Víkurfréttir - 30.01.2003, Qupperneq 6

6 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Þó nokkuð sé um liðið get-ur undirritaður ekki látiðhjá líða að gera athuga-
semd við bókun
meirihlutaflokk-
anna í bæjar-
stjórn Grinda-
víkur á fundi
bæjarstjórnar
13. nóvember
s.l. Sem kunnugt
er hættu allir heilsugæslulækn-
ar á Suðurnesjum störfum 1.
nóvember síðastliðin. Heimilis-
læknar í Hafnarfirði höfðu
einnig sagt upp störfum frá 1.
desember.
Eftir að heilbrigðisráðherra gaf út
viljayfirlýsingu í lok nóvember
um að hefja viðræður við Félag
íslenskra heimilislækna um að
opna fyrir fleiri rekstrarform í
heilsugæslunni drógu læknar í
Hafnarfirði til baka sínar upp-
sagnir og nýr framkvæmdastjóri
Heilbrigðisstofnunar Suðurnesja
ræddi við fulltrúa okkar fyrrver-
andi heilsugæslulækna á Suður-
nesjum í byrjun desember um
endurráðningu okkar að stofn-
uninni.Í þeim viðræðum kom
fram að til stæði að ráða 7-8
lækna á Suðurnes í stað 10 - 11
áður. Þannig var ekki öllum
hópnum boðin endurráðning og
var þar með enginn grundvöllur
fyrir frekari viðræðum um endur-
ráðningu okkar.
Forráðamenn Grindavíkurbæjar
áttu viðræður við undirritaðan og
Ragnar Gunnarsson á tímabilinu
1.- 8.nóv. en við störfuðum við
Heilsugæslustöðina í Grindavík
til loka október á liðnu ári.
Bæjarstjórinn í Grindavík kom
einkum fram fyrir hönd bæjarins
í samtölum við okkur. Eftir að
þeim samtölum var slitið bókuðu
fulltrúar meirihlutans í bæjar-
stjórn eftirfarandi 13.nóv. s.l.:
„Bæjarstjórn Grindavíkur harmar
að ekki hafi tekist að ná sam-
komulagi við heimilislækna í
Grindavík þrátt fyrir ítrekaða
samningafundi með heilbrigðis-
yfirvöldum og læknum. Fulltrúar
meirihlutans ásamt bæjarstjóra
tóku frumkvæðið í sínar hendur
með það í huga að reyna að ná
samningum við heilsugæslu-
lækna og gera við þá þjónustu-
samning. Samkomulag náðist við
heilbrigðisyfirvöld en þrátt fyrir
það náðust ekki samningar við
lækna. Bæjarstjórn skorar á
deiluaðila að ganga þegar til
samninga með hagsmuni íbúa
svæðisins.“
Þarna eru hlutirnir orðaðir væg-
ast sagt mjög sérkennilega. Það
er rangt að forráðamenn Grinda-
víkurbæjar hafi tekið eitthvert
frumkvæði í sínar hendur í mál-
inu. Þeir voru kallaðir til fundar
fyrirvaralaust inn í heilbrigðis-
ráðuneyti að morgni 30.október á
næst síðasta starfsdegi okkar
læknanna í Grindavík. Þar var
þeim falið að ræða við okkur
læknana um að Grindavíkurbær
tæki að sér að endurráða okkur
sem okkar vinnuveitandi og að
skoðað yrði að bærinn tæki við
rekstri heilsugæslunnar sem
reynslusveitarfélag. Bæjaryfir-
völd höfðu sent bréf til heilbrigð-
isráðuneytis í byrjun september
þar sem óskað var eftir viðræð-
um um að bærinn gerðist
reynslusveitarfélag í þessum
málaflokki en voru ekki búin að
fá nein viðbrögð við þeirri beiðni
þegar þeir voru kallaðir á teppið
inni í ráðuneytið 30.október. Þeg-
ar ráðamenn bæjarins tala um
frumkvæði bæjarins í að leysa
okkar deilu eru þeir þannig að
reyna að gera sinn hlut merki-
legri en efni standa til.
Í bókun meirihlutans segir m.a:
„Samkomulag náðist við heil-
brigðisyfirvöld en þrátt fyrir það
náðust ekki samningar við
lækna.“ Þetta er einkennilega
orðað en er þó að nokkru leyti
rétt. Réttara væri að orða þetta
þannig að fulltrúar Grindavíkur-
bæjar gerðu sjónarmið heilbrigð-
isráðuneytisins að því er virtist
algjörlega að sínum og voru í
reynd ekkert annað en leiksoppar
ráðuneytisins.
Eins og málum er nú komið eig-
um við Ragnar Gunnarsson ekki
von á því að snúa aftur til starfa í
Grindavík. Ég harma hvernig
þessi mál hafa þróast þar sem ég
hef tilfinningar til svæðisins og í-
búanna. Ég starfaði á heilsugæsl-
unni í Keflavík í tæpan áratug
fram í ársbyrjun 1999 og svo í
Grindavík frá ársbyrjun 2001 til
loka okt. s.l. og ég bjó á Suður-
nesjum í 10 ár.
Ég efast ekki um að ráðamenn í
Grindavík höfðu einlægan vilja
til að leysa þessi mál með hags-
muni íbúanna að leiðarljósi. Þeg-
ar á reynir virðist þó sem menn
skorti framsýni og séu fastir í
gömlum hugmyndum sem gera
ekki annað en að fæla menn frá
því að endast í þessum störfum
til frambúðar. Séu mál heimilis-
lækna á Suðurnesjum í heild
skoðuð er þó ljóst að sú afstaða
ráðamannna Heilbrigðisstofnun-
ar Suðurnesja að gefa ekki öllum
læknahópnum kost á endurráðn-
ingu réð mestu um hvernig þessi
mál þróuðust. Þar var nýráðinn
framkvæmdastjóri hins vegar
eingöngu að framfylgja fyrir-
mælum úr heilbrigðisráðuneytinu
enda virðist nýi framkvæmda-
stjórinn ekki vera annað en
strengjabrúða ráðuneytisins.
Einnig var þar með í ráðum yfir-
læknir sjúkrahússviðs HSS sem
einnig er núverandi lækningafor-
stjóri HSS en framganga hans í
þessum málum öllum og ýmis
ummæli hans opinberlega voru
til þess fallin að hleypa málum í
enn fastari hnút.
Ég þakka öllu því góða fólki sem
ég kynntist í Grindavík fyrir góð
samskipti í þessi tæpu 2 ár sem
ég starfaði þar og þakka sam-
starfsfólki fyrir ánægjulegt sam-
starf.
Jón Benediktsson
fyrrverandi yfirlæknir
Heilsugæslustöðvarinnar
í Grindavík
LÆKNAMÁL GRINDAVÍKUR
LÆKNAMÁL Í BRENNIDEPLI Á SUÐURNESJUM
LÆKNAMÁL GRINDAVÍKUR / Ólafur Örn Ólafsson bæjarstjóri Grindavíkur skrifar:
Kaldar kveðjur frá fyrrverandi yfirlækni
Grindavík 20. janúar 2003.
Í fréttaskoti blaðsins á heimasíðu þess
þann 11. jan. sl. var birt grein eftir
fyrrverandi lækni í
Grindavík Jón Bene-
diktsson. Þar sem rangt
er farið með nokkur at-
riði í greininni vill und-
irritaður koma athuga-
semdum á framfæri.
Þegar allt útlit var fyrir
að heimilislæknar á Suðurnesjum
myndu hætta störfum hjá Heilbrigðis-
stofnun Suðurnesja ákvað meirihluti
bæjarstjórnar Grindavíkur að freista
þess að leita leiða til að ekki yrði lækn-
islaust í Grindavík. Með því að óska
eftir viðræðum við Heilbrigðisráðu-
neyti um þjónustusamning um vinnu
lækna til að byrja með og síðan mögu-
legan þjónustusamning á allri þjónustu
heilbrigðistofnunnar.
Það er rangt sem fram kemur í grein
Jóns að forráðamenn bæjarins hafi ver-
ið kallaðir í ráðuneytið að frumkvæði
ráðuneytisins. Það var að frumkvæði
bæjaryfirvalda sem sá fundur var hald-
inn. Þar lögðu forráðamenn bæjarins
fram óskir um viðræður við ráðuneytið
um yfirtöku heilsugæslunnar með
þjónustusamningi við ráðuneytið.
Læknum hafði verið gert það ljóst að
Grindavíkurbær ætlaði ekki að vera
milliliður á milli læknafélagsins og
ráðuneytisins í deilu þeirra, heldur
snerust samningar annars vegar milli
ráðuneytisins og hins vegar við lækna.
Læknar þeir sem við áttum samninga-
viðræður við virðast hins vegar hafa lit-
ið öðruvísi á málin eins og síðar átti
eftir að koma í ljós.
Samningar náðust við ráðuneytið um
að greiða samkvæmt þjónustusamningi
1,8 stöðu lækna við heilsugæsluna í
Grindavík sem var aukning um 0,3
stöðugildi, auk þess að greiða sam-
kvæmt nýgengnum kjaradómi en þar
eru laun yfirlæknis með „helgun“ um
584 þús. á mánuði fyrir dagvinnu. Bær-
inn var tilbúinn til að greiða þessi laun
sem verktakagreiðslu til yfirlæknis.
Auk þess staðaruppbót sem hafði verið
greidd sérstaklega af Grindavíkurbæ
um 30% ofan á laun yfirlæknis og akst-
ur til og frá vinnu sem almennt er ekki
tíðkað á vinnumarkaði. Þannig gátu
heildargreiðslur til yfirlæknis numið
yfir 900 þús. á mánuði fyrir dagvinnu
sem verktakalaun. Eins og áður segir
var búið að ná samningum við ráðu-
neytið byggt á kröfum lækna en læknar
ákváðu á síðustu stundu að setja fram
nýjar kröfur og þar með var samnings-
grundvöllur brostinn.
Okkur finnst það vera heldur kaldar
kveðjur sem bæjarfélagið fær fá fyrr-
verandi yfirlækni eftir þá fyrirgreiðslu
sem bæjarfélagið hafði innt af hendi og
sýnir viljaleysi yfirlæknis til að bera
hag Grindvíkinga fyrir brjósti.
Bent skal á að Grindavíkurbær er ekki
beinn aðili að þessum málum þar sem
samkvæmt lögum fer Heilbrigðisstofn-
un Suðurnesja með heilsugæslumál í
Grindavík. Grindavíkurbær vildi hins
vegar leggja sitt af mörkum til að leysa
þann vanda sem upp var komin með
gerð þjónustusamnings við ríkisvaldið
hefði það verið nokkur kostur.
Það nýjasta í þessu máli er að til
Grindavíkur er að koma til starfa nýút-
skrifaður heimilislæknir í fjóra mánuði
til reynslu og vonum við að framhald
verði á því til lengri tíma.
Með kveðju
Ólafur Örn Ólafsson
Bæjarstjóri Grindavík
5. tbl. 2003 - 24 pages Kolls 29.1.2003 16:12 Page 6