Morgunblaðið - 30.03.2017, Qupperneq 9

FRÉTTIR 9Innlent
MORGUNBLAÐIÐ FIMMTUDAGUR 30. MARS 2017
Morgunblaðið/Brynjar Gauti
Húsið Fyrir dyrum standa miklar
og kostnaðarsamar viðgerðir.
„Ekki hefur verið tekin endanleg ákvörðun um
nýtingu Hegningarhússins við Skólavörðustíg
en fyrir liggur skýrsla starfshóps frá því á síð-
asta ári um hugmyndir að nýtingu,“ segir í
svari Elvu Bjarkar Sverrisdóttur, upplýsinga-
fulltrúa fjármálaráðuneytisins, við fyrirspurn
Morgunblaðsins. Hegningarhúsið var sem
kunnugt er aflagt sem fangelsi 1. júní 2016,
eftir að hafa gegnt því hlutverki í 142 ár.
Nú stendur yfir undirbúningur að því að lag-
færa húsið, þak og glugga o.s.frv. „Ráðuneytið
telur að vilji sé til þess að húsið verði áfram í
eigu ríkisins en gera má ráð fyrir að því verði
fundið hlutverk við hæfi á næstu mánuðum. Þá
má gera ráð fyrir nýting þess verði skilyrt á
þann hátt að það verði sem mest opið almenn-
ingi, en þetta skýrist betur innan tíðar,“ segir
Elva Björk.
Það var einmitt niðurstaða fyrrnefnds starfs-
hóps að rekstur hússins yrði í almannaþágu.
Safn, sýningar- og verslunarrými, bakgarður
með opnanlegum glerhjúpi, veitingastaður og
menningarstarfsemi var meðal þess sem starfs-
hópurinn lagði til.
Gera þarf við ytra byrði Hegningarhússins
og mun viðgerðarkostnaðurinn hlaupa á
hundruðum milljóna, að því er Snævar Guð-
mundsson, framkvæmdastjóri Ríkiseigna, tjáði
blaðinu í haust. Verkfræðistofa vann bráða-
birgðaskýrslu árið 2014 og mat viðgerðar-
kostnað ytra byrðisins á um 250 milljónir
króna.
Ríkiseignir telja það mat vera fremur van-
áætlað en hitt og að viðgerðarkostnaðurinn
verði eitthvað hærri, að sögn Snævars.
sisi@mbl.is
Húsið verði opið almenningi
 Skýrist innan tíðar hvaða hlutverki Hegningarhúsið muni gegna framvegis
Samtök fjármálafyrirtækja og
Stofnun um fjármálalæsi stóðu fyr-
ir ráðstefnu um fjármálalæsi ungs
fólks í gær. Kristján Þór Júlíusson
menntamálaráðherra ávarpaði ráð-
stefnuna og fór yfir þær aðgerðir
sem ráðuneytið hefur staðið fyrir
til að auka fjármálalæsi ungs fólks.
Ásta Guðrún Helgadóttir, umboðs-
maður skuldara, hélt erindi um
ungmenni sem leita sér aðstoðar
umboðsmanns skuldara. Í erindi
Ástu kom meðal annars fram að
63% þeirra ungmenna sem leita til
embættisins eru með smálán. Ásta
sagði að hlutfall fólks á aldrinum
18–29 ára sem leitar til umboðs-
manns vegna greiðsluerfiðleika
hefði hækkað jafnt og þétt.
Fjöldi ungs fólks
leitar til umboðs-
manns skuldara
Fjármálalæsi Ásta Guðrún flutti erindi.
Gildistaka tolla-
samnings Íslands
og ESB, sem
gerður var
haustið 2015,
dregst að öllum
líkindum til
næstu áramóta,
samkvæmt upp-
lýsingum sem
Félag atvinnu-
rekenda hefur
aflað hjá utanríkisráðuneytinu, og
segir frá á vef sínum. Mun það stafa
af töfum hjá Evrópuþinginu.
Við gildistöku samningsins munu
ýmsar matvörur lækka í verði
vegna tollalækkana. Þar má nefna
pitsur, bökur, fyllt pasta, súkkulaði,
bökunarvörur, villibráð, franskar
kartöflur og útiræktað grænmeti.
Jafnframt verða stækkaðir toll-
frjálsir innflutningskvótar fyrir
osta og kjötvörur.
Gildistaka tolla-
samnings frestast
Matur Franskar kart-
öflur lækka í verði.
Meinleg rangfærsla
Í grein undirritaðs, sem birtist í
blaðinu hinn 24. marz sl. undir yfir-
skriftinni Myrkraverk í Mývatns-
sveit er meinleg rangfærsla.
Í greininni er eftirfarandi setning:
„Sveitarstjórinn situr beggja vegna
borðs og er sjálfur að byggja í félagi
við sveitarstjórnina.“
Leiðrétt á setningin að vera
svona:
„Oddvitinn situr beggja vegna
borðs og er sjálfur að byggja í félagi
við sveitarstjórnina.“
Hlutaðeigendur eru beðnir afsök-
unar á þessum mistökum.
Sverrir Ólafsson
LEIÐRÉTT