Morgunblaðið - 30.03.2017, Qupperneq 13

Morgunblaðið/Golli
Söngsystkin Hallveig, Hildigunnur og Þorbjörn undir Hamrinum í Hafnarfirði og Þorbjörn með nóturnar að Jó-
hannesarpassíunni i fanginu, en þau hlakka öll óskaplega mikið til að syngja verkið um næstu helgi.
af okkur bræðrum, en auk þess
vantar alltaf karlaraddir í kóra, svo
hún tók okkur opnum örmum og það
var frábært að syngja með Hamra-
hlíðarkórnum,“ segir Þorbjörn og
tekur fram að þetta séu tveir kórar,
sem þau systkinin sungu öll í.
Gat ekki látið hlæja meira að
mér í fjölskylduboðum
Þegar þau eru spurð hvort það
sé samkeppni, metingur eða öfund
innan systkinahópsins í söngnum,
gera þau lítið úr því, en Þorbjörn
segir að þau viðurkenni öll að Hall-
veig sé best. Hallveig reynir að mót-
mæla, en staðreyndin er sú að hún
er sú eina sem hefur reynt að brasa
við að vera í fullu starfi sem söngv-
ari, eins og hún orðar það sjálf, en
hjá hinum hefur það verið hliðar-
starf. Hildigunnur fór aðra leið og er
menntuð sem tónskáld og starfar við
sitt fag og kennir í Listaháskól-
anum.
„Ég fór og lærði söng eftir að
öll systkini mín höfðu gert það, ég
gat ekki látið hlæja meira að mér í
fjölskylduboðum. Ég var fljót að
fara í gegnum söngnámið af því ég
hafði svo góðan grunn frá mömmu
sem lagði gríðarlega áherslu á radd-
beitingu í barnakórnum, enda stóð
Skólakór Garðabæjar bestu barna-
kórum í heiminum á sporði,“ segir
Hildigunnur.
Þau segjast búa vel að öllum
þeim góðu kórstjórum og raddþjálf-
urum sem þau hafa sungið hjá. „Við
höfum unnið í gegnum tíðina með
mörgum eldhugum sem við eigum
margt gott að þakka. Mamma var
ein af þeim, hún reif upp tónlistar-
lífið í Garðabæ og á bak við það var
ómæld vinna.“
Við erum að sjálfsögðu
með fjölskyldukór
Hallveig og Þorbjörn hafa bæði
sungið Jóhannesarpassíu áður, Hall-
veig fyrst undir stjórn Kára Þormar
en seinna með Ólavi Hátún, en Þor-
björn fyrst með Keith Reed og svo
undir stjórn Jóns heitins Stef-
ánssonar. Hildigunnur segist aldrei
áður hafa sungið Jóhannesarpassíu,
en passían hefur lengi verið í uppá-
haldi hjá henni og hana langaði mik-
ið til að syngja hana. „Ég var á sín-
um tíma í Kammerkór
Dómkirkjunnar ásamt Hallveigu
undir stjórn Kára, svo ég þekki hann
og hann þekkir mína rödd, og ég
spurði hvort ég mætti syngja með
núna, sem var auðsótt.“
Þegar þau eru spurð að því
hvað sé svona frábært við Jóhann-
esarpassíu, skortir ekki lýsingar-
orðin.
„Þetta er kraftbirtingarhljómur
Guðdómsins,“ segir Hallveig og
Hildigunnur bætir við að passían sé
ótrúlega magnað gæsahúðarverk.
„Mér finnst þetta verk standa upp
úr af öllum verkum Bachs, og hann
sjálfur standa upp úr meðal tón-
skálda,“ segir Þorbjörn og bætir við
að verkið sé afar dramatískt, eins-
konar ópera.
Raddir systkinanna söngglöðu
liggja allar hátt, systurnar eru sópr-
anar og bræðurnir tenórar.
„Við erum að sjálfsögðu með
fjölskyldukór og börnin okkar
syngja öll, en þar eru engar djúpar
raddir.“ Þegar þau eru spurð
hvort það sé enginn laglaus eða
raddlaus í fjölskyldunni segir
Hallveig að maðurinn hennar sjái
um að syngja þungarokk og
Hildigunnur bætir við að henn-
ar maður sjái um að
hlusta á söng fjöl-
skyldunnar, ein-
hver verði að
gera það.
DAGLEGT LÍF 13
MORGUNBLAÐIÐ FIMMTUDAGUR 30. MARS 2017
THE FULL RAY-BAN EXPERIENCE
NÝTT!
RAY-BAN - nú með styrkleikaglerjum framleidd af RAY-BAN. Styrkleika-
glerin eru með RAY-BANmerkingum. Fást bæði ólituð eða sem sólgler.
Dómkórinn, ásamt kamm-
ersveit og einsöngvurum, mun
flytja þetta magnaða verk í
tvígang í Langholtskirkju dag-
ana 1. og 2. apríl næstkom-
andi.
Einsöngvarar verða Kristinn
Sigmundsson bassi í hlutverki
Jesú, Þorbjörn Rúnarsson ten-
ór í hlutverki guðspjalla-
mannsins, Fjölnir Ólafsson
baritón í hlutverki Pílatusar,
Hallveig Rúnarsdóttir sópran
og Hildigunnur Einarsdóttir
alt. Stjórnandi er Kári Þormar.
Jóhannesarpassían sem er
eitt af viðameiri verkum sem
varðveist hafa eftir Jóhann
Sebastían Bach, túlkar á
áhrifaríkan hátt frásögn Jó-
hannesarguðspjallsins af
handtöku og krossfestingu
Jesú Krists. Í verkinu er texti
guðspjallsins fluttur með
sönglesi og mögnuðum kór-
köflum þar sem kórinn túlkar
meðal annars ofsa og reiði
múgsins eins og Jó-
hannes lýsir því. Inn
á milli hljóma fagrar
aríur og sálmar þar
sem hin hryggilega
atburðarás frásagn-
arinnar er hugleidd.
Þetta er í fyrsta
skipti sem Dómkórinn
flytur Jóhann-
esarpassí-
una.
Í aðdraganda
páskanna
JÓHANNESARPASSÍAN
EFTIR J.S. BACH
Kristinn
Sigmundsson