Morgunblaðið - 07.11.2016, Blaðsíða 14
14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 7. NÓVEMBER 2016
Framtak-Blossi er umboðsaðili
fyrirVOLVO PENTA á Íslandi
Dvergshöfða 27 , 110 Reykjavík | www.blossi.is | blossi@blossi.is
Framtak-Blossi
kappkostar að bjóða
góða þjónustu og
sanngjarnt verð á
varahlutum.
Hafið samband við
Hafþór í síma 895-3144
eða hafthor@blossi.is
Vöruhús veitingamannsins
allt á einum stað
Höfðabakka 9 | 110 Reykjavík | Sími 595 6200 | bakoisberg.is
Opið virka daga kl. 8.30-16.30
...Margur er knár
þótt hann sé smár
Nýji SX Rational 2/3 GN ofninn
gerir allt það sama og
stærri gerðirnar.
Markaðsgreinendur segja styrk-
ingu breska pundsins í síðustu
viku aðeins tímabundið frávik og
spá að gjaldmiðillinn muni halda
áfram að veikjast.
Svenska Handelsbanken býst
við nærri 3% lækkun fram í mars,
en þá er reiknað með að Theresa
May forsætisráðherra virki út-
gönguákvæði Lissabon-sáttmál-
ans. Að sögn Bloomberg hefur
bankinn verið mjög sannspár um
þróun breska pundsins til þessa.
Gengi pundsins styrktist um
2,8% í síðustu viku eftir að dóm-
stóll komst að þeirri niðurstöðu á
fimmtudag að ríkisstjórnin mætti
ekki hefja útgönguferli Bretlands
úr Evrópusambandinu án þess að
fá fyrst samþykkis þingsins.
Þetta gæti leitt til þess að út-
ganga Bretlands úr ESB frestist,
eða að ríkisstjórnin verði að fara
málamiðlunarleið til að fá grænt
ljós hjá þinginu. Hyggst rík-
isstjórnin áfrýja dómsúrskurð-
inum.
Þrátt fyrir styrkinguna er
pundið enn um 16 % veikara en
það var í júní þegar þjóð-
aratkvæðagreiðslan um úrsögn
úr ESB var haldin.
Lengra óvissutímabil
Bloomberg hefur eftir gjald-
miðlasérfræðingi hjá Saxo Bank
að úrskurður fimmtudagsins
minnki líkurnar á „harkalegri út-
göngu“ en að enn ríki mikil
óvissa og gæti dómurinn orðið til
þess að framlengja óvissu-
tímabilið.
Einnig hjálpaði það pundinu á
fimmtudag að Englandsbanki
greindi þá frá því að ólíklegt
væri að bankinn myndi grípa til
frekari lækkunar stýrivaxta á
þessu ári. Tók bankinn þó ekki
með öllu fyrir inngrip og gætu
t.d. niðurstöður bandarísku for-
setakosninganna á morgun aukið
óstöðugleika á mörkuðum um all-
an heim og kallað á aðgerðir af
hálfu bankans. ai@mbl.is
Spá áframhaldandi
veikingu pundsins
AFP
Álag Mark Carney seðlabankastjóri
með fimm punda seðil. Lækkun
pundsins virðist fjarri því á enda.
Gjaldmiðlaviðskipti á egypska milli-
bankamarkaðinum voru mjög róleg á
sunnudag, vegna óvissu um eftir-
spurn og framboð á Bandaríkja-
dölum. Var sunnudagur fyrsti heili
viðskiptadagurinn eftir að stjórnvöld
ákváðu að setja egypska pundið á
flot. Að því er Reuters greinir frá
hélst gengi gjaldmiðilsins nokkuð
stöðugt; var 15,50 pund á dollarann í
upphafi dags en 15,30 þegar mörk-
uðum var lokað.
Í Egyptalandi, eins og í mörgum
öðrum múslimalöndum, er fjármála-
markaðurinn opinn frá sunnudegi til
fimmtudags.
Felldu gengið á fimmtudag
Stjórnvöld settu egypska pundið á
flot til að fullnægja skilyrðum sem
Alþjóðagjaldeyrissjóðurinn hefur
sett fyrir afgreiðslu 12 milljarða dala
láns.
Seðlabanki Egyptalands felldi
gengi gjaldmiðilsins á fimmtudag um
48%, svo að það fór úr nærri 9 pund-
um í 13 pund fyrir hvern Bandaríkja-
dal. Í byrjun síðustu viku kostaði dal-
urinn mest um 18 pund á svörtum
markaði, að sögn New York Times.
Veiking egypska pundsins þýddi
að ýmsar neysluvörur hækkuðu
snarlega í verði. Eldsneyti varð 30-
47% dýrara og olli það keðjuverkun
sem meðal annars hækkaði verðið á
flutningum og ýmsum matvælum.
Stjórn AGS og ríkisstjórn Abdel-
Fattah el-Sissi gerðu bráðabirgða-
samkomulag í ágúst og er reiknað
með að bankastjórnin samþykki lánið
í árslok. Binda egypsk stjórnvöld
vonir við að lánið muni auka tiltrú
fjárfesta og koma efnahag landsins á
rétta braut. ai@mbl.is
Egypska pundið stöðugt
eftir að hafa verið sett á flot
Flotið eitt af skilyrðum AGS fyrir 12 milljarða dala láni
AFP
Óvissa Gjaldeyrissali telur egypska seðla. Gengið var fellt á fimmtudag og
gjaldmiðillinn í framhaldinu settur á flot. Búist er við sveiflum á næstunni.
Síðust níu viðskiptadaga á Banda-
ríska verðbréfamarkaðinum hefur
S&P 500 vísitalan lækkað jafnt og
þétt. Þarf að leita allt aftur til ársins
1980 til að finna annað dæmi þess að
S&P 500 vísitalan hafi lækkað í svo
marga daga samfellt.
Heildarlækkunin nú nemur þó að-
eins um 3,1% en í desember 1980
lækkaði vísitalan um 9,4% á jafn-
mörgum dögum. Er hlutabréfavísi-
talan núna jafnlág og hún var dagana
eftir niðurstöðu Brexit-kosningar-
innar í júní.
Von á kipp á miðvikudag
Virðist það einkum vera óvissa um
niðurstöður bandarísku forsetakosn-
inganna á þriðjudag sem skýrir
lækkunina, en nýjustu skoðanakann-
anir sýna að Donald Trump hefur
saxað á forskot Hillary Clinton.
Óvissan veldur því að fjárfestar hafa
fært fjármagn sitt úr hlutabréfum og
fyrirtækjaskuldabréfum og leitað
skjóls í ríkisskuldabréfum og gulli.
Greinir FT frá að þróunin á mark-
aði bendi til þess að megi vænta allt
að 3% hækkunar eða lækkunar á
S&P 500 næstkomandi miðvikudag,
þegar niðurstöður forsetakosning-
anna liggja fyrir. Að sögn afleiðusér-
fræðings hjá Credit Suisse væri það í
fyrsta skipti í 58 ár sem bandaríski
hlutabréfamarkaðurinn myndi
bregðast við niðurstöðu kosninga
með svo afgerandi hætti.
Frá 1928 hefur það gerst þrettán
sinnum að S&P 500 hafi lækkað í níu
daga samfleytt. Að sögn Market-
Watch bendir reynslan til þess að ef
það gerist að vísitalan lækki sam-
fleytt í átta daga eða lengur megi
vænta nokkuð góðrar hækkunar
næstu 6 og 12 mánuðina þar á eftir.
ai@mbl.is
S&P 500 vísitalan á niður-
leið níunda daginn í röð
Fjárfestar leita skjóls í aðdraganda forsetakosninga
AFP
Kosið Frá kauphöllinni í New York.
Forsetakosningarnar valda titringi.
Þýski bílarisinn Volkswagen AG
greindi frá því á sunnudag að
rannsókn saksóknara á útblásturs-
hneykslinu svokallaða beindist nú
einnig að mögulegum brotum
Hans Dieter Pötsch, sem í dag er
formaður eftirlitsstjórnar fyrir-
tækisins. Pötsch var fjármálastjóri
Volkswagen þegar í ljós kom að
fyrirtækið hafði svindlað á útblást-
ursprófunum. Áður hafði rann-
sóknin aðallega beinst að Martin
Winterkorn, forstjóra VW, og
Herbert Diess, sem fer fyrir vöru-
merkjastjórnun samsteypunnar,
að því er FT greinir frá.
Í september á síðasta ári við-
urkenndi Volkswagen að allt að 11
milljón bílar sem seldir voru um
allan heim hefðu að geyma hug-
búnað sem gat breytt gangi véla í
útblástursprófunum til að gefa
ranga mælingu. Í stað þess að full-
nægja mengunarstöðlum reyndust
sumir bílar fyrirtækisins menga
allt að 40 sinnum meira en leyfi-
legt er í venjulegum akstri.
Í júní ákvað saksóknari í Brúns-
vík (þ. Braunschweig) að hefja
rannsókn á því hvort stjórnendur
VW hefðu gerst sekir um mark-
aðsmisnotkun með því að draga
það af ásettu ráði að upplýsa hlut-
hafa um útblásturssvindlið.
Segjast hafa fylgt lögum
Í tveimur dómsmálum sem höfð-
uð voru í Þýskalandi fyrir tveimur
mánuðum er Volkswagen sakað
um að hafa valdið hluthöfum tapi
sem hleypur á mörgum milljónum
evra fyrir að hafa ekki upplýst
nógu snemma um notkun svindl-
hugbúnaðarins. Volkswagen neitar
ásökununum og segir að eftir ít-
arlegt mat hafi sérfræðingar bæði
innan og utan fyrirtækisins komist
að þeirri niðurstöðu að stjórnend-
ur Volkswagen hafi starfað í sam-
ræmi við kröfur þýskra laga.
ai@mbl.is
Rannsaka formann eftirlits-
stjórnar vegna útblástursmáls
Var fjármálastjóri þegar upplýst var um útblásturssvindlið
AFP
Skaði Hans Dieter Pötsch á fundi
með blaðamönnum í desember.