Morgunblaðið - 27.04.2017, Blaðsíða 38

Ljósmynd/Lennart Ootes
Snillingar Indversku drengirnir Nihal Sarin (t.v.) og Rameshbabu Praggnanandhaa hafa vakið mikla athygli.
Sigtryggur Sigtryggsson
sisi@mbl.is
„Það sem hefur komið mér mest
á óvart er hve góð indversku
undabörnin eru,“ segir Gunnar
Björnsson, forseti Skáksambands
Íslands, um Reykjavíkurskákmót-
ið, en síðasta umferð mótsins
verður tefld í Hörpu í dag.
Á þriðjudaginn vann indverska
ungstirnið Ra-
meshbabu
Praggn-
anandhaa gríð-
arlega mikil-
vægan sigur á
breska stór-
meistaranum
Gawain Jones.
Við þennan sig-
ur komst hinn
11 ára alþjóð-
legi meistari í
dauðafæri á að krækja í 1.
áfanga að stórmeistaratitli. Hann
stefnir að því að verða yngsti
stórmeistari skáksögunnar, en
þrjá áfanga þarf til þess að ná
titlinum. Því er mögulegt að enn
einu sinni fæðist ný stjarna í
skákheiminum á Reykjavíkur-
skákmótinu. Systir Rameshbabu,
Vaishili, teflir einnig á mótinu og
getur náð stórmeistaraáfanga
kvenna. Móðir þeirra fylgir þeim
á mótið.
Hinn 12 ára indverski drengur
Nihal Sarin hefur einnig vakið
mikla athygli fyrir góða frammi-
stöðu. Fleiri skákmenn eiga
möguleika á því að krækja í
áfanga að alþjóðlegum titlum en
það skýrist ekki fyrr en eftir
lokaumferðina.
Að sögn Gunnars hefur mótið
gengið alveg framúrskarandi vel,
líklega aldrei jafn vel og að þessu
sinni. „Keppendur eru mjög
ánægðir enda er aðstaðan í
Hörpu alveg einstök. Aþjóðlegt
skákmót er hvergi annars staðar
haldið í 28 þúsund fermetra
glæsibyggingu í miðri höfuð-
borg,“ segir Gunnar. Verðlaunin
eru í lægri kantinum miðað við
svipuð mót, eða alls tæpar tvær
milljónir króna, og þau séu því
ekki aðdráttaraflið.
Verðlag á Íslandi er hátt um
þessar mundir vegna þess hve
krónan er sterk en Gunnar segist
ekki heyra marga kvarta undan
því.
„En það sem hefur gerst á
allra síðustu árum er að evrópsk-
um skámönnum hefur fækkað hér
en bandarískum og kanadískum
hefur fjölgað. Við vitum ekki
ástæðuna. Kannski hefur færsla
mótsins haft þessi áhrif, en það
var fært aftur um einn mánuð,
eða að Ísland er orðið dýrara en
það var áður,“ segir Gunnar.
Miklar tekjur í þjóðarbúið
Að sögn Gunnars færir mót
eins og þetta milljónatekjur í
þjóðarbúið. 170 útlendingar eru
þátttakendur og með mörgum
þeirra er fylgdarlið. Þetta séu
250-300 manns í það heila sem
borgi gistingu og uppihald í 10
daga.
Áhuginn á mótinu hefur verið
mjög mikill. Fjöldi áhorfenda
sækir Hörpu heim dag hvern og
gífurlegur áhugi hefur verið á
beinum skákútsendingum á net-
inu, hér heima og erlendis.
„Skákáhugamenn um allan
heim liggja yfir skákunum á net-
inu,“ segir Gunnar að lokum.
Fjölbreyttur hópur Skákmenn frá öllum heimshornum, karlar og konur, setja sinn svip á Reykjavíkurskákmótið í Hörpu ár hvert. Jóhann Hjartarson mætti nú til leiks í fyrsta skipti í 21 ár.
Indversk
undrabörn
í sviðsljósinu
 Reykjavíkurskákmótinu í Hörpu
lýkur í dag  Keppendur ánægðir
Morgunblaðið/Ómar
Morgunblaðið/Ómar
Gunnar
Björnsson
Morgunblaðið/Ómar
Þungt hugsi Skákmennirnir grúfa sig yfir taflið og einbeitingin er áþreifanleg. Hvaða leikur er bestur í stöðunni?
38 FRÉTTIRInnlent
MORGUNBLAÐIÐ FIMMTUDAGUR 27. APRÍL 2017