Morgunblaðið - 27.04.2017, Qupperneq 78

78
MORGUNBLAÐIÐ FIMMTUDAGUR 27. APRÍL 2017
SUMARTÍSKAN
Jón Agnar Ólason
jonagnar@mbl.is
Nýverið var verslun Herragarðsins í
Smáralind tekin í gegn frá grunni.
Þeir sem báru hitann og þungann af
hönnun rýmisins eru starfsmenn-
irnir sjálfir.
„Við umturnuðum öllu skipulagi
búðarinnar til fá enn betra flæði í
rýmið ásamt því að raða þannig upp
að hvert fatamerki sem við bjóðum
upp á fær ákveðna sérstöðu. Þannig
undirstrikum við styrkleika hvers
merkis,“ útskýrir Jón Víðir Þor-
steinsson verslunarstjóri. „Það var
allt svolítið blandað hjá okkur sem
gerði það að verkum að við-
skiptavinir okkar vissu ekki alveg
hvar best væri að finna það sem þeir
leituðu að. Núna erum við til dæmis
með Boss-horn á einum stað í búð-
inni svo menn vita hvar þeir finna
þær vörur. Komi þeir til að skoða
Sand, þá er það allt saman á sínum
stað. Vilji menn Armani, þá finna
þeir þær vörur á tilteknum stað í
búðinni. Er þá ótalið glæsilegt Polo
Ralph Lauren-horn sem við erum
ákaflega ánægðir með. Þessi hugsun
í skipulagi verslunarinnar styrkir
þannig prófíl hvers merkis og dregur
enn betur fram einkenni og karakter
merkisins.“
Hönnuðu verslunina sjálfir
Verslun Herragarðsins var lokuð í
6 vikur meðan á breytingunum stóð
enda var rýmið tekið í gegn, alla leið.
„Við fórum bókstaflega niður í
steypu við framkvæmdirnar enda
var öllu breytt til hins betra. Við
skiptum til að mynda út gólfefn-
unum, fengum inn nýjar innrétt-
ingar, sömuleiðis loft og lýsingu,
ásamt því að raða öllu upp á nýtt og
endurskipuleggja verslunarrýmið
frá grunni.“
Að sögn Jóns Víðis hafa viðtök-
urnar verið prýðisgóðar frá því
verslunin opnaði á ný og augljóst að
fólk kann að meta nýja Herragarð-
inn í Smáralind. „Fólki finnst gott að
koma hingað inn og skoða sig um
enda er búðin öll bjartari og opnari,
og gólfplássið nýtist enn betur svo
það er nóg af rými til að ganga hér
um. Fólk hefur haft á orði að þetta sé
orðið eins og flott verslun erlendis og
það þykir okkur sérstaklega vænt
um því eigandinn ásamt versl-
unarstjóra búðarinnar voru þeir sem
hönnuðu hana að langmestu leyti.“
Ekki verður hjá því komist að
spyrja Jón Víði nánar út í það, en
eins og hann bendir á er í raun eng-
inn betur til þess fallinn en þeir fé-
lagarnir sem vinna í búðinni, til að
segja til um hvernig heppilegast sé
að ganga frá uppröðun og skipulagi í
versluninni. „Við höfum unnið á gólf-
inu og höfum mjög skýra tilfinningu
fyrir því hvar er best að stilla upp,
hvernig er best að ná í vöruna og
hvernig er best að tengja milli svæða
til að fá þægilegt flæði í heildina. Við
teljum líka mjög vel hafa tekist til því
okkur strákunum líður virkilega vel
með búðina og við finnum á viðtök-
unum að þetta hefur heppnast vel.
Það tók vitaskuld nokkra daga að
læra inn á búðina en það er rosalega
gott að vinna hérna núna og ekki síð-
ur að versla hérna.“
Jón Víðir bætir því við að í nýju
versluninni sé meira af vöru frammi,
fleiri síddir af buxum og þess háttar.
„Við vorum áður með algengustu
stærðirnar hér frammi í búðinni og
hitt á bak við, en nú er meira pláss
fyrir mismunandi stærðir og síddir
hér frammi. Menn eru fljótir að finna
sitt ef þeir þekkja stærðina.“
Fjölmörg ný merki í búðinni
Herragarðurinn hefur um langt
árabil selt heimsþekkt fatamerki á
borð við Boss, Armani og Ralph
Lauren og í sumar og haust bætast
enn fleiri og spennandi merki við
vöruvalið.
„Við erum til að mynda komnir
með skómerkið Barker, sem eru
klassískir herraskór í hæsta gæða-
flokki. Þetta merki hefur verið til
Morgunblaðið/Golli
Fagmenn „Við fórum bókstaflega niður í steypu við framkvæmdirnar enda var öllu breytt til hins betra. Við skiptum til að mynda út gólfefnunum, fengum inn nýjar innréttingar, sömuleiðis loft
og lýsingu, ásamt því að raða öllu upp á nýtt og endurskipuleggja verslunarrýmið frá grunni,“ segir verslunarstjórinn Jón Víðir Þorsteinsson (t.h) sem er hér ásamt Gísla Sveinssyni starfsmanni.
Gæði og góð þjónusta eru okkar sérstaða
Smekkvísir herramenn hér-
lendis þekkja mætavel
verslun Herragarðsins í
Smáralind. Hún opnaði ný-
verið eftir 6 vikna lokun þar
sem allt var tekið í gegn,
breytt og bætt.
Morgunblaðið/Golli
Polo Herrafötin frá Ralph Lauren eru sívinsæl hér sem annars staðar og
þau eiga sitt sérmerkta svæði í versluninni þar sem skoða má úrvalið.
Morgunblaðið/Golli
Skóhillan Úrvalið er veglegt í Herragarðinum hvað skófatnað varðar, allt
frá fáguðum spariskóm yfir í sportlega strigaskó.
Morgunblaðið/Golli
Blátt áfram Blái liturinn verður áberandi í sumar í öllum sínum litbrigðum.
Sá brúni er sjaldnast langt undan enda fara blár og brúnn vel saman.
Morgunblaðið/Golli
Skyrtuhillan Herragarðurinn býður upp á geysimikið úrval af herra-
skyrtum frá merkjum á borð við Finucci, Stenström og Hugo Boss.