Víkurfréttir - 27.03.2014, Blaðsíða 2
fimmtudagurinn 27. mars 2014 • VÍKURFRÉTTIR2
Nokkur kurr og mikil um-ræða hefur verið vegna
framboðslista Sjálfstæðisflokks-
ins í Reykjanesbæ sem sam-
þykktur var eftir verulegar breyt-
ingar frá niðurstöðu prófkjörs, á
fundi fulltrúaráðs í síðustu viku.
Tveir af núverandi bæjarfull-
trúum flokksins eru ekki á meðal
sjö efstu á listanum. Gunnar
Þórarinsson, sem varð í 5. sæti í
prófkjörinu fyrr í mánuðinum, er
ekki á lista og Einar Magnússon,
sem náði 7. sæti í prófkjörinu, er í
næstneðsta sæti listans. Þá höfðu
Böðvar Jónsson sem varð í 2. sæti
og Magnea Guðmundsdóttir sem
varð þriðja sætaskipti á listanum.
Á fundi fulltrúaráðsins var tekist
á um hvort listinn yrði óbreyttur
frá niðurstöðum prófkjörs en þar
urðu tvær konur í tíu efstu sætum.
Kjörnefnd hafði heimild til að gera
breytingar á niðurstöðu prófkjörs,
samkvæmt reglum flokksins, og
lagði til að jafna hlut kvenna á list-
anum. Meirihluti fulltrúaráðsins
samþykkti þá niðurstöðu og röðun
listans með 57% atkvæða á móti
43%. Listann skipa tólf karlar og tíu
konur. Þrjár konur eru í sex efstu
sætum á listanum. Þá er hlutur
ungs fólks óvenjumikill á listanum
sem samþykktur var á fundi full-
trúaráðsins en ungir sjálfstæðis-
menn voru ekki sáttir með niður-
stöður prófkjörsins.
Í kjölfar birtingu endanlegs lista
hafa komið fram miklar umræður
um hvernig staðið var að málum
og bæði Gunnar og Einar tjáð sig
í greinum á vef Víkurfrétta sem og
Ragnar Örn Pétursson, formaður
fulltrúaráðs og fleiri aðilar.
Prófkjör virt að vettugi
Gunnar Þórarinsson skrifaði grein
á vef Víkurfrétta í síðustu viku
undir fyrirsögninni „Prófkjör virt
að vettugi“. Í grein-
inni segir Gunnar
m.a.: „Frá prófkjöri
hefur verið mikil
undiralda í ráðum og
nefndum flokksins.
Háværar raddir hafa
verið uppi um að fara
algerlega á svig við úrslit prófkjörs-
ins, réttlæta það með lagatækni-
legum flækjum og þvinga þannig
fram uppstillingu. Það kom svo á
daginn að mér var boðið 7. sætið
sem ég hafnaði á þeim forsendum
að ég teldi prófkjörið hafa svarað
því á lýðræðislegan hátt hver upp-
röðun listans skyldi vera“.
Gunnar segir svo að á fjölmennum
fundi fulltrúaráðsins hafi síðan
endanlega verið gengið frá fram-
boðslistanum. „Þá kom í ljós það
sem legið hafði í loftinu um nokk-
urt skeið að nafn mitt var þurrkað
út af listanum. Þau undirmál og
ofríki sem hafa grasserað innan
nefnda og ráða flokksins síðustu
vikurnar opinberuðust þar með
skýrum hætti“.
Þá segir Gunnar undir lok bréfs-
ins: „Ég mun á næstu vikum íhuga
mín mál með mínum stuðnings-
mönnum. Öllum má ljóst vera að
ég hef fullan hug á því að vinna
áfram að framfararmálum sveitar-
félagsins með setu í bæjarstjórn. Fái
ég til þess góðan byr og hvatningu
mun ég ásamt stuðningsmönnum
mínum efna til sérframboðs“.
Árni tilbúinn að taka 6. sætið
Ragnar Örn Pétursson, formaður
kjörnefndar fulltrúaráðs Sjálf-
stæðisflokksins í Reykjanesbæ,
sá ástæðu til að rita
grein á vef Víkurf-
rétta um prófkjörið
og þær ásakanir sem
bornar höfðu verið á
kjörnefnd flokksins.
Hann segir í grein
sinni að þegar niður-
stöður prófkjörs lágu fyrir var ljóst
að mjög hallaði á konur í efstu
sætum listans. Aðeins 2 konur voru
í 10 efstu sætum hans og aðeins 1
kona var í efstu 5 sætum listans. Í
ljósi niðurstöðu prófkjörs var kjör-
nefnd sammála um að gera breyt-
ingar á listanum þannig að hlutur
kvenna yrði aukinn, enda hallaði
mjög á hlut þeirra.
„Kjörnefnd ræddi þessa áherslu við
frambjóðendur sem tóku nær allir
vel í að taka þátt í þessari vinnu.
Böðvar Jónsson sem náði 2. sæti í
prófkjörinu var tilbúinn að færa sig
í það 3ja þannig að Magnea Guð-
mundsdóttir yrði í 2. sæti. Einar
Magnússon, sem náði 7. sæti í
prófkjörinu var tilbúinn að víkja
úr því sæti og þáði 21. sætið. Reynt
var með öllum ráðum að fá Gunn-
ar Þórarinsson með í þessa veg-
ferð til að hleypa konu að í 5. sætið.
Honum var fyrst boðið að taka 7.
sætið og reyndar á sama fundi var
óskað eftir við Árna Sigfússon að
hann færði sig í 6. sætið, þannig
að allir frambjóðendur tækju þátt
í þessari vinnu. Árni var tilbúinn
að gera það en ekki Gunnar, sem
hafnaði 7. sætinu. […] Til þess að
ná sáttum var ákveðið að bjóða
Gunnari svo 6. sætið en hann hafn-
aði því og sagði að hann vildi ekki
sæti neðar en 5. sætið, annars tæki
hann ekki þátt og vildi ekki vera á
lista. Meirihluti kjörnefndar ákvað
að bjóða honum ekki 5. sætið og á
fundi fulltrúaráðs var tillaga kjör-
nefndar samþykkt“.
Árni Sigfússon bæjarstjóri Reykja-
nesbæjar tjáir sig um málið á Face-
book-síðu sinni.
„Undarleg umræða og rangar stað-
hæfingar tengdar undirbúningi að
sérframboði Gunnars Þórarins-
sonar. Hann sóttist eftir 1.-2. sæti
í prófkjöri sjálfstæðismanna í
Reykjanesbæ en hafnaði í 5. sæti.
Hann náði samt ekki tilskildum
atkvæðafjölda til að eiga rétt á því
sæti á lista samkvæmt prófkjör-
sreglum. Það sem fáir vita fram að
þessu er að þrátt fyrir sterka kosn-
ingu í 1. sæti var ég reiðubúinn að
fara í 6. sæti að ósk kjörnefndar.
Þeirra hugmynd var að Gunnar
tæki þá 7. sæti, sem er sami sæta-
fjöldi og við höfum í bæjarstjórn í
dag. Ég samþykkti að taka 6. sætið
án skilyrða. Gunnar hafnaði 7. sæt-
inu! Þá var honum boðið að fara í
6. sæti. Hann hafnaði því líka. Það
var miður. Þessar staðreyndir sýna
að það var fullur vilji til að hann
ynni með okkur. Einhverra hluta
vegna eru þessar upplýsingar ekki
að koma fram hjá honum,“ segir
Árni.
Bauðst aldrei 7. sætið
Einar Magnússon bæjarfulltrúi,
sem hafnaði í 7. sæti í prófkjörinu
en var færður niður í það 21. sá
einnig ástæðu til að
skrifa grein á vef Vík-
urfrétta til að leiðrétta
rangfærslu í grein
Ragnars Arnar Pét-
urssonar formanns
kjörnefndar. Ragnar
Örn hafði skrifað:
„Einar Magnússon,
sem náði 7. sæti í prófkjörinu var
tilbúinn að víkja úr því sæti og þáði
21. sætið.“
Í grein Einars segir hins vegar:
„Þetta er rangt og vegna þess að
margir af mínum stuðnings-
mönnum hafa spurt mig að því
hvers vegna listinn er eins og hann
er finnst mér þeir eiga rétt á að vita
hið rétta í málinu. Hið rétta er að
mér bauðst aldrei 7. sætið eins og
Ragnar heldur fram og ég bauðst
ekki til að víkja úr því. Í prófkjörinu
sóttist ég eftir 4. sæti og fer ekki
leynt með að égt varð vonsvikinn
að hafna í 7. sæti. […] Það kom mér
því á óvart þegar ég var kallaður
aftur á fund kjörnefndar og mér
boðið neðsta sætið á listanum. Á
þeim fundi afþakkaði ég sæti á list-
anum. Síðar var mér boðið 8. sæti
listans, sem ég þáði ekki heldur.
[…] Ég er ekki vanur að hlaupa frá
verkum mínum. Ég ákvað því að
lokum, kvöldið áður en listinn var
samþykktur, að taka 21. sætið á list-
anum til að sýna stuðning við sam-
starfsfólk mitt og að ég væri stoltur
af þeim verkum sem ég hef tekið
þátt í að vinna að í bæjarstjórn á
kjörtímabilinu. […] Pólitíkin hefur
ekki sérlega góða ímynd þessa dag-
ana og til að fá fleira ungt fólk og
fleiri konur að pólitísku starfi er
mikilvægt að auka gegnsæi,“ segir
Einar Magnússon m.a. í grein sinni.
-pólitík pósturu vf@vf.is
n Tekist á um framboðslista Sjálfstæðisflokksins
í Reykjanesbæ. Tveir núverandi bæjarfulltrúar ósáttir:
Gunnar út af listanum
og íhugar sérframboð
-Einar í næst neðsta sæti. Bæjarstjóri bauðst til að taka 6. sætið
15%
afsláttur*
Af öllum pa
kkningum
* Gildir í ma
rs
Allt fasteignir á Suðurnes-
jum – sími 426-8890
Allt fasteignir - fasteignasa-
la í Grindavík
YFIR 300 EIGNIR Á
SUÐURNESJUM TIL
SÖLU HJÁ OKKUR
Skoðið heimasíðu okkar alltfasteignir.is
Grindavík sími 426-8890
Dagbjartur Willardsson sölustjóri gsm 861 7507 // Þórir Sigfússon sölufull-
trúi gsm 612 2266 // Þorbjörn Pálsson löggiltur fasteignasali gsm 898 1233.
Framboðslisti Sjálfstæðis-
flokksins í Reykjanesbæ
1. Árni Sigfússon, bæjarstjóri
2. Magnea Guðmundsóttir,
upplýsingafulltrúi og bæjarfulltrúi
3. Böðvar Jónsson,
framkvæmdastjóri og bæjarfulltrúi
4. Baldur Guðmundsson,
útibússtjóri og bæjarfulltrúi
5. Björk Þorsteinsdóttir,
skrifstofustjóri og bæjarfulltrúi
6. Ingigerður Sæmundsdóttir,
framhaldsskólakennari
7. Jóhann S. Sigurbergsson,
forstöðumaður
8. Una Sigurðardóttir,
sérfræðingur
9. Ísak Ernir Kristinsson, stúdent
10. Guðmundur Pétursson, fram-
kvæmdastjóri
11. Hildur Gunnarsdóttir,
lögfræðingur og varaformaður SUS
12. Hanna B. Konráðsdóttir,
viðskiptafræðingur og meistara-
prófsnemi í lögfræði
13. Þórarinn Gunnarsson, stúd-
ent og formaður ungra sjálf-
stæðismanna í Reykjanesbæ
14. Anna Sigríður Jóhannesdóttir,
sálfræðinemi
15. Rúnar Arnarson,
bankastarfsmaður
16. Haraldur Helgason,
matreiðslumeistari
17. Sigrún I. Ævarsdóttir,
lögfræðingur og kaupmaður
18. Erlingur Bjarnason,
rekstrarstjóri
19. Gígja S. Guðjónsdóttir,
uppeldis- og menntunarfræðingur
20. Grétar Guðlaugsson,
byggingafræðingur
21. Einar Magnússon,
skipstjóri og bæjarfulltrúi
22. Ragnheiður Elín Árnadóttir,
alþingismaður og ráðherra
Um 1500 manns tóku þátt í prófkjöri Sjálfstæðisflokksins.
Aðeins tveir af sjö efstu í prófkjörinu eru í sömu sætum
eftir breytingar fulltrúaráðs á listanum.