Morgunblaðið - 15.07.2017, Side 18

18 FRÉTTIRInnlent
MORGUNBLAÐIÐ LAUGARDAGUR 15. JÚLÍ 2017
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
STANGVEIÐI
Einar Falur Ingólfsson
efi@mbl.is
Þverá/Kjarrá í Borgarfirði er fyrsta
veiðiáin til að rjúfa þúsund laxa múr-
inn þetta sumarið en á miðvikudags-
kvöldið var hafði 1001 lax verið færð-
ur til bókar á veiðisvæðunum
tveimur í ánni, þar af um 350 í liðinni
viku, en veitt er á sjö stangir á hvoru
þeirra.
„Það hefur verið mjög góður
gangur í veiðinni síðan við byrjuðum
og sterkar göngur í ána,“ segir Ing-
ólfur Ásgeirsson staðarhaldari. „Það
er gott vatn í ánni, laxinn vel dreifð-
ur og undanfarið hafa veiðst svona
20 til 25 laxar á hvoru veiðisvæði á
dag, jafnvel 30. Þetta er eins og best
verður á kosið.“
Það vekur athygli að veiðin nú er
nánast sú sama nú og á þessum tíma
í fyrra. Ingólfur segir þetta þó vera
æði ólík veiðisumur. „Nú eru miklu
sterkari smálaxagöngur en í fyrra,“
segir hann. „Í fyrra var veiðin borin
uppi af stórum göngum af tveggja
ára laxi í júní en svo hægði á öllu
þegar leið á. Nú er sko alls ekki að
hægja neitt á göngum eins og gerð-
ist í fyrra – ég held að þetta stefni í
mjög gott ár.“
„Upp og niður“
Veiðin á Brennu, ármótum Þverár
og Hvítár í Borgarfirði, hefur að
sögn Ingólfs verið „upp og niður“
undanfarið. „Það hafa komið mjög
fínir dagar, til að mynda fékk eitt
hollið í byrjun mánaðarins um 30
laxa.“
Veiðin í Straumum, ármótum
Norðurár og Hvítár, hefur verið
mjög góð, um tíu laxar á stangirnar
tvær á dag.
Í Norðurá veiddust 219 laxar í lið-
inni viku og er þar næstmesta sum-
arveiðin yfir landið.
Rólegt er í Eystri-Rangá, 145 lax-
ar höfðu veiðst á miðvikudags-
kvöldið og 47 þeirra í vikunni. Á
sama tíma í fyrra höfðu tífalt fleiri
fiskar veiðst, 1.442, en þá voru
óvenjugóðar stórlaxagöngur. Sum-
arið 2015 höfðu 202 veiðst á þessum
tíma en Eystri-Rangá er síðsum-
arsá.
Í Ytri-Rangá og vesturbakka
Hólsár veiddust um 200 laxar í vik-
unni og stóð veiðin á miðvikudag í
570 löxum en á sama tíma í fyrra
hafði 1720 verið landað.
Góð byrjun á Ásum
Ef litið er til húnvetnsku ánna hef-
ur verið frekar hægur gangur í Víði-
dalsá. 82 laxar veiddust í liðinni viku
á átta stangir en veiðimaður sagði
göngur augsýnilega vera að glæðast,
til að mynda var sett í tólf á neðsta
svæðinu á morgunvaktinni í fyrra-
dag og sex landað. Það var besti
morgunninn fram að því.
42 laxar veiddust í vikunni í Vatns-
dalsá á sex stangir. Á veiðibók árinn-
ar á netinu má sjá að það er smálax
og stórlax í bland og inni á milli mjög
vænir laxar, 100 og 98 cm langir.
Sturla Birgisson, leigutaki Laxár
á Ásum, sem deilir ósi með Vatns-
dalsá, segir veiðina hafa farið mjög
vel af stað þar í ár en nú er veitt á
fjórar stangir á Ásum eftir að raf-
magnsframleiðslu í ánni var hætt.
„Það hefur verið stöðug veiði frá
upphafi. Við höfum veitt um 260 laxa
og það hefur aldrei veiðst svona mik-
ið hér á þessum tíma. Breytingin
sem hefur orðið á vatnsstreyminu er
að skila sér, lokað hefur verið fyrir
rafveitustrenginn og það er allt ann-
að rennsli á ánni,“ segir hann.
Miðfjarðará er sú þriðja á listan-
um yfir aflahæstu ár landsins en þar
voru um 300 laxar færðir til bókar í
vikunni en stöngum var fjölgað úr
sex í tíu. Í fésbókarfærslu í gær
sagði Rafn Valur Alfreðsson, leigu-
taki árinnar, að sumarið hefði verið
afar þurrt og vatnsstaða lág á vatna-
svæðinu. Einkum veiðist á smá-
flugur og litlar gárutúbur og síðustu
daga hafi verið góðar smálaxa-
göngur í ána.
103 cm lax úr Hofsá
Eftir döpur veiðisumur und-
anfarið þykjast menn sjá batamerki
á Hofsá í Vopnafirði. Rúmlega sjötíu
laxar hafa veiðst frá mánaðamótum,
þegar veiðin hófst, og þar á meðal
einn 103 cm sem Haraldur Þórð-
arson veiddi í Wilson Run.
Miklu sterk-
ari smálaxa-
göngur
 Góður gangur í Þverá og Kjarrá þar
sem þúsund laxa múrinn er rofinn
Morgunblaðið/Golli
Glaður Kári Steinn Kjartansson, fjórtán ára, með 91 cm nýrunnin lax sem hann veiddi í Bakkahyl í Fljótaá.
Veiðivatn
Stanga-
fjöldi Veiði
13. júlí
2016
15. júlí
2015
Þverá og Kjarrá 14 1.003 735
Norðurá 15 801 1.068
Miðfjarðará 10 1.077 649
Ytri-Rangá&Hólsá,vesturbakki 18 1.720 502
Urriðafoss í Þjórsá 2 * *
Blanda 14 1.300 993
Haffjarðará 6 565 407
Grímsá og Tunguá 8 175 207
Langá 10 471 475
Laxá í Kjós 8 162 209
Laxá á Ásum 4 163 124
Elliðaárnar 6 309 238
Víðidalsá 8 331 192
Stóra-Laxá 10 96 9
Flókadalsá í Borgarfirði 3 182 215
Aflahæstu árnar
Heimild: www.angling.is * Tölur liggja ekki fyrir
Staðan 12. júlí 2017
1.001
794
749
570
531
514
420
361
331
251
242
238
230
192
192
0 250 500 750 1.000
Flestir Íslendingar þekkja Þorláks-
messuna í desember en þó eru færri
sem vita að 20. júlí árið 1237 var Þor-
láksmessa að sumri lögleidd hér á
landi og var þessi sumarmessa ein
mesta hátíð Íslendinga fyrir siða-
skipti. Þó að fjarað hafi undan her-
legheitunum síðustu ár halda Suð-
urnesjamenn messuna enn hátíðlega
og er það gert með veglegri skötu-
veislu í Garði ár hvert. Ásmundur
Friðriksson, þingmaður Sjálfstæðis-
flokksins, er einn skipuleggjenda há-
tíðarinnar og sagði hann í samtali við
Morgunblaðið að um mikla veislu
væri að ræða.
Margir njóta góðs af hátíðinni
„Þetta er í ellefta skipti sem þetta
er haldið með þessu sniði. Það mæta
alla jafna í kringum 400 manns og
borða saman skötu og gleðjast sam-
an.“ Ásmundur segir fólk ánægt með
að geta látið gott af sér leiða en há-
tíðin er einnig styrktarkvöld þar sem
ágóði af seldum miðum er látinn
renna til ýmissa góðgerðarmála,
ásamt því sem ýmis fyrirtæki
styrkja málefnið. „Við erum að fara
yfir listann núna, við munum meðal
annars styrkja krabbameinssjúk
börn og málefni fatlaðra. Það verða
fjölmörg tónlistaratriði, margir sem
leggja hönd á plóg og í lok kvölds fá
gestir að fylgjast með afhendingu
styrkjanna, það hefur alltaf slegið í
gegn,“ segir Ásmundur, en ásamt
skötu verður veglegt hlaðborð í boði.
Ásmundur segir hátíðina opna öll-
um sem vilja mæta og styrkja gott
málefni. Fer hún fram 19. júlí næst-
komandi og hefst klukkan 19 í Mið-
garði Gerðaskóla í Garði. Miðaverð
er 4.000 krónur sem er sama verð og
hefur verið undanfarin ár. Áhuga-
samir geta greitt inn á reikning
Skötumessunnar, nr. 0142-05-
705006, kt. 580711-0650.
Ljósmynd/Víkurfréttir
Skötumessa Sífellt fleiri vilja fá
sér skötu og láta gott af sér leiða.
Gleðjast saman yfir
skötu að sumri til
 Styrktarkvöld haldið í Garði 19. júlí