Fréttatíminn - 20.10.2016, Qupperneq 2

Í stuttu máli
Lífeyrir 4.200 ellilífeyrisþega
hjá Tryggingastofnun lækkar
eða fellur niður um næstu
áramót. Í nýjum lögum um
almannatryggingar, sem sam-
þykktar voru á síðustu dögum
þingsins, var afnumin sú regla
að lífeyrissjóðstekjur skerði
ekki grunnlífeyri aldraðra
sem nú er tæplega 40.000 kr.
á mánuði.
Guðrún Árnadóttir
segist hafa unnið
hjá ríkinu þrátt fyrir
lægri laun í þeirri trú
að hún væri að safna
til efri ára.
Grunnlífeyrir fellur niður hjá eldri borgurum sem hafa meira en hálfa milljón í tekjur. Mynd | Rut
2 | FRÉTTATÍMINN | Fimmtudagur 20. október 2016
Fréttatíminn kemur í dag út í fyrsta skipti á fimmtu-degi. Fréttatíminn kemur næst út á morgun, föstu-
dag, og síðan aftur á laugardaginn.
Og síðan á ný á fimmtudaginn í
næstu viku.
Þetta verður útgáfutíðni
blaðsins í framtíðinni. Fréttatím-
inn kemur út á fimmtudögum,
föstudögum og laugardögum.
Ástæðan að baki útgáfudögun-
um er að þetta eru þeir dagar sem
auglýsingamarkaðurinn á Íslandi
ber fríblað. Það er kostnaðarsamt
að prenta blöð í 80 þúsund ein-
tökum og bera heim til fólks. Þörf
fyrirtækja fyrir samskipti við við-
skiptamenn sína ber slíka útgáfu
þessa þrjá daga vikunnar. Aðra
daga vikunnar er þörfin svo lítil að
það er ekki hægt að fleyta blaðaút-
gáfu á henni.
Þótt búið sé að koma útgáfuáætl-
un Fréttatímans í varanlegt horf
er ekki þar með sagt að Fréttatím-
inn muni ekki breytast á komandi
misserum. Það tekur langan tíma
og móta blað og í raun er því aldrei
lokið. Blöð, eins og aðrir fjölmiðl-
ar, eru fyrst og fremst samskipti
og stefnumót. Þau breytast því
með samfélaginu og þroskast eftir
því sem samskipti ritstjórnar og
lesenda eflast.
Þótt útgáfa Fréttatímans muni
verða bundin þessum þremur
dögum mun frettatiminn.is eflast
á næstu misserum og starfsemi
Fréttatímans ná til fleiri miðla.
Lykill að vexti Fréttatímans á
umliðnum mánuðum hefur verið
góðar viðtökur lesenda og almenn-
ings. Starfsfólk blaðsins þakkar
fyrir áhuga lesenda og mun reyna
að standa undir væntingum þeirra
í framtíðinni.
Gunnar Smári
FLEIRI
FRÉTTATÍMAR
3 ×
í viku
Ellilífeyrir hjá 4200 lækkar
um tugi þúsunda um áramót
Velferð „Mér finnst þetta vera
svik,“ segir Guðrún Árnadótt-
ir lífeyrisþegi og segir ekki
stórmannlegt að skerða tekjur
lífeyrisþega til að hækka grunn-
lífeyri þeirra sem mest þurfa á
því að halda. Það sé rosa legur
skellur fyrir alla að fara á
eftirlaun.
Þóra Kristín Ásgeirsdóttir
tka@frettatiminn.is
Allir fá grunnlífeyri í dag frá
Tryggingastofnun en samkvæmt
nýju lögunum sem Alþingi sam-
þykkti skömmu fyrir þinglok fá þeir
sem hafa yfir 530 þús á mánuði ekki
grunnlífeyrinn.
„Mér finnst þetta vera svik,“ segir
Guðrún Árnadóttir lífeindafræðing-
ur hefur verið opinber starfsmaður
allt sitt líf.
„Ég hef verið opinber starfsmað-
ur allt mitt líf og sætti mig við allt að
17% lægri laun en á almenna mark-
aðnum, þar sem lífeyrisréttindi mín
ættu að bæta mér það upp, þegar á
efri ár væri komið. Ég var sem sagt
að safna í sjóð til efri ára.“
Hún segir að vegna þessara
lífeyrisréttinda hafi hún enga
tekjutryggingu og hún geri ekki
athugasemdir við það. Grunnlíf-
eyririnn hafi hinsvegar haldið sér,
skertur að vísu, en núna sé síðasta
vígið fallið.
Lífeyrir hækkar um áramót hjá
þeim öldruðum sem hafa heimilis-
uppbót og fá því ekki greiðslur úr
lífeyrissjóði. Um fjórðungur aldr-
aðra er í þeim hópi.
Guðrún segist vel meðvituð um
að sá hópur sem hafi engar aðr-
ar lífeyristekjur þurfi á hækkun
að halda. Hún segir að þau hjón-
in muni þó um allt eins og flesta
eftirlaunaþega. „Það er rosalegur
skellur fyrir alla að fara á eftirlaun.
Margir þeirra þurfa að stokka veru-
lega upp hjá sér, t.d. skipta um hús-
næði og fara í minna og ódýrara.
„Það versta er, að íbúðir ætlaðar
eldri borgurum, sem eru á þessari
vegferð, eru oftast á uppsprengdu
verði og bæti því lítið úr skák,“ seg-
ir hún. „Eru ekki til stórmannlegri
aðferðir við að bæta ellilaunin hjá
þeim sem sannarlega þurfa þess en
að skerða á ellilaun annarra?“
Hún bendir á að nóg sé af
skerðingum nú þegar og segist
spyrja sig hvað yrði sagt ef slíkar
aðferðir yrði teknar upp hjá öðrum
hópum launþega?
Guðrún segist vel meðvituð um,
að sá hópur sem hafi engar lífeyris-
tekjur þurfi á hækkun að halda, en
í raun séu einnig margir sem hafa
einhverjar lífeyristekjur í sömu
þörf.
„Hvað mig varðar, virðist ég
einungis hafa safnað í lífeyrissjóð
til að borga mér sjálfri ellilaun.
Ég var því að safna fyrir almanna-
tryggingarnar allan tímann.“
Salmann Tamimi segir það sárt fyrir
yngri múslima að sjá slíka andstöðu
við byggingu moskunnar.
Trúarbrögð Formaður Félags
múslima, Salmann Tamimi,
segir könnun MMR um afstöðu
Íslendinga til byggingar mosku
sorglega. Þá sé erfitt fyrir yngri
kynslóðir múslima hér á landi að
sjá svona kannanir, enda margir
fæddir og uppaldir hér á landi.
„Að sjá svona lagað er sárt, sérstak-
lega fyrir yngri kynslóðir múslima
sem eru fæddir og uppaldir hér á
landi. Manni sárnar að sjá svona,“
segir Salmann.
Um 42 prósent landsmanna eru á
móti því að múslimar reisi mosku á
Íslandi meðan um 32 prósent eru því
hlynntir.
„Þetta eru á margan hátt van-
þekking, enda eru nokkrar moskur
nú þegar á Íslandi,“ segir Salmann
sem undrast andstöðuna við húsin
sem slík.
Hann hafnar því þó að Íslend ingar
séu fordómafullir. „Hinn venjulegi
Jón Jónsson er ekki fordómafullur,“
segir Salmann
Kjósendur Framsóknarflokksins
eru helst andvígir byggingu mosku,
eða 56,8%. Borgarfulltrúar Fram-
sóknar- og flugvallarvina, keyrðu á
andstöðu við byggingu mosku í síð-
ustu sveitarstjórnarkosningum, og
uppskáru ríflega, eða tvo borgar-
tfulltrúa.
Þá er rétt rúmlega helmingur kjós-
enda Sjálfstæðisflokksins andvígur
byggingu mosku.
Spurður hvort honum finnist bilið á
milli íslenskra múslima og Íslendinga
vera að breikka, svarar Salmann neit-
andi. „Bilið er að breikka á milli for-
dómafullra og hinna venjulegu. Það
sama er að gerast víða í Evrópu og
Bandaríkjunum. Heilu samfélögin
eru að sundrast út af svona vitleysu,“
segir Salmann. | vg
Sárt fyrir yngri kynslóð múslima
Dómsmál Ríkissaksóknari telur ekki ástæðu til að
áminna saksóknarann sem ber ábyrgð á mistökum
embættisins sem leiddi til þess að mál Hannesar
Smárasonar, sem hefur verið ellefu ár í kerfinu, var
fellt niður.
Sigríður Friðjónsdóttir ríkissaksóknari segir að
þarna hafi verið gerð mistök, en hún hélt fund með
starfsmönnum embættisins í gær til að fara yfir verk-
ferla innan embættisins. Hún segir þó ekki ástæðu til
að áminna saksóknarann sem átti í hlut. Fleiri en einn
saksóknari hjá embættinu hefur komið að málinu hjá
embættinu. Á fyrri stigum var það hjá Helga Magnúsi
Gunnarssyni en það var Einar Tryggvason sem hafði
málið með höndum nú. Helgi Magnús sagði við Fréttatí-
mann í síðustu viku að álagið væri mikið og starfsmenn
hefðu ekki undan. Samkvæmt heimildum Fréttatím-
ans kom það mönnum í opna skjöldu að Hæstiréttur
úrskurðaði með þessum hætti enda hefur það oft komið
fyrir í gegnum árin að greinargerðir sækjenda og verj-
enda komi eftir að frestur er liðinn. Drátturinn nú varð
hinsvegar óvanalega langur þar sem greinargerðin var
sett í póst eftir að fresturinn var útrunninn. | þká Ríkissaksóknari segir mistök hafa átt sér stað.
Saksóknari ekki áminnturAuglýsing frá yfirkjörstjórnum Reykjavíkurkjördæma norður og suður
Laugardaginn 29. október nk. fara fram kosningar til Alþingis.
Kjörstaðir í Reykjavík opna kl. 9 og eru opnir til kl. 22.
Í Reykjavíkurkjördæmi norður eru kjörstaðir eftirfarandi:
Ráðhús Reykjavíkur
Menntaskólinn við Sund
Íþróttamiðstöðin Grafarvogi, Dalhúsum
Vættaskóli Borgir
Klébergsskóli
Kjarvalsstaðir
Laugalækjarskóli
Ingunnarskóli
Í Reykjavíkurkjördæmi suður eru kjörstaðir eftirfarandi:
Hagaskóli
Hlíðaskóli
Breiðagerðisskóli
Íþróttamiðstöðin Austurbergi
Árbæjarskóli
Ölduselsskóli
Ingunnarskóli
Kjósendur geta kannað hvar þeir eiga að kjósa á www.kosning.is en kjörskrá liggur einnig
frammi í afgreiðslu Ráðhúss Reykjavíkur. Allar nánari upplýsingar eru veittar í gegnum
netfangið kosningar@reykjavik.is.