Morgunblaðið - 23.12.2016, Side 14

14 FRÉTTIRInnlent
MORGUNBLAÐIÐ FÖSTUDAGUR 23. DESEMBER 2016
EITT
ER VÍST:
ALNO
FRJÁLS VERSLUN 3 tbl. 2016 63
Suðurlandsbraut 26 Sími: 587 2700
Opið 11-18 virka daga og 11-16 laugardaga. www.alno.is
Jólasöfnun
Mæðrastyrksnefndar Reykjavíkur er hafin
Það hefur sýnt sig að á erfiðum tímum stendur
íslenska þjóðin saman og sýnir stuðning,
hver og einn eftir bestu getu.
Hægt er að leggja framlög inn á reikning
nr. 0101-26-35021, kt. 470269-1119
Einnig er opið fyrir síma á skrifstofutíma
s. 551 4349, netfang: maedur@simnet.is
Guðni Einarsson
gudni@mbl.is
Skipulagsstofnun telur tilefni til að
endurskoða áform Landsvirkjunar
um uppbyggingu Búrfellslundar, 200
MW vindorkuvers við Búrfell.
„Niðurstöður um mikil umhverfis-
áhrif gefa, að mati stofnunarinnar,
tilefni til að skoða hvort önnur land-
svæði henta betur fyrir uppbyggingu
af þessu tagi og umfangi. Þá kann að
vera tilefni til að skoða hvort um-
fangsminni uppbygging á betur við á
þessu svæði, bæði hvað varðar hæð
og fjölda vindmylla,“ segir m.a. í frétt
Skipulagsstofnunar um álit hennar
vegna mats á umhverfisáhrifum Búr-
fellslundar.
Búrfellslundur yrði í hópi stærstu
virkjana landsins. Engin sambærileg
vindorkuver eru til á Íslandi. Vind-
orkuver af því umfangi sem hér um
ræðir fæli í sér „algjört nýmæli hvað
varðar skipulag og mat á umhverfis-
áhrifum í íslensku umhverfi.“
Svæðið á stærð við Mývatn
Verkefnið felst í því að reisa 58-67
vindmyllur, allt að 150 metra háar, á
33-40 km2 svæði. Til samanburðar er
turn Hallgrímskirkju 74,5 m hár,
vindmyllurnar sem nú standa við
Búrfell eru 77 m háar og tvær vind-
myllur í Þykkvabæ eru 74 m háar.
Svæðið sem gert er ráð fyrir að há-
reistar vindmyllur þeki er á stærð við
Mývatn. „Þannig verður um að ræða
ein stærstu og sýnilegustu mannvirki
á miðhálendinu til þessa, sem munu
skera sig meira úr umhverfinu en
stærstu mannvirki sem fyrir eru,“
segir Skipulagsstofnun.
Stofnunin kemst að þeirri niður-
stöðu að fyrirhugað vindorkuver við
Búrfell sé líklegt „til að hafa veruleg
áhrif á landslag og víðerni auk ferða-
þjónustu og útivistar.“ Tekið er fram
að áhrifamatið sé háð óvissu því full-
nægjandi greining á áhrifum fram-
kvæmdarinnar á landslag og víðerni
liggi ekki fyrir. Þess vegna ríkir
óvissa um áhrif á ferðaþjónustu og
útivist. Þá telur stofnunin þörf á frek-
ari skoðun á áhrifum framkvæmdar-
innar á fuglalíf. Áhrif á þætti eins og
hljóðvist, gróður, jarðmyndanir og
menningarminjar eru almennt talin
óveruleg, nema á og næst fram-
kvæmdasvæðinu. Þar muni nokkurra
neikvæðra áhrifa gæta vegna rasks á
landi og hljóðmengunar.
Framkvæmdin er í biðflokki tillögu
að rammaáætlun og fellur illa að
áherslum Landsskipulagsstefnu
2015-2026 á vernd víðerna og lands-
lagsheilda, að sögn Skipulagsstofn-
unar. Ekki hefur verið gert ráð fyrir
vindorkuverinu í skipulagsáætlunum
viðkomandi sveitarfélaga.
Morgunblaðið/Árni Sæberg
Við Búrfell Landsvirkjun er með áform um að reisa 58-67 allt að 150 metra háar vindmyllur á 33-40 km2 svæði.
Áform um vindmyllur
verði endurskoðuð
 Skipulagsstofnun skilar áliti um vindorkuver við Búrfell
„Staðan er óviðunandi fyrir alla
hlutaðeigandi,“ segir í yfirlýsingu
samninganefndar Félags kennara
og stjórnenda í tónlistarskólum
(FT) sem birt var í gær.
Samninganefndin lagði til við
Samband íslenskra sveitarfélaga
20. desember hugmynd um skamm-
tímasamning og eingreiðslu til að
höggva á þann hnút sem kjara-
viðræðurnar hafa verið í en samn-
ingar hafa verið lausir nú í fjórtán
mánuði.
„Samtal aðila síðustu daga hefur
litlum árangri skilað,“ segir jafn-
framt í yfirlýsingunni og að von-
brigði séu að sveitarfélögin og
Reykjavík komi ekki meira til móts
við félagið og bindi enda á ástandið.
Morgunblaðið/Hallur Már
Óviðunandi staða í
kjaraviðræðum FT
Kúabændur mega auka mjólkur-
framleiðslu sína um 5,9% á komandi
ári frá því sem var í ár. Fram-
kvæmdanefnd búvörusamninga hef-
ur ákveðið að greiðslumarkið fyrir
árið 2017 fari upp í 144 milljónir
lítra, úr 136 milljónum lítra á þessu
ári. Þá hækkar framleiðsluskyldan
úr 80% af greiðslumarki í 90%, en
framleiðsluskyldan er notuð til að
ýta undir eða letja framleiðsluna.
Neysluspár gera ráð fyrir aukinni
mjólkurvöruneyslu á næsta ári og er
hækkunin byggð á þeim.
Arnar Árnason, formaður Lands-
sambands kúabænda (LK), segir
þetta mjög jákvæðar fréttir fyrir
kúabændur. „Auðvitað eru ein-
hverjir í þeim sporum að vera með
fjósin sín full nú þegar og ráða ekki
við framleiðsluaukningu. Þá kemur
til innlausnaskyldu ríkisins, en ríkið
kaupir þá greiðslumarkið sem ekki
næst að fylla upp í á fyrirfram
ákveðnu verði og selur strax á sama
verði til bónda sem óskar eftir því og
getur framleitt meira,“ segir Arnar.
Sinna markaðinum vel
Greiðslumarkið var 140 milljón
lítrar árið 2015, fór niður í 136 árið á
eftir og nú upp í 144. Arnar segir
slíkar sveiflur geta verið kúabænd-
um erfiðar þar sem framleiðsluferill
þeirra er svo langur, draga megi úr
framleiðslunni snögglega með því að
fella gripi en meira mál sé að bæta
við gripum og auka þannig fram-
leiðsluna, það taki tvö ár frá því
kvígukálfur fæðist þar til hann er
orðinn að mjólkurkú. Arnar segir
þessar sveiflur að mestu vera út af
neyslunni en nú sé verið að sérsníða
sérstakt spámódel til að hægt verði
að áætla með nákvæmari hætti um
framtíðina. „Það er verið að finna
betri leið til að áætla þetta. Þessar
sveiflur eru óviðunandi bæði fyrir
bændur og iðnaðinn því samkvæmt
búvörulögum er markaðsráðandi af-
urðarstöð í mjólkuriðnaði skylt að
taka við allri mjólk sem er fram-
leidd,“ segir Arnar. Hann hefur ekki
áhyggjur af því að ekki náist að
framleiða upp í greiðslumarkið.
„Á þessu ári ná kúabændur að
framleiða um 151 milljón lítra, en
það voru raddir hér uppi fyrir þrem-
ur árum síðan sem sögðu að það
væri fræðilega vonlaust að framleiða
150 milljón lítra með íslenska kúa-
kyninu. Við sýndum fram á annað og
meðalnytin í landinu er enn á mjög
hraðri uppleið. Ég hef ekki áhyggjur
af að við verðum fyrir mjólkurskorti
en við þurfum að nýta alla aðstöðu
og alla gripi til að sinna markað-
inum, en okkar eina markmið er að
sinna innanlandsmarkaðinum vel.“
ingveldur@mbl.is
Morgunblaðið/Atli Vigfússon
Kýr og kálfur Búist er við aukinni
neyslu mjólkurafurða á næsta ári.
Mjólkurfram-
leiðsla má aukast
 Gert ráð fyrir aukinni neyslu 2017
„Nú þegar mati á umhverfis-
áhrifum fyrsta vindorkuvers á
Íslandi er lokið er eðlilegt að
dreginn sé af því lærdómur.
Landsvirkjun mun nýta sér þá
þekkingu og reynslu sem fram
hafa komið í ferlinu til frekari
þróunar og undirbúnings vind-
orku á Íslandi,“ segir í frétta-
tilkynningu Landsvirkjunar.
Þar segir að skilyrði við Búr-
fell séu hagstæð fyrir vind-
orkuver. Þar eru sex vatnsafls-
virkjanir og net háspennulína
ásamt tilheyrandi innviðum. Í
matsskýrslunni voru skoðuð
heildaráhrif af 200 MW vind-
lundi þar sem uppbygging færi
fram í smærri áföngum. „Með
því móti fengist mat á áhrifum
vindmylla á svæðinu áður en
endanlega stærð vindlundar
væri ákveðin,“ segir Lands-
virkjun og bendir á að fram-
kvæmdirnar séu afturkræfar.
Draga
lærdóm af
LANDSVIRKJUN