Freyr - 01.09.2005, Síða 27

MOLAR
Lífrænn landbúnaður
í sókn í ESB
Nýjar upplýsingar frá Eurostat, stofnun er
safnar hagtölum I löndum ESB, sýnir að líf-
rænn landbúnaður óx mikið í löndum sam-
bandsins á árunum 1988-2002. Akrar und-
ir Iffræna ræktun hafa stækkað um 21 % á
tímabilinu.
Land undir lífræna ræktun í ESB nam um
4,887 milljón hektörum (lok tfmabilsins eða
um 4% af akurlendi ESB.
Fast að fjórðungur þessara akra er í Ítalíu,
en landið hefur um árabil flutt út mikið af
lífrænum afurðum. Mesta aukning í líf-
rænni ræktun hefur hins vegar verið í Bret-
landi, Grikklandi og á Spáni. Má bæta við
að Spánn hefur á síðari árum veitt Ítalíu vax-
andi samkeppni í þessum útflutningi.
Á alþjóðlegum mælikvarða er lífrænn
landbúnaður í ESB þó lítill. Ástæða þess er
sú að umfangsmikill lífrænn landbúnaður á
sér stað í löndum þar sem landrými er mik-
ið, svo sem í Ástralíu og Argentínu. Auk
þess hefur orðið mikil aukning í framleiðslu
og neyslu lífrænna afurða í Norður-Amer-
fku.
Upplýsingar Eurostat eru einnig fróðlegar
að því leyti að meðalstærð lífrænna býla er
í flestum löndum meiri en hefðbundinna
býla. Þetta á m.a. við um Svíþjóð þar sem
bændur í Iffrænni ræktun eru jafnframt tíu
árum yngri en aðrir bændur að meðaltali,
auk þess sem konur eru fleiri meðal þessara
bænda en í hefðbundnum búskap.
Neysla lífrænna afurða er mest f norðlæg-
ari löndum ESB. Stærstu markaðirnir eru í
Þýskalandi og Bretlandi og þau eru öðrum
löndum fyrirmynd í þessum efnum.
Áhugaverð þróun á sér nú stað í Þýska-
landi en þar annast bændur í lífrænni rækt-
un í vaxandi mæli úrvinnslu afurða sinna.
Vöxturinn í sölu Iffrænna afurða í Þýskalandi
hefur einnig orðið hvatning fyrir löndin tíu,
sem nýlega gengu í ESB, um að auka fram-
leiðslu sína á lífrænum afurðum, einkum
Ungverjaland og Tékkland.
(Internationella Perspektiv nr. 26/2005).
Hámjólka kýr þurfa
langan tíma til að éta
Það liggur í hlutarins eðli að hémjólka kýr
þurfi að éta mikið. Þannig er einnig beint
samband milli hárrar nytar og þess tíma
sem fer f át. Það er niðurstaða athugannar
á vegum Danmarks Jordbruks Forskning.
Athugunin sýnir einnig nákvæmlega
hvernig kýrin ver sólarhringinum. I
rannsókninni var fylgst með 200 hámjólka
fyrstakálfs kúm af Holstein kyni á tíu
mínútna fresti allan sólarhringinn, hvað þær
höfðu fyrir stafni og hvar þær voru.
Athuganir á hverri kú voru gerðar fjórum
sinnum, tvisvar snemma á mjaltaskeiðinu
og tvisvar seint. Fóðrað var eftir átlyst með
heilfóðri.
Að jafnaði átu kýrnar í fimm klst. á
sólarhringi og auk þess stóðu þær við
fóðurganginn, (jötuna) án þess að éta í
tæpa tvær klst. Samhengi áttíma og nytar
var skýr, bæði á fyrri og síðari hluta
mjaltaskeiðs. En því meira sem kýrnar éta,
því lengri tíma þurfa þær til að jórtra. Þær
þurfa einnig tíma til hvíldar, það þarf að
mjólka þær og svo tekur tíma að fara á
milli jötu og legubáss. Þegar allt er reiknað
er á mörkunum að sólarhringurinn endist.
Athugunin sýndi m.a. að hvíldartíminn á
legubásnum styttist verulega við aukna nyt.
Stjórnendur rannsóknarinnar, þeir Peter
Lövendahl og Lene Munksgaard, vekja á því
athygli að mikilvægt sé að líta á tímann sem
framleiðsluþátt til jafns við fóðrið. Þau
leggja áherslu á að hafa þurfi f huga mörg
hagnýt atriði sem geti auðveldað lífið þegar
nytin vex.
(Landbrugsawisen nr. 35/2005).
Það borgar sig að fara
vel að kálfunum
Hlýleg framkoma við búféð skilar sér. Það er
niðurstaða margra athugana, bæði í
nautgripa- og svínarækt.
Danmarks Jordbruks Forskning hefur á
síðari árum gert fjórar tilraunir með
mismunandi meðferð á kálfum. Þær sýna
að kálfar, sem fengu persónulega
mjólkurgjöf, sýndu hirðinum mest traust.
Það er ágætt að tala við kálfinn og klappa
honum en það er enn mikilvægara að
hirðirinn færi honum sjálfur mjólkurfötuna
til að drekka úr.
( annarri tilraun var athugað hvenær best
væri að umgangast kálfana, þ.e. fyrstu fjóra
dagana, 6 - 9 daga eða 11-14 daga gamla.
Niðurstaðan var skýr. Kálfar, sem var sinnt
fyrstu dagana eftir að þeir komu í heiminn,
sýndu fólki mest traust næstu tvo mánuði.
Ef kálfurinn gengur undir móðurinni
fyrstu fjóra ævidagana er erfitt að eyða
tortryggni hans gangvart fólki á þeim tima.
Það er hins vegar gerlegt næstu fjóra daga
eftir að kálfurinn hefur verið tekinn frá
móðurinni.
Þriðja athugunin sýnir - ekki óvænt - að
því meiri aðhlynning, því minni er ótti
kálfsins gagnvart fólki. Kálfar, sem sinnt var
tvisvar á dag í sex mínútur í hvert skipti
fyrstu daga lífs síns urðu óhræddari við fólk
en kálfar sem sinnt var í þrjár mínútur
tvisvar á dag eða í hélfa mínútu tvisvar á
dag.
(Landbrugsavisen nr. 35/2005).
ÞJONUSTUAUGLYSINGAR
Hliðasmára I7 • 20I Kópavogi • Sími: 550 3000 • Fax: 550 300 1
BújflrðiiKo
ímeignir@ fmeignir.is • www.fmeignir.is
fmeignirJs
3000
Bændabkiðið
Smáauglýsingar Bændablaðsins skila árangri.
Sími auglýsingadeildar er 563-0300.
Netfang: augl@bondi.is
FREYR 09 2005