Ægir - 01.08.2016, Blaðsíða 17

17
„Það hafa fáar rannsóknir verið
gerðar á búsvæðum botndýra
hér við land, einkum á djúp-
slóð. Myndun hafsbotnsins í
leiðangri nú á liðnu sumri er
liður í því að safna gögnum um
búsvæði á djúpslóð við Ísland.
Lífríkið ásamt botngerð og
fleiri þáttum voru skoðuð sam-
hliða og ólík svæði flokkuð með
tilliti til lífríkis og umhverfis-
þátta,“ segir Steinunn Hilma
Ólafsdóttir sérfræðingur hjá
Hafrannsóknastofnun, en hún
var leiðangursstjóri á rann-
sóknaskipinu Bjarna Sæmunds-
syni í leiðangri sem farinn var í
sumar. Skipstjóri var Guðmund-
ur Sigurðsson. Notast var við
neðansjávarmyndavélar og
hafsbotninn myndaður í því
skyni að safna saman gögnum
um búsvæði hans við Íslands. Í
leiðgangrinum var lífríkið við
Djúpálinn og Halann myndað,
sem og norðaustur af Horni, á
Kolbeinseyjarhrygg og á kant-
inum suður af Selvogsbanka.
Hafið okkar helsta auðlind
„Okkar helsta auðlind er hafið
og því er þekking á lífríki þess
og samspili við umhverfið mik-
ilvæg. Á hafsbotninum er að
finna fjölbreytt dýralíf og mörg
ólík búsvæði sem bregðast á
mismunandi hátt við álagi og
umhverfisbreytingum. Með
auknum kröfum um verndun
viðkvæmra svæða og rann-
sóknum á áhrifum botnveiðar-
færa er ljóst að við þurfum að
þekkja þessi svæði, útbreiðslu
þeirra og ástand og meta
hversu viðkvæm þau eru,“ segir
Steinunn.
Veður hafði töluverð áhrif á
val rannsóknarsvæða á liðnu
sumri, tækin sem notuð eru við
rannsóknir eru mjög viðkvæm
fyrir sjólagi. Til stóð að rannsaka
svæði út af Vestfjörðum, en
veður hamlaði því. Fjölgeisla-
kort af hafsbotninum er for-
senda þess að svæði séu rann-
sökuð á þennan hátt. Búið var
að fjölgeislamæla á svæðum
bæði fyrir norðan og sunnan og
var því ákveðið að færa rann-
sóknina þangað þar sem sjólag
var heppilegra á þeim tíma sem
rannsóknin stóð en fyrir vestan.
Sæfífill á 800 m dýpi í kantinum úti fyrir Selvogsgrunni. Sand og malarbotn. Rauð sævesla, mjúkur kórall, svampar af ýmsum
gerðum, slöngustjörnur og möttuldýr.
Kolkrabbi á 800 m dýpi í kantinum úti fyrir Selvogsgrunni.
Sæfífill ásmt mjúkum kóral og fleiri dýrum á hörðum botni.