Morgunblaðið - 15.07.2017, Síða 8

8 FRÉTTIRInnlent
MORGUNBLAÐIÐ LAUGARDAGUR 15. JÚLÍ 2017
Í vikunni var sagt frá nýrri könn-un sem staðfesti langa röð fyrri
kannana um að Íslendingar hefðu
ekki áhuga á að ganga í Evrópu-
sambandið. Af þeim sem afstöðu
tóku voru
62% andvíg
inngöngu.
32% af
heildinni
voru mjög
andvíg inngöngu en aðeins 11%
mjög fylgjandi. Það er því óhætt að
segja að stærstur hluti þjóðarinnar
áttar sig á göllum ESB og kostum
fullveldisins.
  
En Íslendingar eru ekki einir umað hafa efasemdir um ESB. Í
Viðskiptablaðinu var í vikunni for-
vitnileg úttekt á afstöðu íbúa ESB
til sambandsins.
  
Spurt var hvernig miðaði ogflestir, 60%, sögðu að það mið-
aði í ranga átt, en aðeins 31% taldi
ástandið fara batnandi. Og dap-
urlegt var að sjá að 56% töldu að
börnum þeirra myndi vegna verr
en þeim sjálfum, en aðeins 16%
voru gagnstæðrar skoðunar.
  
Einnig kom fram að 81% taldimjög mikinn eða nokkuð mik-
inn vanda stafa af ólöglegum inn-
flytjendum, þar af töldu 50% vand-
ann mjög mikinn. Og meira en 80%
telur ESB standa sig illa í glímunni
við flóttamannavandann.
  
Þá sögðust aðeins 64% aðspurðravilja vera áfram í ESB, 27%
vildu fara en 9% voru óviss. Og stór
hluti íbúa ESB, þriðjungur, telur að
sambandið verði ekki til í núver-
andi mynd eftir tíu ár.
  
Þetta er athyglisvert í ljósi þessað öll pólitíska elítan í ESB-
ríkjunum styður sambandið heils-
hugar og sama er að segja um
flesta fjölmiðla.
Íslendingar ekki
einir um efasemdir
STAKSTEINAR
Veður víða um heim 14.7., kl. 18.00
Reykjavík 13 skýjað
Bolungarvík 10 alskýjað
Akureyri 15 skýjað
Nuuk 5 rigning
Þórshöfn 12 léttskýjað
Ósló 18 léttskýjað
Kaupmannahöfn 17 skýjað
Stokkhólmur 19 heiðskírt
Helsinki 18 heiðskírt
Lúxemborg 19 skýjað
Brussel 18 léttskýjað
Dublin 19 skýjað
Glasgow 15 rigning
London 19 heiðskírt
París 22 heiðskírt
Amsterdam 17 léttskýjað
Hamborg 20 heiðskírt
Berlín 21 heiðskírt
Vín 22 skýjað
Moskva 20 léttskýjað
Algarve 29 heiðskírt
Madríd 39 heiðskírt
Barcelona 26 skýjað
Mallorca 30 léttskýjað
Róm 30 léttskýjað
Aþena 32 heiðskírt
Winnipeg 20 léttskýjað
Montreal 20 alskýjað
New York 19 rigning
Chicago 19 skýjað
Orlando 31 skýjað
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
15. júlí Sólarupprás Sólsetur
REYKJAVÍK 3:43 23:26
ÍSAFJÖRÐUR 3:09 24:09
SIGLUFJÖRÐUR 2:50 23:54
DJÚPIVOGUR 3:04 23:04
Katrín Lilja Kolbeinsdóttir
katrinlilja@mbl.is
Fullt var út úr dyrum á afmælistón-
leikum Jón Halls Ingólfssonar og
eiginkonu hans, Aðalbjargar Þ. Sig-
fúsdóttur, sem haldnir voru í sam-
komuhúsinu Miðgarði í Skagafirði í
fyrrakvöld. Jón Hallur verður 60 ára
á þessu ári, Aðalbjörg 50 ára og þá
fagna þau 20 ára brúðkaupsafmæli á
árinu. Einnig voru þetta styrktart-
ónleikar fyrir Jón Hall sem glímir
við krabbamein.
„Þetta var alveg einstök stund.
Það er meiriháttar samhugur hérna
í þessu samfélagi. Maður er svo
heppinn að búa í samfélagi sem styð-
ur við bakið á manni þegar eitthvað
bjátar á.“ sagði Jón Hallur í samtali
við Morgunblaðið. Hann segir fleiri
hafa mætt en hann átti von á. „Við
hugsuðum þetta fyrst sem litla
stofutónleika en áttuðum okkur
fljótt á því að við þyrftum líklega að
stækka stofuna.“ Skagafjörður er
þekktur fyrir mikið tónlistarlíf og
því þurfti ekki að sækja tónlistarfólk
kvöldsins langt.
Orkan var áþreifanleg
„Hér býr mikið af hæfileikaríku
fólki, bæði hljóðfæraleikarar og
söngvarar af öllum árgerðum, sú
yngsta sem kom fram var 9 ára göm-
ul. Svo voru Álftagerðisbræður
þarna, Justin Bieber á ekkert í þá.“
Jón Hallur var sjálfur með ýmis
skemmtiatriði og að sögn viðstaddra
skemmtu allir sér konunglega. „Ein-
hvern veginn fær maður einhvern
aukakraft til þess að leggja af stað,
og gera sitt. Það voru allir tilbúnir til
þess að gefa af sér og þiggja. Ég er
búinn að standa á þessu sviði sjálfur
í fjöldamörg ár, hef verið kynnir á
samkomum og sungið með Heimi en
þessi stund var öðruvísi. Mér fannst
orkan vera næstum áþreifanleg, eins
og ég gæti einhvern veginn með-
höndlað hana og mótað hana að
vild.“
Jón Hallur glímir sem áður seg-
ir við krabbamein, en það hefur síð-
ur en svo dregið úr lífsgleði hans.
„Ég horfi svolítið til hans Stefáns
Karls leikara. Við erum að glíma við
það sama. Hann hefur landið og
jafnvel heiminn með sér, sem er
mjög gott og er mikið stuðningsnet
fyrir hann. Mér finnst ég hins vegar
ekkert standa síður að vígi með mitt
samfélag hér í Skagafirðinum. Þó að
ég sé ekki með landið og miðin er ég
með samfélagið mitt sem ég þekki út
og inn og hef starfað í síðastliðin 40
ár. Fyrir mér er Skagafjörður á við
heimssamfélag.“
Þakklæti efst í huga
Jón Hallur segir kvöldið hafa
heppnast eins vel og best varð á kos-
ið. Dóttir þeirra Aðalbjargar, Krist-
veig Anna, sem fagnaði 23 ára af-
mæli sínu þetta kvöld, kom
foreldrum sínum rækilega á óvart.
„Hún söng í fyrsta skipti fyrir fullu
húsi og vel það. Söng þarna með Sig-
valda og negldi lagið Hringrás lífsins
úr teiknimyndinni Konungur ljón-
anna. Ég vissi að hún gæti sungið en
mér datt ekki í hug að þetta yrði nið-
urstaðan.“ Spurður hvað sé efst í
huga hans eftir þetta kvöld stendur
ekki á svari:
„Efst í huga okkar Aðalbjargar
er þakklæti til þeirra sem mættu og
auðvitað alls þessa frábæra fólks
sem tók þátt. Það er eins og margir
hafa sagt: Þið Skagfirðingar kunnið
þetta. Þið kunnið að búa til skemmt-
un og þið kunnið að skemmta ykkur.
Ég tel mig vera fæddan undir heilla-
stjörnu. Ég er fæddur á Íslandi og
ég er fæddur í Skagafirði. Ég get
ekki óskað mér neins betra.“
Ljósmyndir/Gylfi Jónsson
Gleði Skagafjörður iðar af tónlistarlífi. F.v. Íris Olga Lúðvíksdóttir, Gunnar
Rögnvaldsson, Jón Hallur Ingólfsson og Sigvaldi Helgi Gunnarsson.
„Meiriháttar
samhugur í
þessu samfélagi“
 Fögnuðu 50 og 60 ára afmæli og 20
ára brúðkaupsafmæli fyrir fullu húsi
Skemmtun Jón Hallur skemmti gestum með hinum ýmsu uppákomum.
Ástfangin Hjónin Jón Hallur og
Aðalbjörg nutu kvöldsins.