Morgunblaðið - 27.04.2017, Blaðsíða 70
Sigurður Þorri Gunnarsson
siggi@mbl.is
Þegar ég var sex ára gamall fann ég
kasettur ofan í skúffu heima. Þetta
voru tvær kasettur með Stuðmönn-
um, Á Gæsaveiðum og Listin að lifa,
sem komu út undir lok níunda ára-
tugarins og ein með Genesis, In-
visible Touch.
Ég hafði nýlega unnið forláta va-
sadiskó í happdrætti og var þetta því
mikill happafengur fyrir mig. Ég
varð strax hugfanginn af því sem
þarna hljómaði, kunni t.d. textann við
lagið Staldraðu við utan að en gerði
mér auðvitað enga grein fyrir því að
þarna væri áfengissjúkur maður að
syngja um túrana sína! Í kjölfarið á
þessu fékk ég algjöra dellu fyrir öllu
því sem Egill Ólafsson hafði komið
nálægt og gróf upp plötur með
Þursaflokknum og Spilverki þjóð-
anna úr plötusafni foreldra minna.
Ég var nefnilega svo lánsamur
að á mínu heimili var til mjög stórt
plötusafn og sat ég ófáum stundum
sem barn og gramsaði í gegnum plöt-
ur foreldra minna, með heyrnartól á
hausnum fyrir framan plötuspil-
arann. Bítlarnir og The Kinks frá
föður mínum og ELO og Joan Baez
frá móður minni. Síðar fór ég að
kaupa tónlist sjálfur og byggði upp
mitt eigið safn af diskum og plötum.
Þetta grams mitt sem byrjaði
allt með löngu gleymdum kasettum
hefur gert það að verkum að ég hef
djúpa þekkingu á tónlist í dag. Ég
elska tónlist og vinn við tónlist. Það
rennur ekki upp sá dagur þar sem ég
hlusta ekki á tónlist. Þetta þakka ég
þolinmæði foreldra minna fyrir enda-
lausu gramsi í verðmætu plötunum
þeirra.
Því segi ég við ykkur, kæru for-
eldrar, nú þegar Barnamenning-
arhátíð stendur sem hæst, leyfið
börnunum ykkar að gramsa í tónlist-
inni ykkar. Hvort sem það eru gaml-
ar syndir eins og diskar með Westlife
eða verðmætar plötur með Bítlunum.
Leyfið börnunum að
gramsa, hlusta, þróa
sinn smekk og þekk-
ingu á tónlist. Það er
svo dásamlegt að
hafa tónlist í líf-
inu, hún getur
glatt mann
en einnig
kallað fram
sorg. Tón-
list er lífið!
Leyfið
börnunum
að gramsa!
MORGUNBLAÐIÐ FIMMTUDAGUR 27. APRÍL 2017
Sigurður Þorri Gunnarsson
siggi@mbl.is
Þeir Helgi og Arnar, sem skipa sveitina,
eru nýlentir eftir ferð til Póllands. Þeir
spiluðu á vel heppnuðum tónleikum í bæn-
um Pozanan en þetta er ekki í fyrsta skipti
sem þeir spila í Póllandi. „Við spiluðum á
tónlistarhátíð í Varsjá sl. haust fyrir framan
1.000 manns og var okkur tekið alveg ótrú-
lega vel. Fólk söng hástöfum með lögunum
okkar og þetta var eiginlega eins og að vera
staddur á tónleikum hér heima,“ segir Arn-
ar og bætir við að viðtökurnar hafi verið
svipaðar í Poznan nú á dögunum. „Það virð-
ist vera markaður fyrir íslenskt rapp í Evr-
ópu því við vorum líka að spila á tónlist-
arhátíð í Eistlandi fyrir tveimur vikum,“
segir Arnar og bætir við að þeir séu áleið
til Rotterdam í Hollandi eftir hálfan mánuð
og svo sé verið að setja saman tónleikaferð
þar sem m.a. Rússland og Ungverjaland
verða heimsótt. Þegar Arnar er spurður
hvort þeir hyggi á að skipta íslenskunni út
fyrir ensku eða jafnvel pólsku segir hann að
það komi ekki til greina.
„Rapp snýst svo mikið um sjálfsöryggi
og við erum öruggir á íslensku. Við yrðum
aldrei sannfærandi á ensku. Það virðist líka
vera þannig að í Evrópu er fólk ekki mikið
að velta fyrir sér tungumálinu, heldur að-
allega hrynjandanum og tónlistinni,“ segir
Arnar. Það fer heldur ekkert fram hjá þeim
að Ísland og allt sem íslenskt er sé mjög
vinsælt þessa dagana og því sé það frekar
styrkleiki að syngja á íslensku.
Á morgun kemur út ný plata með þeim
félögum sem ber nafnið Hefnið okkar.
„Þessi plata er ólík hinum plötunum að því
leyti að þar sópuðum við saman lögum
þangað til þau voru nógu mörg til þess að
bera plötu. Þessi plata var hinsvegar samin
á stuttu tímabili sl. haust þegar við sett-
umst niður og sömdum lög sérstaklega fyrir
plötuna. Það gerir það að verkum að platan
verður miklu sterkari heild,“ segir Arnar og
bætir við að þeir hafi nýtt reynslu síðustu
ára við að finna rétta hljóminn á plötunni.
„Við erum með miklu betri hugmyndir um
hvernig við viljum hljóma en áður, við erum
endanlega búnir að finna sándið okkar sem
við vorum að daðra við á síðustu plötu,“
segir Arnar. Strákarnir hafa vakið athygli
fyrir mjög metnaðarfull tónlistarmyndbönd
og halda þeir þeirri stefnu áfram því ásamt
útgáfu plötunnar á morgun koma út þrjú ný
tónlistarmyndbönd. „Við höfum verið
ófeimnir við að gera fyndin myndbönd,
rapparar taka sig oft mjög alvarlega en við
erum ekkert að því,“ segir Arnar.
Flytja út íslenskt rapp og gefa út nýja plötu
Ein allra vinsælasta hljómsveit landsins um þessar mundir er án efa rapp-
sveitin Úlfur Úlfur. Á morgun munu strákarnir senda frá sér sína þriðju
plötu, Hefnið okkar, ásamt þremur splunkunýjum tónlistarmyndböndum.
Ný plata Platan Hefnið okkar með rappsveit-
inni Úlfur Úlfur kemur út á morgun.
Sigurður Þorri Gunnarsson
siggi@mbl.is
Karitas Harpa sendi frá sér sitt
fyrsta lag á dögunum, Sæla. Lagið
er eftir áströlsku tónlistarkonuna
Sia og hét upprunalega My Love en
íslenskan texta gerði Arnar Freyr
Frostason kenndur við Úlf Úlf.
„Það er svolítið ógnvekjandi að
senda frá sér út í heiminn eitthvað
sem maður hefur unnið hart að og
sett mikla tilfinningu í, maður verð-
ur svolítið berskjaldaður. Sem bet-
ur fer hafa viðbrögðin sem ég hef
fengið ekki verið neitt nema góð,
vonandi heldur það þannig áfram
með komandi efni,“ segir Karitas
en lagið hefur fengið töluverða spil-
un í útvarpi og fær hún reglulega
„snöpp“ frá vinum sem heyra lagið í
útvarpinu.
Elskar að vinna
með unglingum
Góður vinur Karitasar spurði
hana um áramótin hvort hún hefði
ekki áhuga á að prófa eitthvað nýtt
og bauð henni að taka við kennslu í
tónlistarvali fyrir 8. – 10. bekk á
Laugalandi í Rangárvallarsýslu.
„Mig náttúrulega óraði ekki fyrir
því hvernig Voice myndi fara þegar
mér bauðst þetta. Ég lifi eftir því
mottói að stökkva í djúpu laugina
þegar tækifæri gefst og öðlast sem
mesta reynslu og prófa sem flesta
hluti, svo ég tók tilboðinu,“ segir
Karitas sem hefur alla miðvikudaga
síðan í janúar fengist við að kenna
unglingum tónlist. „Ég er ekki mik-
ill hljóðfæraleikari en ákvað að taka
starfinu og læra svo,“ segir Karitas
og hlær. „Ég hef sjálf lært mjög
mikið síðan ég byrjaði,“ bætir hún
við, en hún hefur lært að spila á
úkúlele og píanó með þeim. „Ég hef
verið að vinna með krökkum á þess-
um aldri í nokkur ár og alveg elska
það. Við þekkjum það öll hversu líf-
ið á þessum aldri getur verið flókið.
Mér finnst frábært að geta verið til
staðar fyrir þessa krakka,“ segir
Karitas en hún stefndi alltaf á það
að læra kennarann og því þykir
henni mjög gaman að fá að prufa
starfið svona í mýflugumynd. Kar-
itas hefur einnig stýrt námskeiði
ásamt Kolbrúnu Lilju vinkonu sinni
á Selfossi í vetur þar sem ungling-
um er boðið upp á að læra söng,
leiklist og sjálfstyrkingu.
Er sinn eigin herra
og semur nýtt efni í Berlín
Athygli vekur að Karitas er
sinn eigin umboðsmaður en flestir
tónlistarmenn hafa einhvern til
þess að aðstoða sig við að koma
ferlinum af stað. „Ég kann lítið
annað en að vilja gera hlutina sjálf,
það er reyndar eitthvað sem ég hef
þurft að vinna í hjá sjálfri mér, að
vera móttækileg fyrir aðstoð. En
mér finnst gott alla vega svona
fyrst um sinn að vera með puttana í
þessu sjálf, læra á þetta og vita ná-
kvæmlega hvað er í gangi,“ segir
Karitas og bætir því að hún viti
ekki hvort þetta sé kostur eða
ókostur, að þurfa að gera allt sjálf,
hún hafi bara alltaf verið svona.
„Ég var mjög þreytandi krakki,“
segir Karitas og hlær. Hún tekur
þó fram að hún hafi fengið góða að-
stoð, bæði frá Sölku Sól, sem var
þjálfarinn hennar í The Voice, og
Einari Bárðarsyni sem stundum er
titlaður umboðsmaður Íslands.
Þessa dagana er Karitas að und-
irbúa ferð til Berlínar ásamt Sölku
Sól en þar ætlar hún að hitta gaml-
an skólafélaga úr Fjölbraut á Sel-
fossi og semja með honum tónlist.
Þessi gamli skólafélagi er enginn
annar en Daði Freyr sem sló eft-
irminnilega í gegn í Söngvakeppni
Sjónvarpsins á árinu. „Við vorum
alltaf að rekast á hvort annað þegar
ég var að klára Voice og hann að
hefja þátttöku í Söngvakeppninni.
Við höfðum ekki sést í mörg ár,“
segir Karítas og bætir við að þau
hafi svo ákveðið að láta á það reyna
að gera eitthvað skemmtilegt sam-
an eftir að hann kláraði skólann í
Berlín núna í vor. „Ég er mjög
spennt fyrir þessu og vonast til að
hafa eitthvað skemmtilegt að sýna
ykkur á næstu mánuðum,“ segir
þessi glaðbeitti orkubolti sem svo
sannarlega á framtíðina fyrir sér í
tónlistarbransanum.
Á Laugalandi Karitas ásamt nemendum sínum í tónlistarvali.
Hörkukvendi Kennir unglingum og
fylgir eftir sigri í The Voice.
Kennir unglingum tónlist ásamt
því að fylgja eftir sigri í The Voice
Karitas Harpa er hörkukvendi af Suðurlandinu sem
stendur í ströngu þessa dagana. Ásamt því að fylgja eftir
sólóferlinum sínum eftir sigur í The Voice fyrr á árinu
kennir hún unglingum á Laugalandi í Rangárvallarsýslu,
sér um tónlistar-, leiklistar- og sjálfstyrkingarnámskeið á
Selfossi, er umsjónarmaður í félagsmiðstöð og síðast en
ekki síst elur upp strákinn sinn hann Ómar Elí.
Flottar Karitas ásamt Sölku Sól sem þjálfaði hana í The Voice Ísland.