Álit: tímarit löggiltra endurskoðenda - 01.01.1996, Blaðsíða 40

umsagnar álitsgerð sína um birgðir. Oskað var eftir
umsögn áður en ráðið tæki álitsgerð sína tdl formlegr-
ar afgreiðslu. Haldnir voru fundir um efhið og í ffam-
haldi af þeim sendi nefndin frá sér umsögn í aprílbyrj-
un.
Oskað var álits á því hvernig réttast væri að bóka
eignarhluta í Sölumiðstöð hraðffystihúsanna hjá fé-
lagsaðilum. Nefndin sendi frá sér í mars greinargerð
og tillögur um meðferð eignarhlutans.
I janúarmánuði fékk nefndin til umfjöllunar erindi
ffá Draupnissjóðunum hf. þar sem óskað var eftir til-
lögum um útreikning á marksaðsverði hlutabréfa í
uppgjörum hlutabréfasjóða og fjárfestingarfélaga.
Nefndin sendi ffá sér umfjöllun um efnið í lok janúar.
Félagið hefur frá árinu 1991 staðið árlega fyrir
könnun á gæðum reikningsskila með því að skoða árs-
reikninga félaga. A aðalfundi 1994 var svo komið að
nauðsynlegt var talið að breyta um forma á því gæða-
eftirliti sem ffamkvæmt var. Fundurinn fól Reiknings-
skilanefhd og Endurskoðunarnefnd að vinna saman að
ffekari þróun gæðaeftirlits. Akveðið var að stíga fyrstu
skref í eftirliti með gæðum endurskoðunar. Af þessum
ástæðum og vegna þess að þau lög sem ársreikningar
ársins 1994 voru byggðir á eru ekki lengur í gildi var
talið rétt að fella niður könnun á gæðum ársreikninga
vegna ársins 1994.
Ritnefiid
I skýrslu síðasta starfsárs er ranghermt að út hafi
komið eitt tölublað Álits, tímarits löggiltra endurskoð-
enda, hið rétta er að tvö tölublöð falla innan starfsárs-
ins 1993 - 1994. Álit kom ekki út á starfsárinu. Næsta
tölublað er í vinnslu.
Orðanefnd
Nefndin hefur unnið áfram að gerð íðorðasafns um
endurskoðun og reikningsskil. Unnið er að þýðingu á
þriðja þúsund orða, orðasambanda og hugtaka tengd-
um viðfangsefhum endurskoðenda. Þá hefur nefhdin
verið til aðstoðar við þýðingar á einstökum orðum og
hugtökum sem komið hafa til umfjöllunar í tengslum
við störf annarra nefnda félagsins. Nefhdin mun skila
fyrstu niðurstöðum sínum til prentunar og útgáfu um
næstkomandi áramót.
Uppstillingamefnd
Nefhdin vann í fyrsta sinn að tillögugerð um kjör í
félagsstjórn og einstakar nefhdir fyrir aðalfund 1994.
Oþarft er að taka það fram að tillögur nefhdarinnar,
sem er skipuð af félagsstjórn, eru á engan hátt bind-
andi. Sú venja hafði skapast að val á félagsmönnum til
trúnaðarstarfa var í reynd á hendi formanns félagsins
hverju sinni og nánast óþekkt er að fleiri nöfh en eitt
hafi verið nefht til hverrar stöðu á aðalfundi félagsins.
Með Uppstillingarnefhd hefur verið skapaður ákveð-
inn vettvangur til þess að senda inn ábendingar og til-
lögur um einstaklinga til starfa í stjórn félagsins og
nefndum og vonast er til að félagsmenn nýti sér það.
Skattanefnd
Stjórn félagsins samþykkti á fundi í febrúar að skipa
sérstaka nefhd til þess að efla og styrkja samvinnu og
samráð félagsins við skattyfirvöld. Nefhdin hefur
fundað nokkrum sinnum ásamt formanni og varafor-
manni og hefur auk þess átt tvo fundi með ríkisskatt-
stjóra og deildarstjórum hans. Megintilgangurinn er
að koma á formlegum samráðsgrundvelli um skatta-
mál almennt þar sem m.a. verði fjallað um effirtalda
þætti:
• Gildandi lög og reglur um tekju- og eignarskatt.
Hugmyndir um atriði sem betur mættu fara.
• Aðlögun skattalaga og reglna að nýjum atvinnu-
greinum eða breyttum viðskiptaháttum.
• Skattaleg framkvæmd af hálfu skattyfirvalda þar
sem m.a. verði rætt um samræmi í framkvæmd,
óljósar framkvæmdareglur, mismunandi sjónarmið
starfsmanna, undirbúning nýrra starfsmanna til
að úrskurða í málum o.fl.
• Frágang skattframtala og vinnubrögð endurskoð-
enda í því sambandi.
• Skoðanaskipti um skattalög og skattframkvæmd í
nágrannalöndum okkar og helstu viðskiptaríkjum.
• Skattundandrátt og leiðir til úrbóta.
• Leiðir til hagræðingar og aukinnar skilvirkni bæði
hjá framteljendum og skattyfirvöldum, leiðir til að
koma í veg fyrir sífelldar endurtekningar, kærur
framteljenda og úrskurði skattyfirvalda.
Á fundinum fór fram stjórnarkjör. Tillaga uppstill-
ingarnefndar um Tryggva Jónsson sem formann til
eins árs var borin upp og samþykkt. Þorvarður Gunn-
arsson var kjörinn varaformaður til eins árs. Guð-
mundur Frímannsson og Hjördís Ásberg voru kjörin
meðstjórnendur til tveggja ára. Olafur Kristinsson var
kjörin meðstjórnandi til tveggja ára. Helga Harðar-
dóttir og Dýri Guðmundsson vora kjörin varamenn í
stjórn til eins árs. Benóní Torfi Eggertsson var kjörinn
endurskoðandi til eins árs og Láras Finnbogason til
vara.
38