég
bara að skella mér til Guatemala. Og hef búið hér
síðan og á þrjú börn með konunni minni.
Ég er reyndar að stefna að því að fara heim
núna í ágúst, búinn að fá nóg af þessum hita.
Það er búið að vera endalaust sumar í tíu ár.
Það er svona 35 til 40 stiga hiti á hverjum
degi.“
Hvenær ársins er kaldast þarna?
„Það er aldrei kalt hérna.
Þegar ég er að tala við frændur mína í Banda-
ríkjunum þá spyrja þeir hvenær sé vetur, en það
er aldrei vetur. Það er bara annaðhvort ofsalega
heitt eða mjög heitt.
Ég bý alveg syðst í Guatemala. Ég er svona í
sirka 20 kílómetra fjarlægð frá landamærunum
að El Salvador.“
Glæpir tíðir í Guatemala
Fór ekki Guatemala illa út úr borgarastríði
eins og önnur lönd þarna í kring?
„Jú, það er stutt síðan að það var skrifað undir
friðarsamninga hér. Og annað er að þessi lönd
eru handónýt.
Glæpatíðnin er hræðilega há og fátæktin al-
gjör skelfing.
Það er hægt að kenna spillingunni um. Hún er
gífurleg. Fyrrverandi forseti Guatemala er í
fangelsi. Þessir pólitíkusar koma fram hérna og
boða breytingar og hörku gegn glæpamönnum
og svo er aðal-pólítíkusinn helsti glæpamaðurinn
og fyrrverandi herforingi í ofanálag.
Það eru hlutar af höfuðborginni þar sem
manni finnst maður vera hluti af nútímanum en
svo er maður kominn í fornöld strax og maður
gengur yfir í næstu götu. Laun fólks eru mjög
lág hér, maður skilur ekki hvernig sumt fólk lifir
af þessum lúsarlaunum.
En þótt það sé fullt af slæmu í gangi hérna, þá
er landið yndislegt og venjulegir Guatemala-búar
eru mjög rólegir og afslappaðir.
Ekki sami djöfulgangurinn í gangi hér einsog
heima á Íslandi. En fólkið hefur lítið á milli hand-
anna. Við erum með borgarstjóra í borginni þar
sem ég bý, hann virðist mjög fórnfús og virðist
vilja hag borgarbúa sem mestan og alls almenn-
ings, þannig að þetta er ekki allt slæmt. Það er
alls ekki þannig.
En ég ætla samt að fara að koma heim.
Elsti sonur minn er orðinn níu ára. Það er
kominn tími til að börnin mín komist í betra
menntakerfi heldur en er hér. Dóttir mín er
fimm ára og yngsti sonur minn er fjögurra ára.“
Tala börnin einhverja íslensku?
„Nei, það er eitthvað lítið. En krakkar eru ansi
fljótir að ná tungumálum.
Við fórum til Íslands árið 2010 og elsti strák-
urinn náði íslenskunni mjög fljótt.
Þótt hann hafi líka gleymt henni mjög fljótt
eftir að við komum heim til Guatemala.“
Hugmyndin að bókinni fæddist á
fæðingardeildinni, hvar annarstaðar?
Við hvað hefur þú starfað í Guatemala?
„Ég er búinn að vera að ljósmynda hér og búa
til allskonar, ég er mikið að vinna í sýndarveru-
leika í augnablikinu. En ég er að ljósmynda fyrir
mörg fyrirtæki hérna, meðal annars stórt gull-
námufyrirtæki, og búa til auglýsingar og þess-
háttar.“
Hvernig kom hugmyndin að Ævintýri Magn-
úsar til?
„Hugmyndin spratt upp þegar sonur minn
fæddist. Konan mín getur ekki eignast börn
venjulega, þannig að þau hafa öll verið tekin með
keisaraskurði. Fyrsti sonurinn fæddist með mik-
ið vatn í lungunum. Hann gat lítið andað þegar
hann fæddist. Við vorum með honum á spítala í
fimmtán daga. Annaðhvort foreldrið varð alltaf
að vera vakandi með barninu. Ég þurfti að taka
það mest að mér, því konan mín var í aðgerð.
Þá fer hausinn á flug. Víkingaeðlið kom upp,
því ég var að peppa upp soninn, þá horfði maður
til þessarar víkingaklisju, áfram víkingurinn!
æpti maður í huganum að syni sínum. Þegar
maður sá hann fara að anda og þessháttar þá
fagnaði maður með svona víkingakalli.
Mig langaði til að reyna að sýna þetta öðru-
vísi heldur en með þessari hefðbundnu bók.
Ég held að þetta hefði verið algjör snilld að fá
svona stafræna bók þegar ég var krakki í úti-
legu. Að geta haft eitthvað svona. Svo er ódýr-
ara að gefa þetta út svona stafrænt.“
Gefin út á mörgum tungumálum
og seld mjög ódýrt
Hvað á bókin að kosta?
„Ég reikna með að verðið verði á bilinu 2-5
dollarar. Ég mun reyna að hafa þetta sem allra
ódýrast.“
Ég sé í fréttatilkynningunni að þú ert ekki að
skrifa þetta einn, heldur er vinur þinn Wayne
Michaels að aðstoða þig við þetta? Hvernig
kynntust þið?
„Ég held ég hafi hitt hann á einhverju ferða-
lagi fyrir mörgum árum síðan og við héldum
sambandi. Hann hjálpaði mér að koma þessu í
orð.
Þetta átti fyrst að vera ævintýri Hlyns en
ekki Magnúsar. Hann hittir ísbjarnarunga sem
heitir Póló og saman fara þeir í ævintýraleit.
Mér fannst nöfnin hljóma vel, Hlynur og Póló.
Svo breyttum við því í Magnús, bókin kemur
út á svo mörgum tungumálum, að þótt Hlynur
hljómi vel á íslensku að þá hljómar það ekki vel
á spænsku. Magnús er þekktara víkinganafn og
bara samtímanafn í heiminum.
Bókin er fallega myndskreytt og það er hægt
að smella á það sem maður sér og þá heyrast
hljóð, eins og til dæmis ef maður smellir á kind-
ur þá jarma þær og þessháttar.
Það verður hægt að nálgast bókina á Google
Play, Itunes, Amazon og á heimasíðu okkar
www.icepano.com. Það er líka mögulegt að
kaupa bókina fyrirfram í gegnum karolinafund
og þannig styrkja útgáfuna. Hún verður á ís-
lensku, ensku, spænsku og norðurlanda-
málum,“ segir Pétur.
Hugmyndin að víkingabókinni
kviknaði á fæðingardeild í Guatemala
 Stafræn barnabók kemur út sem segir frá ævintýraleit víkingastráks  Höfundurinn er lesblindur
Víkingaferðir Pétur er höfundur bókarinnar en hann er búinn að búa í Guatemala í tíu ár.
Vísindabók Villa eftir Vilhelm Anton Jónsson kemur út á
ensku í janúar 2017 og verður dreift í Bandaríkjunum og
Kanada í gegnum Macmillan samsteypuna. Þetta kemur
fram í tilkynningu frá Forlaginu, en nýverið samdi Rétt-
indastofa Forlagsins við Eddu USA um útgáfu á bókinni
vestanhafs.
„Mikil hefð er þar ytra fyrir vísindum og tilraunum í
kennslu og fellur Vísindabók Villa einstaklega vel að
þeirri hefð. Við erum mjög spennt fyrir útgáfunni,“ er
haft eftir Tinnu Proppé hjá Eddu USA í tilkynningunni.
Þar er rifjað upp að Vilhelm Anton fjalli í bókinni á
skemmtilegan og einfaldan hátt um rafmagn, sólina, eld-
flaugar, blóð, atóm, vind, dulmál og margt fleira. Auk þess sé að finna í
bókinni fjölda tilrauna sem auðvelt er að gera heima.
Vísindabók Villa gefin út í Norður-Ameríku
Vilhelm Anton
Jónsson
Auður Jónsdóttir rithöfundur, Tinna
Hrafnsdóttir leikkona, leikstjóri og
framleiðandi, og Valgerður Bene-
diktsdóttir hjá Réttindastofu For-
lagsins undirrituðu í gær vilja-
yfirlýsingu um gerð kvikmyndar
upp úr metsölubók Auðar, Stóra
skjálfta, sem fyrirtæki Tinnu, Freyja
Filmwork, mun framleiða. Margrét
Örnólfsdóttir verður annar tveggja
handritshöfunda. Þetta kemur fram
í tilkynningu frá Forlaginu. Þar er
rifjað upp að Stóri skjálfti kom út
hjá Máli og menningu fyrir síðustu
jól og var tilnefnd til Íslensku
bókmenntaverðlaunanna sem og
Menningarverðlauna DV, en bókin
var valin besta íslenska skáldsagan
að mati íslenskra bóksala.
„Ég er verulega ánægð og þakklát
fyrir traustið. Þetta er gríðarlega
sterk og áhrifamikil saga og margt
við efnistök höfundar sem er mjög
spennandi fyrir kvikmyndamiðilinn.
Að fá Margréti Örnólfsdóttur til liðs
við okkur er líka mikill fengur,“
sagði Tinna Hrafnsdóttir við undir-
ritunina.
Stóri skjálfti verður kvikmynd
Gleðifréttir Auður Jónsdóttir, Tinna
Hrafnsdóttir og Valgerður Benediktsdóttir.
Árin segja sitt1979-2016
Hjónin Ragnar Guðmundsson, matreiðslu-meistari og kona hans
Bára Sigurðardóttir, stofnendur og eigendur Lauga-ás.
Laugarásvegi 1
104 Reykjavík • laugaas.is
)553 1620
Verið velkominn
Lauga-ás hefur frá 1979
boðið viðskiptavinum
sínum uppá úrval af
réttum þar sem hráefni,
þekking og íslenskar
hefðir hafa verið hafðar
að leiðarljósi.