Víkurfréttir - 06.03.2003, Qupperneq 12

12 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Flestir Suðurnesjamenn hafa
heyrt um nýja kínverska nátt-
úrulækningastofu sem hóf
starfsemi í september sl. á
Hafnargötunni í Reykjanesbæ.
Þar starfar kona að nafni Jun
Jun en hún kemur úr fjöl-
skyldu sem hefur í fjóra ættliði
lagt stund á náttúrulækningar.
Jun Jun fluttist til Íslands fyrir
nokkrum árum síðan, en móð-
ir hennar sem býr í Keflavík
lagði stund á náttúrulækningar
um áratuga skeið. Jun Jun
kemur frá borg í norður Kína
sem heitir Ana Shan, en þar
búa sjö sinnum fleiri íbúar en á
Íslandi. Fjölskylda Jun Jun var
þekkt fyrir lækningar sínar í
borginni og meðal annars rak
fjölskyldan stórt náttúrulækn-
ingasjúkrahús í borginni.
Áður en Jun Jun opnaði nátt-
úrulækningastofuna í Reykja-
nesbæ rak hún slíka stofu upp á
Velli, en hún segir að vegna
strangrar gæslu í varnarhliðinu
hafi hún ákveðið að færa
stofuna: „Það tók viðskiptavini
mína svo langan tíma að komast
í gegnum hliðið þannig að þetta
var orðið erfitt. En ég hafði og
hef marga viðskiptavini sem
starfa á vellinum.“
Á náttúrulækningastofuna kemur
fólk með ýmiskonar vandamál,
allt frá verkjum í herðum til
alvarlegra áverka eftir slys. Jun
Jun segir að reynt sé að ráðast að
rótum vandans: „Við notum
sérstakar aðferðir sem hafa verið
á sérsviði fjölskyldu minnar í
langan tíma og þessar aðferðir
eru mjög virtar í Kína.“
Ein af þeim meðferðum sem Jun
Jun bíður upp á er sérstök
meðferð fyrir reykingafólk sem
vill hætta að reykja. Meðferðin
felst í nálastungum og tekur
aðeins um 40 mínútur: „Það hafa
mjög margir komið til mín í
þessa meðferð og árangurinn er
um 70%. Þetta tekur ekki langan
tíma, en hver einstaklingur sem
kemur í þessa meðferð fær 10 ára
ábyrgðarskírteini og ef hann
byrjar að reykja innan þess tíma
getur hann komið aftur til mín.“
Frá því stofan opnaði fyrir um 6
mánuðum síðan hefur Jun Jun
tekið á móti um 500 sjúklingum
samkvæmt dagbók hennar og er
fjöldi meðmælabréfa sem
ánægðir sjúklingar hafa skrifað
um 1.500 talsins. Í mörgum
þessara bréfa er meðferðinni hælt
og lýst yfir árangri af henni. Jun
Jun segir að það skipti hana öllu
máli að sjúklingarnir séu
ánægðir: „Ég reyni að sjálfsögðu
að gera allt til að bæta líðan
sjúklinga minna. Ég hef oft
unnið bug á meinsemdum sem
læknum tekst ekki og sjúkl-
ingarnir eru að vonum ánægðir
með það. Sumir læknar vísa á
mig, þar sem þeir telja sig ekkert
geta gert í máli viðkomandi,“
segir Jun Jun en hún á að baki
fimm ára háskólanám í
náttúrulækningum frá Kína.
Margir sjúklingar leita til Jun Jun
eftir að hafa reynt hefðbundnar
lækningar og eru sjúklingarnir
oft úrkula vonar um að þeir hljóti
lækningu eða líði betur. Jun Jun
hefur tekið vel á móti slíkum
sjúklingum og segir að oft hafi
hún boðið þeim tíma í nuddi eða
nálastungu án greiðslu: „Stór
hluti af hefðinni innan fjöl-
skyldunnar er að hjálpa sjúkl-
ingum í veikindum sínum. Þegar
fólk kemur til mín sem hefur
lengi leitað lækninga við ákveðn-
um meinum en ekki fundið þær,
þá bíð ég því fólki að koma til
mín í frían tíma og það hefur
aldrei gerst að fólk hafi ekki
komið aftur,“ segir Jun Jun og
bætir því við að fólk hafi farið
frá henni grátandi af þakklæti.
Jun Jun segir að fólk leiti til
hennar með allskyns vandamál,
s.s. eymsli í öxlum, verki í baki,
óstöðvandi höfuðverk, svima-
tilfinningu, verki í augum og
margt fleira.
Jun hefur sl. fjögur ár einnig
aðstoðað mann sinn, sem rekur
Reiðhjólaverslunina Hvell í
Kópavogi, með samskipti við
Kína og Taiwan. Þau hafa náð
góðum árangri í rekstri sínum og
í gegnum hendur fyrirtækisins
fara nú t.d. öll reiðhjól sem seld
eru hjá stærstu bygginga-
vöruverslunum landsins, auk
fjölmargra annarra endurseljenda
á Íslandi.
Jun sem er í Félagi íslenskra
nuddara hefur átt gott samstarf
við félagið og m.a. verið
aðstoðarmaður kennara hjá
félaginu og miðlað af þekkingu
sinni til þeirra, auk þess sem hún
segist hafa lært heilmikið af þeim
varðandi „vestrænt nudd“ eins og
hún kallar það.
Fyrir stuttu kom heilbrigðis-
ráðherra Kína í opinbera
heimsókn til Íslands. Þegar hann
frétti af Jun ákvað hann að breyta
þegar skipulagðri dagskrá sinni
til þess eins að hitta hana. Vel fór
á með þeim, enda hann frá
Anshan eins og hún. Þau ræddu
draum hennar um að opna á
Íslandi sérstakan skóla fyrir
lækna á Íslandi sem vildu kynna
sér þessa þúsund ára gömlu
lækningalist frá Kína. Aðspurð
segir Jun þennan draum hafa
blundað lengi í sér og horfi hún
ekki eingöngu til íslenskra lækna
í því sambandi, heldur gæti þetta
orðið í alþjóðlegri mynd fyrir t.d.
lækna frá hinum Norður-
löndunum sem vildu kynna sér
viðurkenndar aðferðir hennar.
Fyrir jólin opnaði kínverski
veitingastaðurinn Jia Jia á Hótel
Keflavík, en Jun Jun á staðinn
ásamt manni sínum og syni. Jun
Jun skiptir sér ekki mikið af
daglegum rekstri en aðstoðar
Jens son sinn þegar á þarf að
halda: „Okkur líður mjög vel í
Keflavík og okkur langaði að
bjóða Suðurnesjamönnum uppá
kínverskan mat, enda er sú
matargerð byggð á aldagamalli
hefð líkt og lækningarnar sem ég
bíð upp á,“ segir Jun Jun að
lokum.
Kínversk náttúrulækningastofa í Keflavík:
Fólk fer grátandi af þakklæti
- segir Jun Jun sem er fjórði ættliður sem stundar þessar lækningar
Kynntu sér
framtíðar-
skipulag
Brunatæknifélag Ís-lands (BTÍ) hélt fundfyrir helgina hér Suð-
urnesjum þar sem framtíð-
ar skipulagsmál á Keflavík-
urflugvelli og í Reykjanes-
bæ voru í brennidepli.
Ómar Ingvarsson yfirmaður
flugvallarsviðs hjá Flugmála-
stjórn Keflavíkurflugvallar
kynnti framtíðarskipulag
flugþjónustusvæðis við flug-
stöð Leifs Eiríkssonar. Ómar
sýndi myndir með tölvu-
skjávarpa hvernig framtíðar
flugbrautir eru fyrir hugaðar,
einnig stækkunarmöguleika
flugstöðvarinnar, möguleika á
lóðaúthlutun fyrir iðnaðar-
húsnæði og útskýrði auknar
kröfur í eftirliti á sviði ferða-
mála og hvernig þær spila inn
í skipulag framtíðarinnar.
Viðar Már Aðalsteinsson, for-
stöðumaður umhverf is og
skipulagsviðs Reykjanesbæj-
ar, sýndi einnig með tölvu-
skjávarpa hvernig verið er að
vinna að framtíðarskipulagi
fyrir hin ýmsu svæði bæjar-
ins. Fundarmenn fengu að sjá
glæsilegar myndir inn í fram-
tíð bæjarins, fyrirhugð vík-
ingaþorp fyrir neðan Stekkja-
kot, fyrirhugaða nýja braut í
bugtinni á Fitjum, hvernig
Hafnargatan lýtur út eftir fyr-
irhugaðar lagfæringar, Helgu-
vík og margt fleira. Viðar
Már útskýrði ennfremur og
sýndi myndir úr „Global In-
formation System“ tölvukerfi
með myndum teknum úr
mikilli hæð sem unnt er að
hagnýta sér á margan hátt við
framtíðar skipulag. Viðar gat
þess að Sigmundur Eyþórs-
son slökkviliðsstjóri hefði
einmitt unnið með honum við
þróun þessa tölvukerfis, til að
nota sem ákveðinn gagna-
banka fyrir slökkviliðið.
Fundurinn var mjög góður og
fræðandi, segja þeir sem sátu
fundinn.
Brunatæknifélag Íslands var
stofnað í maí 1991, félagar
eru í dag 95.
Aðal tilgangur félagsins er að
auka þekkingu félagsmanna á
hinum ýmsu sviðum sem
tengjast brunamálum.
Fyrir stuttu kom heilbrigðisráðherra
Kína í opinbera heimsókn til Íslands.
Þegar hann frétti af Jun ákvað hann
að breyta þegar skipulagðri dagskrá
sinni til þess eins að hitta hana. Vel
fór á með þeim, enda hann frá Anshan
eins og hún. Mynd úr einkasafni.
10. tbl. 2003 3/5/03 17:08 Page 12