Dagblaðið Vísir - DV - 31.01.2017, Page 8

Vikublað 31. janúar–2. febrúar 20178 Fréttir
Bjarni Blöndal
Löggiltur fasteignasali
bjarni@fastlind.is
Sími 662 6163
Ég kann að meta
eignina þína
Einu eggin á neytendamarkaði
með löggilda vottun
Lífrænu hænurnar
hjá Nesbúeggjum
• Fá lífrænt fóður
• Fá mikið pláss
• Njóta útiveru
nesbu.is
NESBÚ
EGG
Salmann Sigrar
n Sturla Þórðarson dæmdur til að greiða 100 þúsund í sekt fyrir hatursummæli
É
g er langt í frá sáttur. Þessi
niðurstaða er kúgun og í raun
glæpsamleg. Ég ætti frekar að
fá bætur fyrir mig og mína fjöl-
skyldu. Það hefur tekið mikið á
að bíða í óvissu. Það er mikið álag og
biðin ein og sér er heilmikil refsing.“
Þetta segir Sturla Þórðarson en
hann var dæmdur í Héraðsdómi
Reykjaness fyrr í mánuðinum til
að greiða 100 þúsund krónur í sekt
fyrir ummæli sem hann lét falla í
athugasemdakerfi visir.is árið 2014.
RÚV greindi frá dómsniðurstöðunni
en ummælin lét Sturla falla um Sal-
mann Tamimi. Orðrétt sagði Sturla í
athugasemd sinni:
„Salmann Tamimi Það ætti að líf-
láta þig eins og það svín sem þú hegð-
ar þér í öllum þeim gjörðum sem þú
hefur gert í gegnum ævina helvítis lit-
lækunar aumingi sem truir a spasti-
skan guð með alvarlegustu minni-
mátarkomplexa sem hægt er að
hugsa sér.“
Kærði Sturlu 2015
Salmann kærði Sturlu í marsmánuði
2015 en í lögregluskýrslunni sem DV
hefur undir höndum kemur fram að
Sturla eða stjórnendur Vísis hafi eytt
innlegginu. Salmann sagði í samtali
við DV að ummælin væru sorgleg.
„Það er búið að hræða börnin
mín og alla fjölskylduna,“ segir Sal-
mann og fagnar niðurstöðunni. „Það
er vonandi að hann jafni sig og verði
almennilegur næst og hóti ekki fólki
eins og honum sýnist.“
Salmann kveðst ánægður með að
hatursorðræða sé loks tekin alvar-
lega. Hann fær reglulega ógeðfelld
skilaboð og á þá ósk heitasta í kjölfar
dómsins að fólk hugsi sinn gang við
lyklaborðið.
„Það þýðir ekki að fela sig á bak
við lyklaborð og drulla yfir fólk. Við
erum siðmenntað samfélag og við
eigum að vera góð við hvert annað.
Við getum rökrætt en það er of langt
gengið að hóta lífláti og hvetja aðra
til hins sama. Út af þessum ógeð-
fellda áróðri er fólk að drepa hvert
annað.“
Fámennur hópur
Þegar Salmann er spurður hvort
hatursumræða í samfélaginu sé að
aukast svarar hann játandi. Hópur-
inn sem standi að baki henni sé þó
fámennur. Flestir Íslendinga séu
sómafólk og hafi gjaldfellt rasista í
síðustu kosningum. Það þurfi samt
sem áður að hafa varann á.
„Það var sett svín fyrir utan bæna-
húsið hjá okkur fyrir stuttu. Þá er það
spurningin, verðum við skotin næst.
Við vitum aldrei hvenær brjálæð-
ingar komast til valda. Þess vegna
þarf að taka á þessu enda hefur
hatursumræða ekkert með tján-
ingarfrelsi að gera,“ segir Salmann og
bendir á að í einu stærsta ríki heims
hafi komist til valda maður sem
hegði sér á svipaðan hátt og stjórn-
endur ISIS. Á hann þar við Donald
Trump.
„Stjórnendur ISIS vilja enga
minnihlutahópa inn í landið og
slátra múslimum og kristnum. Hug-
myndafræði Trumps er svipuð en
hann tekur fyrir einn trúarhóp og
ræktar hræðslu og andúð og sundrar
fjölskyldum sem er vatn á myllu
hryðjuverkasamtaka.“
Neitar að biðjast afsökunar
Sturla Þórðarson er ósáttur við dóm-
inn og aðspurður hvort hann ætli að
áfrýja segir hann það líklegt.
„Ég ætla að ræða málin við minn
lögfræðing. Kannski vel ég að fara
bara í fangelsi til að sýna þá kúg-
un sem maður sætir. Ég er ósáttur
við Salmann fyrir að fara þessa leið
en ég átti alveg eins von á þessu frá
honum.“
Sturla neitaði við yfirheyrslur og
fyrir dómi að hafa hótað Salmann.
Kvaðst hann aðeins hafa ætlað að
sjokkera hann. Hann hafi með þessu
verið að beina orðum að Salmann
sem forsprakka þeirrar hugmynda-
fræði að aflífa mætti sig fyrir að vera
ekki múhameðstrúar. Sturla vildi í
samtali við DV ekki biðjast afsökunar
á ummælum sínum en viðurkenndi
að hann hefði ef til vill mátt velja orð
sín af meiri varkárni.
„Ég hef gagnrýnt islam en það
virðist sem ekki megi kasta rýrð á þau
trúarbrögð og þau njóti forréttinda á
kostnað kristni. Þetta er svipað og ég
væri að lesa upp úr Mein Kampf og
ekkert væri gert í því. Islam er ekki
hafið yfir gagnrýni.“ n
Kristjón Kormákur Guðjónsson
kristjon@dv.is
Ummælin Sturla lét þau falla í athugasemdakerfi visir.is. MyNd SKjáSKot aF athUGaSeMdaKerFi VíSiS
Greiðir sekt Sturla kveðst ósáttur við
málalyktir og íhugar að áfrýja dómnum. Þó
geti allt eins verið að hann kjósi að sitja í
fangelsi í stað þess að greiða sektina.
„Þýðir ekkert
að fela sig
bak við lyklaborð
Salmann tamimi