Fréttatíminn - 20.10.2016, Blaðsíða 18

18 | FRÉTTATÍMINN | Fimmtudagur 20. október 2016
Nú þegar þrjár vikur eru til kosn-
inga í Bandaríkjunum snýst spenn-
an ekki lengur um það hvort Trump
eða Hillary verði næsti forseti
Bandaríkjanna, heldur hversu stór
ósigur Trump verði og hvaða áhrif
hann hafi á bandarísk stjórnmál, og
þá sérstaklega Repúblikanaflokk-
inn. Repúblikanar hafa sérstaklega
áhyggjur af því að óvinsældir Trump
smitist yfir á aðra frambjóðend-
ur flokksins og muni þannig kosta
flokkinn meirihlutann í öldunga-
deildinni eða jafnvel þinginu.
Stjórnmálaskýrendur telja hins
vegar að skaðinn af Trump kunni
að verða enn meiri til lengri tíma.
Trump kunni að hafa eitrað ímynd
flokksins svo rækilega að hann eigi
sér í raun ekki framtíð nema sem
farvegur fyrir reiði og gremju frekar
fámenns minnihluta hvíts fólks sem
stendur ógn af samfélagsbreyting-
um, samtímanum og framtíðinni.
Sögulegur ósigur
Donald Trump er tamt að tala um
sjálfan sig og afrek sín í hæsta stigi.
Trump færir Demókrötum öldungadeildina
Allt bendir nú til þess að Hillary Clinton muni vinna öruggan sigur
í kosningunum 8. nóvember, og að Demókratar muni jafnframt
endurheimta meirihluta í öldungadeildinni. Meirihluti í fulltrúa-
deildinni gæti jafnvel verið innan seilingar. Við slíkar aðstæður
gæti virst eðlilegt að vænta þess að Demókratar boðuðu metn-
aðarfulla stefnuskrá, loforð um uppstokkun og endurgjöf efna-
hagslegra gæða. Vinsældir Bernie Sanders sýndu að það er eftir-
spurn eftir slíku í bandarískum stjórnmálum og margir hafa viljað
meina að stuðningur við Trump spretti m.a. af kreppu bandarískr-
ar verkalýðsstéttar. Það er því bæði eftirspurn og þörf á róttækum
aðgerðum. Af hverju hefur Hillary ekki boðað von og breytingar
eins og Obama gerði 2008? Að einhverju leyti er skýringarinnar að
leita í því að Hillary er miðjumanneskja og varkár. Önnur skýring
er sú að Hillary og Demókrataflokkurinn horfa lengra fram á veg-
inn og kosningarnar í nóvember eru í raun aðeins biðleikur fyrir
næstu forsetakosningar, árið 2020.
Magnús Sveinn Helgason
ritstjorn@frettatiminn.is
Fréttir af kyn-
ferðislegri áreitni
Trump hafa orðið
til þess að sumir
af áreiðanlegustu
kjósendahópum
Repúblikanaflokks-
ins eru byrjaðir að
snúa baki við for-
setaframbjóðanda
hans. Það getur
orðið erfitt fyrir
flokk sem hefur til
þessa gert tilkall til
þess að vera brjóst-
vörn „hefðbundinna
fjölskyldugilda“ og
siðgæðis í stjórnmál-
um að endurheimta
traust stuðnings-
manna sinna eftir að
hafa teflt fram for-
setaframbjóðanda
sem er algerlega
laus við auðmýkt
eða siðferðisstyrk.
Myndir | Getty
Allt sem hann tekur sér fyrir hend-
ur og öll hans afrek eru alltaf stærri
í sniðum en það sem aðrir hafa gert:
„yuuuge!“
Og kosningaósigur Trump virðist
ætla að verða risavaxinn, því net-
ritið Politico bendir á að ef niður-
staða kosninganna verði í samræmi
við síðustu kannanir verði munur-
inn á Hillary og Trump sá mesti í 20
ár. Samkvæmt meðaltali RealClear-
Politics.com á fylgi frambjóðend-
anna er Hillary nú að meðaltali með
45,9% á landsvísu, Trump 39,1%,
Gary Johnson, frambjóðanda Frjáls-
hyggjuflokksins 6,4% og Jill Stein,
frambjóðandi Græningja með 2,4%.
Samkvæmt þessu er Hillary með
6,8% forskot á Trump, sem yrði
mesti munur á frambjóðendum
stóru flokkanna síðan 1996, þegar
Bob Dole tapaði fyrir Bill Clinton
með 8,5% mun.
Munurinn gæti þó hæglega orðið
meiri, því kannanir hafa sýnt
Hillary með allt að 12% forskot á
Trump. Þá þyrfti að fara allt aftur
til 1984 til að finna stærri ósigur, en
það ár tapaði Walter Mondale fyrir
Ronald Reagan með 18,2%.
Það er líka rétt að hafa í huga að
það eru engin dæmi í sögu banda-
rískra stjórnmála um að frambjóð-
anda hafi tekist að vinna upp þetta
stórt bil þegar svona stutt var til
kosninga.
Jakkalöf Trump
Í bandarískum stjórnmálum er
talað um að aðrir frambjóðendur
geti siglt til sigurs á jakkalöfum for-
setaframbjóðenda flokksins, „the
presidential coattails“. Vinsæld-
ir Barack Obama 2008 ruddu t.d.
brautina fyrir stórsigur Demókrata í
báðum deildum þingsins og svipaða
sögu má segja um sigur George W.
Bush árið 2004. Ástæðan er sú að
forsetakosningar geta dregið fólk á
kjörstað sem ella myndi sitja heima
en mætir og kýs þá alla aðra fram-
bjóðendur flokksins auk forsetans.
En um leið og vinsælir frambjóð-
Einn af mörgum öldungardeildarþingmönnum Repúblikana sem Demókratar
gerðu sér vonir um að geta fellt var John McCain. Nýjustu kannanir sýna hins
vegar að McCain er með öruggt forskot á keppinaut sinn Ann Kirkpatrick.
McCain hefur tryggt stöðu sína enn frekar með því að draga til baka stuðning
sinn við Trump.
„Kosningaósigur Trump virðist ætla að verða risavax-
inn, því netritið Politico bendir á að ef niðurstaða kosn-
inganna verði í samræmi við síðustu kannanir verði
munurinn á Hillary og Trump sá mesti í 20 ár.“
endur geta rutt veginn fyrir aðra
flokksmenn geta óvinsælir fram-
bjóðendur fælt frá. Og slík áhrif
óttast Repúblikanar að Trump hafi
á kjósendur Repúblikanaf lokk-
inn. Fólk sem hefði undir öðrum
kringumstæðum mætt á kjörstað
ákveði að sitja heima eða kjósi
Hillary og Demókrata.
Leiðtogar Repúblikana í þinginu,
Paul Ryan og John McCain hafa á
undanförnum vikum reynt að fjar-
lægja sig frá Trump, neitað að styðja
hann eða snúið við honum baki.
Það er ekki vegna þess að McCain
eða Ryan hafi skyndilega uppgötvað
hvaða mann Trump hafi að geyma
enda hefur það verið nokkuð ljóst
öllum sem vildu sjá í marga mánuði,
heldur vegna þess að þeir óttast að
hann kunni að kosta þá völd og
áhrif í þinginu.
Trump kostar öldungadeildina
Trump virðist þegar vera búinn
að gera út um vonir Repúblikana
til að halda meirihluta í öldunga-
deildinni. Samkvæmt kosninga-
spá Nate Silver hafa demókratar nú
74,6% líkur á að ná meirihlutanum
í deildinni. Demókratar bæta við
sig sex sætum í Wisconsin, Illino-
is, Missouri, Indíana, Pennsylvaníu
og New Hampshire en tapa engu.
Demókrötum dugar að vinna fjögur
sæti til að ná 50 sætum og þar með
meirihluta í öldungadeildinni, því
varaforsetinn greiðir oddaatkvæði
ef flokkarnir eru jafnir að atkvæð-
um.
Takmörkuð jákvæð áhrif Hillary
Áhrif Trump á fylgi Repúblikana í
öldungadeildinni eru þó minni en
búast hefði mátt við. Harry Enten
á FiveThirtyEight.com bendir á að
meðan mjög sterk fylgni hafi ver-
ið á milli líkinda Hillary á að vinna
forsetakosningarnar og Demókrata
á að vinna meirihluta í öldunga-
deildinni allt síðan í haust hafi þetta
samband rofnað á síðustu vikum.
Fylgi Hillary hefur aukist meira en
fylgi við frambjóðendur flokksins til
öldungadeildarinnar.
Ástæðan er meðal annars sú að
bandarískir kjósendur hafa sögu-
lega haft tilhneigingu til að skipta
þingi og öldungadeild milli flokk-
anna til að koma í veg fyrir að ann-
ar hvor þeirra hafi of mikil völd.
Heimili
& hönnun
Þann 5. nóvember
auglysingar@frettatiminn.is | 531 3300
ALLT UM STOFUNA
& BORÐSTOFUNA