Dagblaðið Vísir - DV - 03.08.2016, Blaðsíða 2

Vikublað 3.–4. ágúst 20162 Fréttir
Páley braut stjórnsýslulög
Átti að afhenda ferilskrár
P
áley Borgþórsdóttir braut
stjórnsýslulög þegar hún neit­
aði að afhenda ferilskrár og
stigagjöf þeirra sem boðað­
ir voru í viðtal vegna starfs löglærðs
fulltrúa hjá embættinu sem auglýst
var í fyrra. Sautján einstaklingar sóttu
um starfið en aðeins fimm fengu við­
tals­ boð. Einn þeirra
sem sat eft­
ir með sárt
ennið óskaði
eftir feril­
skrám hinna
fimm sem
og upplýs­
ingum um
stigagjöf
en þeirri
beiðni
hafnaði
Páley
þrátt
fyrir að
um­
boðsmaður Alþingis hafi nokkrum
árum fyrr ályktað í sambærilegu máli
að slík gögn skyldu afhendast. DV
greindi frá málinu í síðasta helgar­
blaði, en þar kom fram að tvær kvart­
anir væru á borði umboðsmanns Al­
þingis.
Í umfjöllun umboðsmanns kem­
ur fram að Páley hafi talið að töluvert
misræmi hafi verið á ferilskrá þess
sem kærði og þeirra upplýsinga sem
hún aflaði sér um störf og starfstíma
hans. Það hafi skipt sköpum að mað­
urinn var ekki boðaður í viðtal og tel­
ur umboðsmaður að viðkomandi
hefði átt að fá að tjá sig um framan­
greindar upplýsingar. Það hafi verið
brot á andmælareglu stjórnsýslulaga.
Niðurstaða umboðsmanns er á þá
leið að lögreglustjórinn skuli þegar
afhenda umbeðin gögn en auk þess
er þeim tilmælum beint til lögreglu­
stjórans að hann taki framvegis mið
af þeim sjónarmiðum sem kæmu
fram í álitinu. n ritsjorn@dv.is
Lögreglumaðurinn
verður ekki ákærður
n Rannsókn á máli lögreglumannsins á Sauðárkróki lokið n „Fótur fyrir kærunni“
E
mbætti héraðssaksóknara
ætlar ekki að ákæra lög­
reglumann hjá lögreglunni
á Norðurlandi vestra á Sauð­
árkróki sem grunaður var
um að hafa stungið sektargreiðslum
fyrir umferðarlagabrot í vasann.
Þetta staðfestir Ólafur Þór Hauksson
héraðssaksóknari í samtali við DV
en segir ljóst að fótur hafi verið fyrir
kæru lögregluembættisins á hend­
ur starfsmanni þess. Manninum
var vikið tímabundið úr starfi þegar
rannsókn héraðssaksóknara hófst
í byrjun maí síðastliðnum en hann
hefur snúið aftur til starfa.
„Það var tekin sú ákvörðun í
þessu máli að falla frá saksókn.
Niðurstaðan var sú að það hefði
verið fótur fyrir kærunni en að mál­
ið væri ekki þess eðlis að það þætti
rétt að fara með það í saksókn. Það
var farið mjög vel yfir þetta mál og
þetta var niðurstaðan,“ segir Ólafur
Þór Hauksson.
„Lítilvægt mál“
Líkt og kom fram í frétt DV um mál­
ið þann 24. maí þá hófst rannsóknin
eftir að erlendur ferðamaður mót­
mælti sekt sem hann fékk vegna
hraðaksturs í Hvalfjarðargöngum.
Maðurinn fullyrti þá við lögreglu,
áður en honum var sagt að umferð­
arlagabrotið hefði náðist á mynd,
að hann hefði einungis einu sinni
verið stöðvaður fyrir slíkt brot hér
á landi. Þá hafi hann verið í öðrum
landshluta og greitt sektina á staðn­
um. Ferðamaðurinn sýndi í kjölfar­
ið kvittun, undirritaða af lögreglu­
manninum, fyrir greiðslunni innan
umdæmis lögreglunnar á Norður­
landi vestra. Fundust þá engin gögn
um brotið hjá embættinu. Í kjölfar­
ið gaf það út kæru á hendur starfs­
manni sínum sem leiddi til rann­
sóknar héraðssaksóknara.
Páll Björnsson, lögreglustjóri á
Sauðárkróki, staðfestir í samtali við
DV að lögreglumaðurinn sé snúinn
aftur til starfa.
„Maðurinn er kominn til starfa
en þetta reyndist lítilvægt mál sem
þarna var um að ræða. Í ljósi niður­
stöðunnar gæti svo farið að lög­
reglumaðurinn verði áminntur,“
segir Páll. Lögreglustjórinn baðst
undan frekara viðtali um niðurstöð­
una og framtíð lögreglumannsins
hjá embættinu og sagðist fyrst vilja
klára málið innanhúss.
Reyndur í starfi
Lögreglumaðurinn, sem er með ára­
tuga reynslu í starfi, sagðist í áður­
nefndri frétt DV fullviss um að rann­
sóknin ætti eftir að sanna sakleysi
hans. Um einföld mistök hefði verið
að ræða enda hefði hann aldrei tek­
ið við reiðufé þegar um hraðasektir
væri að ræða.
„Ég get ekki ímyndað mér að það
verði neitt mál úr þessu, það væri al­
veg með ólíkindum ef svo væri. Ég er
búinn með um 1.500 hraðaskýrslur
og þetta er bara aulaskapur að hafa
ekki græjað þetta áður en ég fór
utan. […] Ég er algjörlega pollróleg­
ur yfir því og ég vona að það verði
farið ítarlega í gegnum þetta. Það er
dapurt að geta ekki verið við störf og
ég er hundfúll með það. Það hefði
verið hægt að loka þessu máli og
treysta á gamla manninn en þeir
ákváðu þetta,“ sagði lögreglumaður­
inn í samtali við DV í maí.
Fyrrverandi lögreglumaður á
Austurlandi, Stefán Pedro Cabrera,
var í nóvember í fyrra dæmdur í
öðru máli í tíu mánaða fangelsi
fyrir fjársvik, fjárdrátt og rangar
sakar giftir. Brotin áttu sér stað árin
2013 og 2014 en Stefán var meðal
annars ákærður fyrir að sekta er­
lenda ferðamenn fyrir hraðakstur í
tilfellum þar sem engin umferðar­
lög voru brotin. Peningunum stakk
hann svo í eigin vasa. Grunur um
brotin vaknaði eftir ábendingu frá
ferðamanni sem hafði staðgreitt
sekt til Stefáns. n
Héraðssaksóknari Ólafur Þór Hauksson
segir niðurstöðu embættisins þá að ákæra
ekki í máli lögreglumannsins. Mynd SigtRygguR ARi
Haraldur guðmundsson
haraldur@dv.is „Maðurinn er kominn til starfa
en þetta reyndist lítilvægt
mál sem þarna var um að ræða
Örugg hýsing
gagna
Traustur rekstur
tölvukerfa
Sérhannaðar
hugbúnaðarlausnir
Hádegismóum 4 · 110 Reykjavík · 547 0000 · premis.is Við erum alltaf með lausnir
Við sérhæfum okkur í uppsetningu og þjónustu
við fyrirtæki sem vilja nýta sér kosti Office 365.
Við erum svo sannarlega á heimavelli þar enda
höfum við aðstoðað á annað hundrað fyrirtæki
og sveitarfélög í vegferð þeirra í Office 365.
SharePoint
OneDrive
CRM
Office 2016
Yammer
Exchange
Skype
for businessDelve
Power BI ÞETTA ER OKKAR
HEIMAVÖLLUR