Morgunblaðið - 27.04.2017, Page 77
Morgunblaðið/RAX
Hreyfing Brynja Dan segir strigaskó af öllum mögulegum gerðum njóta vinsælda í dag, og meira að segja í tísku að vera í strigaskóm við jakkaföt.
Pasteltónar
og alls kyns áferðir
Pastelbleikur er áberandi litur í
skóbúðunum um þessar mundir og
segir Brynja líka mega reikna með
að gráir litir muni einkenna skós-
umarið. „Bæði kynin eru farin að
leita í áberandi og ljósa liti og drapp-
litir eða bleikir skór vinsælir,“ segir
hún. „Alls kyns efni og áferðir eru
líka að koma sterk inn í skóúrvalið,
s.s. rúskinn og vafðir skór, og við
sjáum að grófir og stórir botnar eru
áfram vinsælir og eins sandalar sem
eru alltaf vinsælir á sumrin.“
Karlar hafa yfirleitt þurft að
sætta sig við hófstilltari skó og ein-
hæfara framboð en Brynja segir
þetta vera smám saman að breytast.
„Karlmenn á öllum aldri eru farnir
að vera djarfari í skóvalinu og þó
þeir haldi sig margir við klassísku
skóna eru líka sumir sem þora að
velja áberandi og óvenjulega skó.“
Skórnir sem allir
þurfa að eiga
Unga fólkið virðist fylgjast
mjög vel með skótískunni og flykkj-
ast í ákveðin merki og útfærslur.
Segir Brynja t.d. Nike Air Force og
Sock Dart, vera vinsæla um þessar
mundir. Adidas Handball Spezial og
Stan Smith eru líka áfram vinsælir
skór, rétt eins og í fyrra. „Svo virðist
sem nánast allar stelpur eigi föl-
bleika skó í dag, og allir strákarnir
Nike eða Adidas skó í einhverri út-
færslu.“
Það merkilega við skó-æðin á
Íslandi er að þau eru ekki endilega
svo fljót að fjara út enda eru það oft
tiltölulega sígildir skór sem verða
vinsælastir og standa þeir af sér all-
ar minniháttar sveiflur í tísku. „Stan
Smith skórnir eru t.d. einfaldir og
klassískir, og má líka segja það sama
um Converse-skóna sem hafa lengi
verið í miklu uppáhaldi hjá unga
fólkinu.“
77
MORGUNBLAÐIÐ FIMMTUDAGUR 27. APRÍL 2017
Eikjuvogur 29 Opnunartími:
104 Reykjavík - S:781-5100 Mán-fim: 12-18 - fös: 12-16