Dagblaðið Vísir - DV - 05.08.2015, Side 16

Vikublað 5.–6. ágúst 201516 Lífsstíll
ATN Zebra 16
Z-spjótlyfta • Fjórhjóladrifin
• Diesel
• Vinnuhæð: 16,4m
• Pallhæð: 14,4m
• Lágrétt útskot: 9,3m
• Lyftigeta: 230kg
• Aukabúnaður: Rafmagns-
og lofttenglar í körfu.
• Til afgreiðslu strax
Ýmsar aðrar ATN spjót- og
skæralyftur til afgreiðslu
með stuttum fyrirvara.
Rútínan keyRð í
gang með haustinu
É
g vona að þú hafir átt ljúfa versl-
unarmannahelgi og að ÞÚ sért
tilbúin að takast á við komandi
tíma. Ég er einstaklega spennt
fyrir haustinu og að halda áfram
að miðla minni þekkingu, hvað varð-
ar hollan og heilbrigðan lífsstíl hér á
síðu Ræktardurgsins.
Ég hef unnið sem fjarþjálfari hjá
Betri árangri síðustu fjögur árin og
finn fyrir því hversu heitt flestir þrá
að keyra rútínuna í gang eftir sumar-
tímann. Þar af leiðandi er ágúst einn
uppáhaldsmánuður ársins hjá undir-
ritaðri, þar sem ég elska að hafa mikið
fyrir stafni. Eins og ég hef áður nefnt
í skrifum mínum, eru kræsingarnar
girnilegri, kæruleysið meira og fólk
meira með hugann við það að njóta
yfir sumartímann. Um leið og öll
starfsemi fer á fullt í ágúst, til dæm-
is skólar og leikskólar og flestir snúa
til vinnu eftir sumarfrí kemst regla á
hlutina og þá verður auðveldara að
skipuleggja sig og halda huganum við
hollan og góðan lífsstíl.
Fyrir enn frekari hvatningu af
minni hálfu minni ég á að hægt er að
fylgjast með mér á hinum ýmsu sam-
félagsmiðlum.
Instagram: Alesif Facebook:
facebook.com/betriale Blogg: alesif.
blogspot.com Snapchat: alesifnikka n
Þangað til næst, Ofurpeppaði
Ræktardurgurinn
n ekki sleppa því að taka mataræðið í gegn n settu þér markmið
Taktu einn dag í einu
Fyrst og fremst er mikilvægt
að ætla sér ekki að sigra heim-
inn á einni nóttu. Það er gott að
gefa sér góðan tíma í að koma
rútínunni aftur í gang. Oft get-
ur það verið krefjandi verkefni,
en er alltaf vel þess virði á end-
anum. Ef maður ætlar sér allt í
einu, eru meiri líkur á að fara út
af sporinu á miðri leið.
Farðu hægt og rólega af stað
í ræktinni, ekki byrja af fullum
krafti fyrstu vikuna. Sérstaklega
ekki ef þú hefur verið lengri tíma
frá æfingarútínunni. Það er mik-
ilvægt að hlusta vel á líkamann
og ætla honum ekki of mikið
fyrstu dagana.
Ekki fara út í öfgar í matar-
æðinu, veldu hinn gullna milli-
veg. Byrjaðu hægt og rólega að
velja betri kostina í mataræðinu.
Það er mjög auðvelt að falla aftur
í sama farið ef maður ætlar sér of
mikið í einu.
Hugsaðu þetta sem lífsstíls-
breytingu, en ekki átak
Besta leiðin er að gera þetta
að þínum lífsstíl til frambúð-
ar. Þannig ertu komin með
grunninn til þess að ná árangri
og sömuleiðis lykilinn til að
viðhalda honum í náinni fram-
tíð. Þannig er líka auðveldara að
vera í formi allan ársins hring.
Það að fara í átak er oftar en
ekki skammtímalausn sem skil-
ar mögulega góðum árangri til
styttri tíma.
Mundu eftir mikilvægi
mataræðis
„You can’t out-exercise a bad
diet“ – það eru orð að sönnu!
Ég minni á hversu mikilvægt
það er að ná tökum á matar-
æðinu samhliða æfingum.
Mataræðið er á bak við um 80%
af árangrinum. Það er hægt að
mæta á virkilega góðar og krefj-
andi æfingar, en ef borðað er illa
samhliða þeim verður árangur-
inn sama sem enginn, þrátt fyrir
allt erfiðið. Um leið og matar-
æðið er tekið í gegn, fer árangur-
inn að skila sér.
Skipulag
Í gegnum tíðina hef ég kom-
ist að því sjálf, og séð hjá kon-
um í þjálfuninni hjá okkur, hvað
skipulagið hefur mikið að segja.
Það hefur hjálpað mér mjög mik-
ið að vera skipulögð í kringum
mataræði og æfingar. Þannig er
mun auðveldara að halda sér
á beinu brautinni. Ég skrifaði
meira að segja sér grein um slíkt
í Ræktardurginum hér fyrr á ár-
inu sem hægt er að nálgast á dv.is
undir flokknum lífsstíl - skyldu-
lesning fyrir þá sem vantar hvatn-
ingu eða leiðbeiningar og vilja
koma sér í gírinn.
Settu þér hvetjandi markmið
Ég elska að setja mér markmið
og við notum markmiðasetningu
mikið í fjarþjálfuninni til þess að
hvetja viðskiptavini okkar áfram
og halda þeim við efnið.
Það er sniðugt að byrja
haustið á að setja sér annars
vegar langtímamarkmið og hins
vegar skammtímamarkmið.
Núna styttist í jólin og nýtt ár í
framhaldi af því, og þar af leið-
andi sniðugt að nýta þau tíma-
mót sem gulrót fyrir skammtíma-
markmið.
Best er að skrá markmiðin
niður á blað, þannig að þú sért
meðvituð um hvert stefnan er
sett. Svo er líka einstaklega gam-
an og hvetjandi að geta hakað
við markmið sem þú nærð.
Góð ráð til að keyra sig í gang
Síðan að Ræktardurgurinn hóf göngu
sína í febrúar, hef ég fengið fjöldann
allan af póstum. Þar hef ég fengið hrós,
ábendingar og einnig hugmyndir að
greinum. Ég er ótrúlega þakklát fyrir
góðar undirtektir og mig langar til að gefa
eitthvað af mér til baka.
Því datt mér í hug að setja upp svo-
kallaðan spurt og svarað-dálk, sem ég
myndi birta reglulega í greinum mínum.
Ef dálkurinn gengur vel verður þetta að
föstum lið í Ræktardurginum í haust.
Spurningarnar mega tengjast hollum og
góðum lífsstíl, æfingum, mataræði og því
efni sem ég hef verið að taka fyrir.
Það sem þú þarft að gera til að koma
þinni spurningu á framfæri er að senda mér
línu á netfangið ale_sif@hotmail.com
Ísskápur Best er að eiga til hollan mat
heima við og forðast að kaupa inn óholl-
ustu. Það er mun auðveldara að grípa í
óhollt þegar það er til staðar.
Alexandra Sif
Nikulásdóttir
ale_sif@hotmail.com
Nesti Ég útbý alltaf nesti tvo daga fram í tímann fyrir
vinnuna. Þannig auðvelda ég ýmislegt og spara pening.
Mig langar til þess að
hvetja ykkur áfram …
Taskan Skipulagið skiptir miklu máli. Ég geri íþróttatöskuna tilbúna deginum áður, þar sem
minn æfingartími er klukkan sex á morgnana.