Víkurfréttir - 17.03.2005, Page 8

8 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Útgefandi:
Afgreiðsla, ritstjórn og auglýsingar:
Ritstjóri og ábm.:
Fréttastjóri:
Blaðamenn:
Auglýsingadeild:
Útlit, umbrot og prentvistun:
Hönnunardeild Víkurfrétta:
Prentvinnsla:
Dagleg stafræn útgáfa:
Skrifstofa Víkurfrétta:
Víkurfréttir ehf., kt. 710183-0319
Grundarvegi 23, 260 Njarðvík, Sími 421 0000 Fax 421 0020
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is, postur@vf.is
Þorgils Jónsson (fréttir), sími 421 0003, gilsi@vf.is
Bjarni Halldór Lúðvíksson (sport), sími 421 0004, bjarni@vf.is, sport@vf.is
Jófríður Leifsdóttir, sími 421 0008, jofridur@vf.is
Jón Björn Ólafsson, sími 421 0001, jbo@vf.is
Víkurfréttir ehf.
Kolbrún Jóna Pétursdóttir, s: 421 0005, kolla@vf.is
Anita Hafdís Björnsdóttir, s: 421 0013, anita@vf.is
Þorsteinn Kristinsson, s: 421 0006, steini@vf.is
Prentsmiðjan Oddi hf.
www.vf.is og vikurfrettir.is
Stefanía Jónsdóttir, sími 421 0012, stebba@vf.is
Guðrún Karitas Garðarsdóttir, sími 421 0009, gudrun@vf.is
Aldís Jónsdóttir, sími 421 1010, aldis@vf.is
8 RITSTJÓRN VÍKURFRÉTTA
Afgreiðsla Víkurfrétta er opin alla virka daga frá kl. 09-12 og 13-17.
Athugið að föstudaga er opið til kl. 15
Með því að hringja í síma 421 0000 er hægt að velja beint samband
við auglýsingadeild, fréttadeild og hönnunardeild.
Fréttavakt allan sólarhringinn er í síma 898 2222
©RITSTJÓRNAR BRÉFHilmar Bragi BárðarsonF R É T T A S T J Ó R I S K R I F A R
Bjóðum Landhelgisgæzluna velkomna!
Vals
fimmtud
ags
EFTIR VAL KETILSSON
Ef ég væri ríkur
©FRÉTTASÍMINN
SÓLARHRINGSVAKT
898 2222
Halldór Ásgrímsson, forsætisráðherra, sagði á opnum stjórnmálafundi í Reykja-nesbæ í síðustu viku að það hentaði
mjög vel að Landhelgisgæzlan yrði staðsett á
þessu svæði í framtíðinni. Í Keflavík væri mjög
góð aðstaða, bæði á flugvellinum og í sambandi
við hafnaraðstæður. Forsætisráðherra sagði í við-
tali við Víkurfréttir þetta sama kvöld að það liggi
fyrir að ef Íslendingar taki að sér meiri verkefni
í tengslum við Keflavíkurflugvöll, þá komi þau
einkum í hlut lögreglunnar og Landhelgisgæzl-
unnar. Halldór nefndi að ef Íslendingar þyrftu að
taka yfir starfsemi þyrlureksturs sem verið hefur
í höndum Varnarliðsins, þá gæti hentað mjög vel
að Landhelgisgæzlan yrði staðsett á þessu svæði í
framtíðinni.
Fram kom á fundum að það sé ljóst að Ís-lendingar geti ekki staðið frammi fyrir því sem þjóð að stóla bara á eina þyrlu. Fari
Varnarliðið á brott með sínar þyrlur, sé eðlilegt að
efla starfsemi Landhelgisgæzlunnar á þessu svæði.
„Þetta mál þarf að vinna áfram,” sagði Halldór Ás-
grímsson, forsætisráðherra á fundinum í Reykja-
nesbæ. Halldór benti jafnframt á að lögreglan á
Keflavíkurflugvelli verði efld og t.a.m. verði tólf
manna sveit svokallaðra Víkingasveitarmanna
starfandi á Keflavíkurflugvelli.
Aðspurður um aukinn kostnað Íslendinga af rekstri Keflavíkurflugvallar, m.a. vegna minnkandi starfsemi Varnarliðsins, sagði
Halldór Ásgrímsson, að það væri aðallega rekstur
flugbrauta og þátttaka í starfsemi slökkviliðs og
annað sem tengist borgaralegu flugi, sem væri eðli-
legt að Íslendingar tækju þátt í kostnaði við. „Við
höfum sagt við Bandaríkjamenn að við værum
tilbúnir að taka þátt í því en við bíðum eftir því
að samningar geti hafist. Við teljum að allar vís-
bendingar bendi til þess að þeir vilji vera hér
áfram með flugvélarnar og við teljum það vera
meginatriðið og í samræmi við stefnu íslenskra
stjórnvalda. Aðstoðarutanríkisráðherra Bandaríkj-
anna kemur hingað í næsta mánuði og þá verða
viðræður við hann um málið en við höfum fengið
jákvæðar vísbendingar frá Bandaríkjaforseta,”
sagði Halldór í samtali við Víkurfréttir.
Það verða að teljast jákvæð tíðindi fyrir Suðurnesjamenn þegar sjálfur forsætisráð-herrann lýsir því yfir að Landhelgisgæzlan sé
væntanleg til Suðurnesja með þó ekki væri nema
flugdeildina. Það er mikil starfsemi sem fylgir
flugrekstri Landhelgisgæzlunnar og núverandi
aðstaða á Reykjavíkurflugvelli er barn síns tíma og
fyrir löngu orðin alltof lítil. Á sama tíma stendur
nýlega endurnýjað flugskýli á Keflavíkurflugvelli
tómt eftir að kafbátaleitarflugvélar hersins yfirgáfu
landið.
Suðurnesjamenn bjóða Landhelgisgæzluna velkomna Suður með sjó og benda á að hér er nægur húsakostur og ríflegt legupláss
í höfnum fyrir endurnýjaðan skipastól, því
eins og ljóst má vera af fréttum er að vænta
nýs varðskips og þá verður flugvélarkostur
Gæzlunnar einnig endurnýjaður. Þá er gaman
að segja frá því að ein af þremur áhöfnum
björgunarþyrla Landhelgisgæzlunnar er skipuð
Suðurnesjamönnum, sem koma „heim“ þegar
Landhelgisgæzlan flytur á Keflavíkurflugvöll.
Undanfarnir dagar verða lengi í minnum hafðir, í ljósi þess að Íslendingar urðu allir jafn ríkir á tímabilinu. Björgólfsfeðgar máttu sín lítils með alla sína milljarða
á meðan verðstríðið geisaði á klakanum. Kaupþingsmont-
prikin virkuðu ekki á meðan, nema ef til vill í útlöndum. Ríki-
dæmið var í boði lágvöruverðsverslana, sem gengu svo langt
að gefa kúamjólkina til almennings en skammta hana um
leið. Hver kúnni fékk fjóra lítra. Fjölskyldur urðu að einstak-
lingum við kassana. Coca Puffsið kostaði slikk og ávextir ör-
fáar krónur kílóið. Gosið í áldósum kostaði í raun tíkall þegar
skilagjaldið hafði verið innheimt hjá Óla ,,dósent”. Sem sagt,
hér gengu millar á meðal vors í hverju horni og juku birgðir
heimilanna á kostnað hillanna hjá heildsalanum.
Mér hefur alltaf gengið illa að verða ríkur. Ég hef lifað á lágum launum, meðal launum og háum launum. Aldrei náð að verða ríkur við neinar aðstæður, að
minnsta kosti ekki peningalega í Sparibankanum. Prófaði
meira að segja hlutabréfamarkaðinn um daginn og varð lítt
ágengt. Kannski bara smá en ég eyddi gróðanum fljótlega.
Keypti mér veiðileyfi í sumar fyrir gróðann. Við hjónin eigum
það nefnilega sammerkt að sjá til þess að safna aldrei neinum
auði, svo að heitið geti. Látum duga að leggja fyrir séreignar-
sparnað. Öllu öðru eytt svo fljótt sem auðið er. Gætum ekki
lifað við að eiga digra sjóði. Myndum finna leið til að koma
þeim í umferð og úr okkar umsjá.
Dollarinn og evran eru að nálgast sögulegt lágmark. Verð á nýjum bílum lækkar, þó jafnhægt og lítið og verð á eldsneyti. Vextir eru lágir og gríðarlegt fjármagn
er í boði á kostakjörum. Hrikalega freistandi að verða sér út
um aur á lágvöruverði. Bankarnir bjóða eins og Bónus og
Kaskó, bullandi tilboð á brjáluðum dögum. Ekki þó gefins,
en glitrandi greiðslumat á húsnæðismarkaði ef svo ber undir.
Viltu tíu, tuttugu eða þrjátíu milljónir? Gengur kannski upp
ef Gaui gefur mjólkina? Eða Jóhannes jarðaberin? Verðbólg-
unni er haldið niðri og vöxtunum um leið en hvað skyldi bíða
okkar handan við hornið?
Ég hef komist að því að ég er bara helv... ríkur eftir allt saman. Hef öðlast frið í sálinni, sæmilegan svefnfrið og sæg af sögum til að segja á elliheimilinu. Ekki viss um
að ég þurfi að nota séreignarsparnaðinn eftir allt saman. Verð
vonandi ríkur af barnabörnum, sem ég ætla að spilla út í eitt,
þegar ég tek rúntinn út í Hafnir að vitja endurreisnar óðalsins
í Kotvogi eða ylsjávarleikjagarðsins á Reykjanesi.
VF
-L
JÓ
SM
YN
D
IR
: L
AN
D
H
EL
G
IS
G
Æ
ZL
AN