Morgunblaðið - 01.07.2017, Side 37

DÆGRADVÖL 37
MORGUNBLAÐIÐ LAUGARDAGUR 1. JÚLÍ 2017
Stjörnuspá
21. mars - 19. apríl 
Hrútur Hver þarfnast landakorts eða leiðsögu-
manns? Þú ert ævintýramaður í dag og ferð í
tilgangslausa en vel heppnaða ferð. Farðu vel
með sannfæringarkraftinn sem þú býrð yfir.
20. apríl - 20. maí 
Naut Þú kemur jafnvægi á ánægju þína með
því að smakka á ýmsu: nýrri tónlist, bókum,
umhverfi og fólki. Illu er best aflokið svo taktu
þér tak.
21. maí - 20. júní 
Tvíburar Þú ert reiðubúinn til að aðstoða
starfsfélaga í dag einfaldlega vegna þess að
það veitir þér ánægju að gera það. Vertu
óhræddur að grípa tækifærið þegar það gefst
og hverfa á vit ævintýra.
21. júní - 22. júlí 
Krabbi Þótt þér falli hlutirnir vel í geð er ekki
þar með sagt að aðrir séu jafn hrifnir. Segðu
það sem þér finnst um menn og málefni og
þér líður betur á eftir.
23. júlí - 22. ágúst 
Ljón Hrintu áætlunum um endurbætur og
standsetningu í framkvæmd. Vandamálin eru
eftir sem áður til staðar og eina leiðin er að
bretta upp ermarnar og leysa þau.
23. ágúst - 22. sept. 
Meyja Ágreiningur gæti risið upp á vinnustað
þínum. Stattu upp og vertu ákveðinn, aðeins
þannig áttu möguleika á að breyta stöðunni
þér í hag.
23. sept. - 22. okt. 
Vog Meyjan hefur lært að sjá heiminn í ljósi
sem bæði er rökrétt í hennar augum og hvaða
viti borinnar manneskju sem er. Ef þér finnst
ganga vel, haltu þá frekar aftur af þér.
23. okt. - 21. nóv.
Sporðdreki Félagslyndi þitt og áhugi á að sjá
og hitta aðra dregur að þér athygli í dag.
Mundu að þú kemur meiru í verk þegar þú ert
úthvíldur og ánægður. Láttu gagnrýni sem
vind um eyru þjóta.
22. nóv. - 21. des.

Bogmaður Þú hefur yndi af skáldsögum og
lætur þig dreyma um að skrifa eina sjálfur.
Farðu í búð sem selur eitthvað notað, þú finnur
eitthvað dýrmætt. Hugsaðu málið vandlega.
22. des. - 19. janúar 
Steingeit Það á eftir að koma þér á óvart,
hversu margir geta hugsað sér að fylgja þér að
málum. Tunglið er fullt og það veldur aukinni
spennu.
20. jan. - 18. febr. 
Vatnsberi Fylgdu eigin brjóstviti og blandaðu
þér ekki í annarra málefni að þessu sinni.
Mundu bara að vera einlægur við sjálfan þig.
19. feb. - 20. mars

Fiskar Þeir eru nærri sem vilja ólmir fá að nýta
sér starfskrafta þína. Láttu ekkert halda fyrir
þér vöku.
Vísnagátan er sem endranær eft-ir Guðmund Arnfinnsson:
Um Himnaríki hugsa nú.
Hauður þetta nefna má.
Ríki það, sem ræður þú.
Rís árbakki fljóti hjá.
Árni Blöndal svarar:
Vísast þarna lít ég land
land er hauður talið.
Enginn gerir uppistand
er þó vaðið galið.
Helgi R. Einarsson leysir gátuna
þannig:
Þó að heimskan hái mér
og hreki oft í strand
í línum þessum eitthvað er
sem orða má við land.
Helgi Seljan á þessa lausn:
Af sumarlandinu sögum fer
og signað verði mitt dýra land.
En landareignin mín ágæt er
og árbakkinn kenndur mun við land.
Sjálfur skýrir Guðmundur gát-
una þannig:
Eden lífsins land má kalla.
Land er hauður nefnt með sann.
Land þitt kot með kosti og galla.
Kalla land má árbakkann.
Þá er limra:
Hér óþrifin aumt er að líta,
svo úrbótum þarf nú að flýta,
því viðbjóður sá
ei viðgangast má
í vegarins kanti að skíta.
Síðan kemur ný gáta eftir Guð-
mund og verður lausn að berast
eigi síðar en á miðvikudag:
Fagurt syngur fugl á grein
fyrir utan gluggann minn.
Býðst hér gáta ennþá ein,.
orti hana þrösturinn.
Lítið drykkjarílát er.
Inniheldur pelinn.
Á lampanum, sem birtu ber.
Ber það á sér delinn.
Þessi staka mun að einhverju
leyti eftir Ingibjörgu Sigurð-
ardóttur, konu Gísla Magnússonar
biskups á Hólum, d. 1793:
Ekki grundar öldin svinn
alla lundar parta,
getur undir glaðri kinn
grátið stundum hjarta.
Gömul vísa í lokin:
Stóra sjóinn stríddi ég við,
sterkra slíkt er siður,
ýtti beint á ólagið –
Ægir hafði miður.
Halldór Blöndal
halldorblondal@simnet.is
Vísnahorn
Með lempni skal lönd vinna
Í klípu
„NEYÐARLÍNAN, GÓÐAN DAG, HVERT
ER NEYÐARTILFELLIÐ?“
eftir Mike Baldwin eftir Jim Unger
„ÉG SAGÐI ÞÉR AÐ HÆTTA AÐ
BJÓÐA MÉR UPP Í DANS.“
Hermann
Ferdinand
Hrólfur hræðilegi
Grettir
... einhver sem
lætur þér finnast
þú vera á lífi!
UUU…
ÚTSALA!
HVERS
VEGNA?
ÞETTA SPARAR
MÉR MIKIÐ
MJÁLM
KÖTTUR KÖTTUR KÖTTUR
ÞESSI KJÓLL LÍTUR
FRÁBÆRLEGA VEL ÚT Á MÉR!
SPEGILLINN ER FYRIR AFTAN
ÞIG, HELGA! ÞETTA ER GLUGGINN!
Víkverji þurfti að heimsækjasýslumann í vikunni til að sækja
um vegabréf fyrir barn sitt. Sam-
kvæmt fréttum mátti búast við mik-
illi bið en Víkverji mætti á staðinn
nokkru fyrir hádegi. Þrátt fyrir að
vera meðvitaður um biðina gleymdi
Víkverji að taka lesefni með. Það
hefði verið mikill munur að hafa
spennusögu fyrir foreldrið og Syrp-
ur fyrir barnið en þær urðu því mið-
ur eftir heima. Leikur í símanum
stytti okkur stundir.
x x x
Á staðnum var lítið leikhorn meðkrakkaeldavél og einhverju dóti
sem kemur sér vel fyrir yngstu
börnin. Einn strákur hafði hinsvegar
(óvart?) hellt vatni á gólfið og fór að
leika sér með það á meðan móðirin
var í símanum. Hann bjó til lítil vötn
og ár til dægrastyttingar áður en
mamman þurrkaði upp af gólfinu.
Þetta sýnir að það er full ástæða að
muna eftir skemmtiefni fyrir biðina
nema fólk hafi gaman af því að þrífa
gólfið hjá sýslumanni.
x x x
Það þarf að hafa gild skilríki með-ferðis en á skjá í biðstofunni er
minnt á að gild skilríki séu aðeins
vegabréf, ökuskírteini eða nafn-
skírteini. Lögð er sérstök áhersla á
að greiðslukort séu ekki gild skilríki
og sú ábending væntanlega ekki gef-
in að ástæðulausu. Fólk notar þessi
kort í allt, alls staðar og kannski
ekki skrýtið að einhverjum finnist
debetkortið sitt vera skilríki.
x x x
Það myndast ákveðinn samhugurmeðal fólks sem bíður saman.
Maður samgleðst þeim sem komast
að og kinkar kolli með skilnings-
ríkum augum þegar fólk býsnast yfir
því hversu löng biðin sé. Þegar við
mættum á staðinn voru hátt í þrjátíu
númer á undan okkur og þegar nær
dró var ákveðin spenna fólgin í því
að bíða eftir númerinu sínu. Við
stukkum hreinlega af stað um leið og
kom að okkur og gengum síðan glöð
í bragði út, fegin að vera búin. Þó
vorkenndi maður þeim sem voru að
koma inn þá, því helmingi lengri bið
beið þeirra. vikverji@mbl.is
Víkverji
Allra augu vona á þig, þú gefur þeim
fæðu þeirra á réttum tíma, lýkur upp
hendi þinni og seður allt sem lifir með
blessun.
(Sálmarnir 145:15-16)
Bílar