Morgunblaðið - 27.04.2017, Síða 36

SVIÐSLJÓS
Sunna Ósk Logadóttir
sunna@mbl.is
„Hann er frægasti hrútur Íslands,
það er alveg á hreinu,“ segir Erla
Þórey Ólafsdóttir, bóndi í Hraunkoti
í Landbroti og eigandi hrútsins Ein-
hyrnings. Einhyrningur hefur síð-
ustu klukkustundirnar komist í
heimsfréttirnar fyrir einstakt útlit
sitt en aðeins eitt myndarlegt horn,
eða tvö samvaxin, eru á höfði hans.
Viðtalið við Erlu, sem Kristín
Heiða Kristinsdóttir, blaðamaður á
Morgunblaðinu, tók og birti í síðustu
viku, og var þýtt á ensku á Iceland
Monitor, hefur vakið mikla athygli
og hver fjölmiðillinn á fætur öðrum
hefur sagt frá hrútnum. Þannig hafa
BBC, Daily Mail, Machable, News
Week og Yahoo7 News birt fréttina.
Hún hefur einnig birst í mexíkósk-
um og þýskum fjölmiðlum, svo dæmi
séu tekin.
Ævintýraleg athygli
Erla segir þessa athygli hafa kom-
ið skemmtilega á óvart. Hún hafi þó
ekki stigið Einhyrningi til höfuðs.
Hann haldi áfram sínu daglega lífi í
fjárhúsinu eins og ekkert hafi í skor-
ist. „Ég átti alls ekki von á svona
miklum viðbrögðum, langt í frá,“
segir Erla hlæjandi þegar blaðamað-
ur mbl.is sló á þráðinn til hennar.
„Ég hef bara gaman af þessu, þetta
er ævintýri. En ég er svolítið hissa!“
Einhyrningur fæddist með sam-
vaxin horn í fyrravor. Hann fór eins
og önnur lömb til fjalla í fyrrasumar
en skilaði sér ekki í leitum í haust.
„Við vorum satt að segja búin að
steingleyma honum þegar hann kom
til byggða í eftirleit skömmu fyrir
jólin,“ sagði Erla í Morgunblaðinu í
síðustu viku. Fyrir vikið varð hann
sér úti um lengra líf en flestir þeir
lambhrútar sem komu í heiminn á
sama tíma og hann síðasta vor, þeir
fóru í sláturhús í haust að loknum
réttum.
Vangaveltur hafa verið um það
hvort stökkbreyting valdi þessum
undarlega vexti horna Einhyrnings.
Erla segir, að móðir hans og faðir
séu ekki ferhyrnd og ekkert fer-
hyrnt fé sé í þeirra kindum, svo ekki
hafi hann fengið þetta með gen-
unum. Bændur í sveitinni hafi gert
sér sérstaka ferð í Hraunkot til að
skoða hrútinn en þeir hafi engar sér-
stakar kenningar um hvers vegna
skepnan sé svona.
Frekar rýr en í góðum gír
Einhyrningur er frekar rýr að
sögn Erlu, mögulega frá náttúrunn-
ar hendi. Hann hefur þurft að eiga
við hina hrútana í fjárhúsinu, eins og
gengur og gerist, en sökum hornsins
hefur hann átt erfiðara en aðrir með
að verja sig. Erla segir hann samt
hafa það ágætt og að hann virðist
ekki þjakaður eða þjáður vegna
sköpunar sinnar. Hann sé duglegur
að éta og berst eins og hinir hrút-
arnir að komast að garðanum og fá
sér hey.
„Hann er ekkert út undan, þannig
séð. En á fengitímanum þá fékk
hann smá skrámur í samskiptum
sínum við hina hrútana.“
En Einhyrningur, eins sérstakur
og hann er, er ekki vænlegur til und-
aneldis og því stóð til að fella hann í
haust. Erla segir að vel komi til
greina að selja einhverjum Einhyrn-
ing, sýni því einhver áhuga. Að ýmsu
verði þó að huga þar sem sauðfjár-
varnir séu strangar í landinu. „Ég
hef ekkert hugsað mikið um þetta,
hvort þetta sé mögulegt. Matvæla-
stofnun verður að svara því.“
Erla segir að sökum frægðar Ein-
hyrnings sé ef til vill ekki skrítið að
fólk velti því fyrir sér hvort að hægt
sé að leyfa honum að lifa. „Ég skil
vel að einhverjir vilji að Einhyrn-
ingur fái framhaldslíf.“
Smithættan heftir för hrútsins
Skýringarnar á banni á flutningi
hrútsins felast í smitvörnum gegn
sauðfjársjúkdómum. Landinu er
skipt í varnarhólf og bannað er,
nema með einstaka undantekn-
ingum að flytja lifandi dýr yfir varn-
arlínur. Samkvæmt upplýsingum
Matvælastofnunar (MAST) eru einu
undantekningarnar þær að flytja má
líflömb frá örfáum varnarhólfum þar
sem sjúkdómastaðan er þannig að
ekki er talin hætta á smiti af flutn-
ingi.
Einu undanþágurnar sem eru
veittar frá þessu eru á flutningi á
fullorðnum gripum sem nota á til
kynbóta. Er þá leyfður flutningur en
aðeins beint á kynbótastöðvar. Regl-
urnar leyfa ekkert annað, sam-
kvæmt svörum sem mbl.is fékk frá
MAST. Þetta er ástæðan fyrir því að
ekki er leyfilegt að flytja Einhyrning
úr sínu varnarhólfi í Landbroti.
En flytja má hann innan hólfsins.
Því er ekki öll nótt úti enn fyrir
þennan einstaka hrút.
Heimsfrægur Einhyrningur
 Hrúturinn Einhyrningur kominn í heimsfréttir fyrir einstakt útlit  Til greina kemur að selja
hrútinn en ekki er hægt að flytja hann milli sauðfjárveikihólfa nema með sérstakri undanþágu
Ljósmynd/Erla Þórey
Eitt horn Hrúturinn Einhyrningur lítur í kringum sig í fjárhúsinu í Hraunkoti. Hann er nú orðinn heimsfrægur fyr-
ir höfuðbúnaðinn, sem minnir helst á þjóðsagnakenndar skepnur. Frægðin hefur þó ekki stigið honum til höfuðs.
36 FRÉTTIRInnlent
MORGUNBLAÐIÐ FIMMTUDAGUR 27. APRÍL 2017
Tómas Ó. Guðjónsson, líffræðingur og forstöðumaður
Fjölskyldu- og húsdýragarðsins í Laugardal í Reykjavík,
segir ekki gerlegt að flytja Einhyrning þangað. Það sé
stranglega bannað að flytja sauðfé frá heimahögum
hrútsins til höfuðborgarinnar. Að auki falli það ekki að
stefnu Húsdýragarðsins að hafa dýr á borð við Einhyrn-
ing til sýnis.
Tómas segist hins vegar skilja áhuga fólks á þessum
sérstæða hrúti mætavel. Í vikunni hafi t.d. komið aldr-
aður maður í Húsdýragarðinn og boðist til að kosta
flutning Einhyrnings til Reykjavíkur.
Kemst ekki í Húsdýragarðinn
EINHYRNINGURINN
Í Húsdýragarðinum.
Í tilefni af formennskuári Íslands í
Eystrasaltsráðinu verður haldin
ráðstefna um karla og kynjajafn-
rétti í Norræna húsinu 23. maí, svo-
kölluð rakarastofuráðstefna. Mark-
mið hennar er að virkja karlmenn í
baráttunni gegn mansali og efla
þátttöku þeirra í úrræðum gegn
kynbundnu ofbeldi. Þátttakendur
og frummælendur á ráðstefnunni
koma frá félagasamtökum, stofn-
unum og alþjóðlegum samtökum
sem láta sig málefnið varða. Ráð-
stefnan, sem fer fram á ensku, er
haldin í samvinnu við Norrænu ráð-
herranefndina og upplýsingar um
dagskrá og skráningu má finna á
heimasíðu utanríkisráðuneytisins.
Ráðstefna um karla
og kynjajafnrétti
Karlakór Selfoss heldur áfram vor-
tónleikaröð sinni í kvöld með tón-
leikum í Fella- og Hólakirkju í
Breiðholti. Hefjast þeir kl. 20.
Stjórnandi kórsins er Skarphéð-
inn Þór Hjartarson og undirleikur
er í höndum Jóns Bjarnasonar. Þá
leikur harmonikkuleikarinn Jón
Þorsteinn Reynisson með kórnum á
tónleikunum.
Fram kemur í tilkynningu frá
kórnum, að meðal sönglaga sem
flutt eru á tónleikunum séu lög eins
og Sailing, sem Rod Stewart gerði
vinsælt, O Sole Mio og Mig langar
heim, sem var sérstaklega samið
fyrir kórinn.
Lokatónleikar kórsins þetta vor-
ið eru í félagsheimili Hrunamanna
á Flúðum á laugardagskvöld og
hefjast kl. 20:30.
Fella- og Hólakirkja Karlakór Selfoss
mun halda tónleika þar í kvöld.
Karlakór Selfoss
með tónleika
STUTT
Tólf umsóknir bárust um embætti
ráðuneytisstjóra dómsmálaráðu-
neytis. Dómsmálaráðherra hefur
skipað þriggja manna nefnd til að
meta hæfni umsækjenda í samræmi
við lög um Stjórnarráð Íslands.
Umsækjendur eru Birna Arnar-
dóttir, Dís Sigurgeirsdóttir, Gunn-
hildur Gunnarsdóttir, Haukur Guð-
mundsson, Hildur Dungal, Kári
Guðmundsson, Kristín Haralds-
dóttir, Óli Ásgeir Hermannsson,
Ólöf Finnsdóttir, Páll Þórhallsson,
Veturliði Þór Stefánsson og Þórunn
Júníana Hafstein.
Tólf vilja stýra í
dómsmálaráðuneyti