Dagblaðið Vísir - DV - 03.05.2016, Side 8

8 Fréttir Vikublað 3.–5. maí 2016
Kjöreign ehf - Ármúla 21 - 108 Reykjavík
Sími: 533-4040 - www.kjoreign.is
Dan Wiium Hdl, lögg.
fasteignasali, Sími 896-4013
Ólafur Guðmundsson
Sölustjóri, sími 896-4090
Þórarinn Friðriksson Lögg.
fasteignasali, sími 844-6353
Rakel Salóme Eydal
Skjalagerð
Sigurbjörn Skarphéðinsson
Lögg. fasteignasali, skjalagerð
Kjöreign fasteignasala – traust og örugg þjónusta í 40 ár
Mögulegt gengi
við sölu**
Það sem færi til
stjórnvalda
Það sem færi til
kröfuhafa
0,6 85 16
0,7 91 27
0,8 96 38
0,9 104 47
1 113 55
Sala á 87% hlut í Arion banka*
*Miðað við eigið fé Arion banka er sá hlutur
bókfærður á 168 milljarða **Sölugengi
miðað við bókfært eigið fé bankans.
Leita til
íslenskra
ráðgjafa
vegna sölu á
Arion banka
n Kaupþing fundar með íslenskum
fjármálafyrirtækjum n Salan á
forræði erlendra stjórnarmanna
S
tjórn Kaupþings hyggst fá
til sín íslenska ráðgjafa til
að aðstoða við sölu á 87%
eignarhlut félagsins í Arion
banka. Á næstu dögum mun
Kaupþing eiga fundi með innlend-
um fjármálafyrirtækjum sem hafa
sóst eftir að veita félaginu ráðgjöf við
fyrirhugaða sölu á bankanum en í
þeim hópi, samkvæmt heimildum
DV, eru meðal annars Arctica Fin-
ance, Virðing og Kvika fjárfestinga-
banki. Arctica Finance og Virðing
áforma að vinna að verkefninu í
sameiningu.
Þeir íslensku ráðgjafar sem verða
fengnir til að vinna að söluferlinu
munu bætast í hóp með banda-
ríska fjárfestingabankanum Morgan
Stanley en hann hefur á undanförn-
um mánuðum og misserum starf-
að fyrir Kaupþing í tengslum við
undirbúning á sölu á hlut félags-
ins í Arion banka. Ljóst er að um er
að ræða gríðarlega stórt ráðgjafar-
verkefni sem gæti skilað þeim fjár-
málafyrirtækjum sem munu aðstoða
Kaupþing við söluferlið umtalsverð-
um tekjum. Miðað við bókfært eig-
ið fé Arion banka í árslok 2015 er
87% hlutur Kaupþings metinn á 168
milljarða króna.
Á síðustu mánuðum hefur
hópur lífeyrissjóða, sem er leiddur
af stærstu lífeyrissjóðum lands-
ins, átt í óformlegum viðræðum við
slitastjórn Kaupþings um kaup á hlut
í Arion banka. Fjármálaráðgjafar líf-
eyrissjóðanna, íslenska ráðgjafar-
fyrirtækið Icora Partners, fékk fyrr á
þessu ári aðgang að rafrænu gagna-
herbergi til að kynna sér ítarlegar
upplýsingar um fjárhag um rekst-
aráætlanir bankans á komandi
árum. Viðræðurnar hafa hins vegar
lítið þokast áfram eftir að slitastjórn
Kaupþings lauk formlega störfum
sínum og ný stjórn var kjörin til að
stýra félaginu um miðjan mars síð-
astliðinn.
370 milljarða eignir
Stjórnarformaður Kaupþings er
bandaríski lögmaðurinn Alan J. Carr
en aðrir sem skipa stjórnina eru Óttar
Pálsson, hæstaréttarlögmaður og
einn eigenda LOGOS, Paul Copley,
breskur endurskoðandi, og Jóhannes
Rúnar Jóhannsson, hæstaréttarlög-
maður og fyrrverandi formaður
slitastjórnar. Ásamt því að vera stjórn-
armaður gegnir Paul Copley stöðu
framkvæmdastjóra Kaupþings. Horf-
ið var frá því að ráða Matthew Turn-
er, fyrrverandi framkvæmdastjóra hjá
Merrill Lynch, til að stýra Kaupþingi
eftir nauðasamning, eins og áður
hafði verið áformað.
Samkvæmt heimildum DV verð-
ur söluferlið á Arion banka einkum
á forræði erlendra stjórnarmanna
Kaupþings auk þess sem Banda-
ríkjamaðurinn John P. Madden mun
starfa náið með stjórn bankans í
tengslum við þá vinnu. Var hann
fenginn til liðs við Kaupþing fyrir
tilstuðlan Keith Magliana, sjóðs-
stjóra hjá vogunarsjóðnum Taconic
Capital, langsamlega áhrifamesta
eiganda Kaupþings. Eignir félags-
ins námu um 370 milljörðum í lok
síðasta árs og munar þar mestu um
hlutinn í Arion banka sem er met-
inn sem fyrr segir á um 168 millj-
arða. Hugmyndir helstu eigenda
Kaupþings gera ráð fyrir því að er-
lendar eignir félagsins, einkum fast-
eignir og eignarhlutir í breskum fé-
lögum, verði seldar hraðar en áður
var ráðgert, líklega innan tólf til átján
mánaða.
Steinar eftirlitsmaður
Íslenska ríkið á sem kunnugt er
gríðarlegra hagsmuna að gæta við
sölu á Arion banka vegna afkomu-
skiptasamnings sem gerður var við
kröfuhafa slitabúsins í fyrra samhliða
því að þeir féllust á stöðugleikaskil-
yrði stjórnvalda. Ef hlutur Kaupþings
verður seldur í samræmi við núver-
andi bókfært eigið fé Arion banka
þá mun ríkið fá um 113 milljarða
króna í sinn hlut. Kröfuhafar Kaup-
þings myndu á móti fá um 55 millj-
arða króna og er þeim heimilt að
skipta allri þeirri fjárhæð í erlendan
gjaldeyri og flytja úr landi. Söluand-
virðið sem rennur til ríkisins verður
hins vegar ríflega 90 milljarðar ef
hluturinn selst á gengi sem nemur
0,7 miðað við bókfært eigið fé en það
er núna tæplega 193 milljarðar. Fyrir
utan 87% eignarhlut Kaupþings þá á
ríkið 13% hlut í bankanum.
Til að gæta að þessum hagsmun-
um stjórnvalda þá var um það samið
að þau myndu hafa á að skipa sér-
stökum eftirlitsmanni inni í Kaup-
þingi til að fylgjast með söluferlinu.
Eftirlitsmaður stjórnvalda er hæsta-
réttarlögmaðurinn Steinar Þór Guð-
geirsson en hann var formaður
skilanefndar Kaupþings á árunum
2008 til 2012. Steinar hefur unnið
sem ráðgjafi fyrir Seðlabanka Ís-
lands undanfarin misseri og situr
meðal annars í stjórnum margra fé-
laga sem voru framseld til ríkisins í
byrjun þessa árs sem hluti af stöð-
ugleikaframlagi kröfuhafa gömlu
bankanna. n
Hörður Ægisson
hordur@dv.is
Allt fyrir raftækni
Yfir 500.000 vörunúmer
Miðbæjarradíó ehf. - Ármúla 17, Reykjavík - www.mbr.is - S: 552-8636