Dagblaðið Vísir - DV - 18.03.2016, Síða 32

Helgarblað 18.–21. mars 201628 Sport
Kjöreign ehf - Ármúla 21 - 108 Reykjavík
Sími: 533-4040 - www.kjoreign.is
Dan Wiium Hdl, lögg.
fasteignasali, Sími 896-4013
Ólafur Guðmundsson
Sölustjóri, sími 896-4090
Þórarinn Friðriksson Lögg.
fasteignasali, sími 844-6353
Rakel Salóme Eydal
Skjalagerð
Sigurbjörn Skarphéðinsson
Lögg. fasteignasali, skjalagerð
Kjöreign fasteignasala – traust og örugg þjónusta í 40 ár
Íslendingahersveitin
í norska boltanum
n Þrettán Íslendingar voru í hóp í fyrsta leik ársins í Noregi n Helmingurinn um tvítugt
Þ
rettán íslenskir knatt­
spyrnumenn voru í hóp
liðanna í fyrstu umferð
norsku úrvalsdeildarinnar
sem fram fór um síðustu
helgi. Helmingur þeirra, eða sex
leikmenn, eru 22 ára eða yngri.
Um er að ræða nokkra af efnileg­
ustu knattspyrnumönnum þjóðar­
innar en margir þeirra munu vafa­
lítið eiga sinn sess í landsliði Íslands
að nokkrum árum liðnum. Að auki
er Rúnar Kristinsson þjálfari eins
liðsins; Lilleström.
Fjórir íslenskir leikmenn gengu í
raðir norskra úrvalsdeildarliða fyrir
þetta tímabil; Hannes, Eiður Smári,
Adam Örn og Aron Sig. Fimm aðrir;
Aron Elís, Daníel Leó, Árni Vil­
hjálms, Kristinn Jóns og Elías Már
gengu til liðs við norsk félög á síð­
asta ári.
Níu af leikmönnunum þrettán
voru í byrjunarliðum sinna liða í
fyrstu umferðinni. Tveir þeirra skor­
uðu mörk, Aron Sigurðsson fyrir
Tromsö og Björn Daníel fyrir Vik­
ing, en báðir skoruðu gull af mörk­
um. Víst má telja að íslensk mörk í
norsku úrvalsdeildinni verða mun
fleiri á tímabilinu, enda eru fjórir ís­
lenskir sóknarmenn í deildinni og
allnokkrir framsæknir miðjumenn
að auki. n
Hannes Halldórsson
Staða: Markvörður (31 árs)
Félag: Bodö/Glimt
Kom frá: NEC 2016
n Hannes er nýgenginn til liðs við félagið,
sem lánsmaður frá NEC í Hollandi. Hann er
að stíga upp úr erfiðum meiðslum en virðist
vera klár í slaginn. Hannes hélt hreinu í
fyrsta leik og virðist í fantaformi.
Björn Daníel Sverrisson
Staða: Miðjumaður (25 ára)
Félag: Viking
Kom frá: FH 2014
n Eftir gott fyrsta tímabil, þar sem Björn
lék 29 leiki, meiddist hann illa í fyrsta leik
tímabilsins í fyrra. Nú er hann snúinn aftur
og það með stæl. Hann skoraði stórbrotið
mark í fyrsta leiknum um síðustu helgi.
Aron Elís Þrándarson
Staða: Miðjumaður (21 árs)
Félag: Álasund
Kom frá: Víking R. 2015
n Víkingurinn skoraði fimm mörk í 18
leikjum í fyrra, á sínu fyrsta tímabili. Aron
var í byrjunarliði í fyrsta leik og þessi efnilegi
leikmaður er til alls líklegur á komandi
leiktímabili.
Adam Örn Arnarson
Staða: Varnarmaður (20 ára)
Félag: Álasund
Kom frá: Nordsjælland 2016
n Adam kom fyrir tímabilið frá Nordsjæl­
land, þar sem hann hafði leikið í tvö ár. Þessi
tvítugi strákur fór beint í byrjunarliðið en
Adam hefur þótt leika vel á undirbúnings­
tímabilinu.
Daníel Leó Grétarsson
Staða: Varnarmaður (20 ára)
Félag: Álasund
Kom frá: Grindavík 2015
n Daníel lék átta leiki fyrir Álasund á síðasta
leiktímabili, sínu fyrsta frá því hann gekk í raðir
félagsins frá Grindavík. Daníel, sem hefur verið
í U21 árs landsliði Íslands, eins og Adam Örn og
Aron Elís, lék ekki í fyrstu umferðinni.
Árni Vilhjálmsson
Staða: Sóknarmaður (21 árs)
Félag: Lilleström
Kom frá: Breiðabliki 2015
n Blikinn efnilegi er að byrja sitt annað
tímabil í Noregi. Hann skoraði 2 mörk
í 14 leikjum á síðustu leiktíð og ætlar
sér sjálfsagt að gera betur á þessu
keppnistímabili.
Eiður Smári Guðjohnsen
Staða: Sóknarmaður (37 ára)
Félag: Molde
Kom frá: Shijiazhuang 2016
n Eiður Smári leggur allt kapp á að vera í sem
bestu formi þegar EM byrjar í sumar. Molde
verður kannski síðasta atvinnumannaliðið sem
hann leikur með á ferlinum og okkar maður vill
sýna að hann eigi heima í landsliðinu.
Guðmundur Kristjánsson
Staða: Miðjumaður (27 ára)
Félag: Start
Kom frá: Breiðablik 2012
n Guðmundur er reynslumesti
Íslendingurinn í norsku deildinni. Hefur
verið fastamaður í Start síðustu fjögur
keppnistímabil og var í byrjunarliðinu í
fyrstu umferð þess fimmta.
Aron Sigurðarson
Staða: Miðjumaður (22 ára)
Félag: Tromsö
Kom frá: Fjölni 2016
n Aron byrjar frábærlega í Noregi og var
valinn maður leiksins eftir sinn fyrsta leik.
Þessi ungi Fjölnismaður ætlar sér langt og
er óhræddur við að segja það. Hann þykir
einn áhugaverðasti nýliði deildarinnar.
Hólmar Örn Eyjólfsson
Staða: Varnarmaður (25 ára)
Félag: Rosenborg
Kom frá: Bochum 2014
n Hólmar var fastamaður í liðinu sem
vann tvöfalt í Noregi í fyrra og er nú á sínu
þriðja tímabili með stórliðinu. Spilar í hjarta
varnarinnar og var á sínum stað í byrjunar­
liðinu í fyrsta leiknum í ár.
Matthías Vilhjálmsson
Staða: Sóknarmaður (29 ára)
Félag: Rosenborg
Kom frá: Start 2015
n Matthías hefur verið í Noregi frá árinu
2012. Fyrst lék hann með Start í þrjú og
hálft ár en skipti svo yfir í Rosenborg.
Hann er nú á sínu fyrsta heila tímabili hjá
félaginu.
Kristinn Jónsson
Staða: Varnarmaður (25 ára)
Félag: Sarpsborg 08
Kom frá: Breiðablik 2015
n Kristinn gekk nýverið í raðir Sarpsborg
eftir að hafa leikið í Pepsi­deildinni í
fyrrasumar. Hann var í byrjunarliðinu í fyrsta
leiknum og festir sig vonandi í sessi í norsku
deildinni.
Elías Már Ómarsson
Staða: Sóknarmaður (21 árs)
Félag: Vålerenga
Kom frá: Keflavík 2015
n Elías spilaði að jafnaði annan hvern leik
á síðasta keppnistímabili, þá tvítugur og
á sínu fyrsta tímabili í Noregi. Hann var í
byrjunarliðinu í fyrsta leiknum um síðustu
helgi og festir sig vonandi í sessi í liðinu.
Baldur Guðmundsson
baldur@dv.is