Morgunblaðið - 27.04.2017, Page 13

finnst núorðið eðlilegra að prjóna og líta ekki
lengur á prjónaskap sem þvingaða nauðsyn
heldur skapandi listform.“
Og Jóhanna veit alveg hvað hún syngur.
Auk þess að veita Textílsetrinu forstöðu og
eiga náið samstarf við Þekkingarsetrið um að
efla textíl og textílvitund á landinu, hefur hún
kennt handavinnu í Landbúnaðarháskólanum
á Hvanneyri í hartnær þrjátíu ár. „Nemendur
eru af báðum kynjum og allir jafnáhugasamir
um prjónaskap. Sauðfjárbændur þurfa enda
að læra að meta ullina, skilja hvernig á að
meðhöndla hana til að auka gæðin og búa til
gott hráefni til að vinna úr í band – og flík,“
segir hún.
Allt til alls fyrir prjónara
Á hátíðinni verður boðið upp á sextán
námskeið af ýmsu tagi og fyrirlestra sem
tengjast prjóni með einum eða öðrum hætti.
Einnig verður gnótt sölubása með garn og
önnur þarfaþing fyrir prjónara. Að sögn Jó-
hönnu voru gestir með stjörnur í augunum af
hrifningu yfir öllu úrvalinu í fyrra. Leiðbein-
endur og fyrirlesarar eru m.a. textílkennari,
prjónahönnuðir, myndlistarmaður, handa-
vinnukennari og spunakona frá Hjaltlands-
eyjum. Allt saman ástríðufólk um textíl og
prjónaskap.
„Hápunktur Prjónagleðinnar verður
prjónagjörningur sem sænska textíl-
listakonan Kerstin Lindström stendur fyrir
síðdegis á laugardeginum í Íþróttamiðstöð-
inni. Hún ferðast um heiminn með gjörning-
inn, sem hún kallar On your own Time. Þátt-
takendur eiga að vera 82, sitja í hring og
prjóna úr garni, sem Ístex gefur, í nákvæm-
lega klukkustund. Engu skiptir þótt þeir
prjóni ekki hratt því enginn prjónar hraðar
en sá sem prjónar hægast,“ segir Jóhanna
sposk – og djúp.
Tölvuvefstóll og Hjaltlendingar
Gestum á fyrirlestri um sögu Kvenna-
skólans á Blönduósi gefst svo kostur á að
skoða sig um í Textílsetrinu, Listamiðstöðinni
og Þekkingarsetrinu í húsinu þar sem skólinn
var starfræktur frá 1912 og þar til hann var
aflagður 1978. „Þeim verður boðið að skoða
eina tölvuvefstól landsins, sem Þekking-
arsetrið festi nýverið kaup á til afnota fyrir
hönnuði, einstaklinga og skóla. Algjört undra-
tæki og kemur að góðum notum til dæmis við
að búa til frumgerðir, sem síðan fara í fjölda-
framleiðslu,“ segir Jóhanna.
Að þessu sögðu er hún spurð hvort
Blönduósingar séu í fararbroddi í prjónaskap
og textíl. „Hér hefur verið rík hefð fyrir
hvoru tveggja allt frá því Kvennaskólinn var
stofnaður 1879. Heimilisiðnaðarsafnið, perla
bæjarins, var opnað 1976 og Textílsetrið
2005. Hér er líka þvottastöð Ístex þar sem öll
ull landsins er þvegin. Við höfum stefnt að því
að efla textíl með öllum ráðum og prjónahá-
tíðin er liður í þeirri viðleitni. Ýmis verkefni
eru í gangi, til dæmis er Ragnheiður Björk
Þórsdóttir, veflistakona og textílkennari, að
rannsaka og greina öll mynstur, um 1.500
talsins, sem Textílsetrinu hafa áskotnast
gegnum tíðina, og setja þau í stafrænan
gagnagrunn,“ svarar Jóhanna og nefnir auk-
inheldur refil með sögu Vatnsdæla, sem hafist
var handa við fyrir sjö árum og almenningur
er enn að taka sporin í. Og margt fleira.
En aftur að Prjónagleðinni 2017. Þeir
sem rýna í dagskrána sjá að Hjaltlandseyjar
eiga þar töluvert upp á pallborðið. Hjaltlend-
ingurinn Anne Eunson verður með þrjú mis-
munandi námskeið í hjaltnesku prjóni. „Eun-
son kom líka á hátíðina í fyrra og hafði
gríðarlegt aðdráttarafl. Prjónið er Hjaltlend-
ingum í blóð borið, þeir eiga sér langa prjóna-
hefð, læra ungir að prjóna og búa til svaka-
lega flóknar uppskriftir að fögrum sjölum og
flíkum. Þeir eru alltaf með eitthvað fallegt á
prjónunum.“
Þar sem yfirskriftir sumra námskeið-
anna á prjónagleðinni eru svolítið fram-
andlegar er Jóhanna í lokin spurð hvað vatt-
arsaumur sé, en Reynir Katrínarson
myndlistarmaður er leiðbeinandi á námskeið-
inu. „Vattarsaumur er fyrirrennari prjónsins,
notuð er stór nál og flíkin eiginlega bara
saumuð saman með hnútum. Lykkjur eru
búnar til í höndunum og bandið dregið í
gegnum þær til þess að mynda nýjar lykkj-
ur,“ segir hún.
Nám-
skeið Á
Prjónagleðinni
2017 verða haldin
16 námskeið og fjöldi
fyrirlestra um flest við-
víkjandi prjónaskap.
Prjónagleðin 2017 verður haldin í Félags-
heimilinu á Blönduósi og Blönduskóla.
Prjónagjörningur og sölubásar í Íþrótta-
miðstöðinni. Nánari upplýsingar og skráning:
www.prjonagledi.is.
Gjörningur Textíllistakonan
Kerstin Lindström stendur
fyrir prjónagjörningi.
Reyni Katrínarson, bútaprjón eftir Kristínu Gunnarsdóttir, hjaltneskt prjón eftir Anne Eunson og kaðlaprjón eftir Auði B. Skúladóttur.
DAGLEGT LÍF 13
MORGUNBLAÐIÐ FIMMTUDAGUR 27. APRÍL 2017
landsbankinn.is 410 4000Landsbankinn
J
Ó
N
S
S
O
N
&
L
E
’M
A
C
K
S
•
jl
.i
s
•
S
ÍA
Ársfundur Íslenska lífeyrissjóðsins verður
haldinn föstudaginn 28. apríl 2017 kl. 17
í Landsbankanum, Austurstræti 11. Á fund-
inum verður m.a. farið yfir ársreikning sjóðsins
og stöðu hans. Stjórn Íslenska lífeyrissjóðsins
hvetur sjóðfélaga til að mæta.
Íslenski lífeyrissjóðurinn er sjálfstæður
lífeyrissjóður með rekstrarsamning við
Landsbankann. Nánari upplýsingar má
nálgast á vefsvæði sjóðsins, islenskilif.is
eða hjá Verðbréfa- og lífeyrisráðgjöf
Landsbankans í síma 410 4040.
Góð ávöxtun Íslenska lífeyrissjóðsins
Ársfundur Íslenska lífeyrissjóðsins
2016 2015 2014 2013 2012
Líf I
Líf II
Líf III
Líf IV
Samtrygging
1,0%
2,9%
4,1%
6,1%
3,4%
17,0%
13,4%
9,9%
4,3%
15,2%
6,2%
5,4%
4,5%
3,4%
6,1%
8,6%
7,0%
5,3%
2,2%
6,8%
8,6%
7,0%
6,6%
4,9%
13,3%
Nafnávöxtun hvers árs