Víkurfréttir - 17.02.2005, Blaðsíða 14

14 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
8 Hópsnes GK:
Grindvískafréttasíðan
U m s j ó n : Þ o r s t e i n n G u n n a r K r i s t j á n s s o n
Hópsnes GK 77 fékk 10 tonn á 36 bjóð um helgina og voru bátsverjar að vonum ánægðir við löndun. Tíðarfarið hefur verið mönnum erfitt til sjósóknar það sem af er ár-
inu og er því svona róður kærkominn til að lífga upp á tilveruna.
Örn Rafnsson skipstjóri sagði að veiðin væri heldur að glæðast og
er bjartsýnn á að þetta verði góð vertíð.
Nú í árs byrj un hætti Úraverslun Gilberts úr-smiðs í Grindavík starf-
semi sinni eftir 27 ára farsælan
verslunarrekstur.
Í samtali við Gilbert úrsmið
sagði hann að þróunin hefði
verið stöugt niður á við, alltaf
hafi verið verslað minna með
hverju árinu og því sé þessi nið-
urstaða óumflýjanleg. Gilbert
segist alltaf hafa átt góð sam-
skipti við Grindvíkinga og það
sé einna eftirminnilegst að að-
eins einu sinn hafi verið brotist
inn í verslunina á öllum þessum
tíma. Hann rekur aðra verslun
við Laugaveg og þar er brotist
inn reglulega og því hafi það
verið gott að hafa aldrei þurft
að hafa áhyggjur af versluninni
í Grindavík. Gilbert sagði að
það sé slæm þróun fyrir svæðið
að heimamenn skuli ekki versla
meira í heimabyggð en raun ber
vitni og svo gæti farið að fólk
þurfi að fara til Reykjavíkur eftir
mjólkinni. Að lokum vildi Gil-
bert koma á framfæri þakklæti
til Grindvíkinga fyrir samskiptin
og verslunina á öllum þessum
árum og óskar þeim velfarnaðar
á komandi tímum.
Slysavarnardeildin Þór-katla í Grindavík sinnir ýmsum verkefnum og
fást þær talsvert við forvarnar-
starf. Fyrir stuttu buðu þær
börnum sem fædd er 1999 og
2000 upp á leiksýningu hjá
Brúðubílnum. Sýningin er
byggð á sögunni “Númi og höf-
uðin sjö” sem kom út árið 2000
og gaf þá Landsbjörg öllum
leikskólum landsins eintak af
bókinni. Landsbjörg fékk svo
brúðuleikhús Helgu Steffensen
til að setja upp sýninguna og
er það svo verkefni deildanna
að bjóða upp á sýningar fyrir
börnin. Fjáraflanir sem Þór-
kötlurnar standa fyrir fara upp
í kostnaði við slík verkefni og
ýmislegt fleyra sem brennur á
þeim og hefur forvarnargildi.
Voru börnin hæstánægð með
sýninguna og hörfði dáleidd á
ævintýrið spretta fram þegar
brúðurnar túlkuðu söguna
Undanfarin ár hafa stelpurnar
í slysavarnardeildinni Þórkötlu
selt blóm á konudaginn en að
þessu sinni og þykir þeim leitt
að þurfa að hætta því. Þórkötl-
urnar eru ein öflugasta kvenna-
deild in á land inu og til að
standa undir því þarf að sinna
gríðarlegu starfi. Blómasalan
hefur í gegnum tíðina skilað
deildinni góðum tekjum en
þó hafa þær minnkað síðustu
árin. Mikil vinna og allt að 3ja
vikna undirbúningur hefur fylgt
blómasölunni og til að mynda
hafa þær keyrt blómum upp í
Mosfellsbæ og út í Garð. Þykir
þeim miður að þurfa að hætta
þessari þjónustu við sjómenn
og aðra menn sem gleðja vilja
eiginkonur sínar og kærustur
en nú eru breytt ir tímar og
hægt er að versla blóm nánast
hvar sem er. Vilja Þórkötlurnar
koma þakklætiskveðjum til allra
þeirra sem hafa stutt þær með
blómakaupum í gegnum tíðina.
Þá vilja þær minna á Sjóarann
síkáta en þá selja þær ýmsan
varning og jafnframt munu þær
baka og selja kökur við ýmis
tækifæri.
BREYTTIR TÍMAR
HJÁ ÞÓRKÖTLUM
8 Slysavarnakonur:
Tíu tonn á 36 bala
Úraverslun Gilberts
hættir eftir 27 ára starf
8 Verslun og viðskipti í Grindavík: