Víkurfréttir - 27.03.2014, Blaðsíða 6

fimmtudagurinn 27. mars 2014 • VÍKURFRÉTTIR6
Logi Geirsson, fyrrum landsliðsmaður og at-vinnumaður í handbolta, er einn af tengda-
sonum Suðurnesja. Unnusta hans er Njarðvíkur-
mærin Ingibjörg Elva Vilbergsdóttir. Logi segir í
stuttu viðtali við Víkurfréttir hvernig honum líkar
að búa hér á svæðinu og hvað hann fæst við í dag.
Lítið mál að fá dagmömmu
„Við fluttum frá Þýskalandi árið 2010 og fyrsta árið
vorum við búsett í Hafnarfirði. Það var svo röð atvika
sem leiddu okkur á Suðurnesin. Unnusta mín er flug-
freyja hjá Icelandair og því vorum við stutt frá flugvell-
inum. Einnig var erfitt að finna pláss hjá dagmömmu
fyrir strákinn okkar í Hafnarfirði en það var lítið mál
hér og svo leist okkur svo vel á eitt hús í Ásahverfinu
að við skelltum okkur bara í smá ævintýri,“ segir Logi,
sem núna er háskólanemi og
eigandi Fjarform.is. Hann segir
að fjölskyldunni líði mjög vel
í Reykjanesbæ og geti varla
hugsað sér að flytja þaðan, eins
og staðan er. „Þetta er búið að
vera eintóm hamingja síðan við
settumst hér að. Kostirnir við
samfélagið er smæð þess, það
minnir mann svolítið á Hafn-
arfjörð og maður er fljótur að
kynnast fólki hérna.“
Lögreglan mjög sýnileg
Logi segir Sporthúsið vera frá-
bært mannvirki og eina glæsi-
legustu stöð landsins sem hann
vonar að sem flestir nýti sér; þar sé eitthvað fyrir alla.
„Mér finnst líka gaman að sjá hvað Árni Sigfússon og
félagar hafa búið til mikið aðdráttarafl og glætt bæjar-
félagið og bæinn lífi. Svo finnst mér líka aðdáunarvert
hversu sýnilegir lögreglumenn eru hérna, það heyrir
til undantekninga að keyra Hafnargötuna án þess að
mæta lögreglunni.“
Hollari skyndibitastaðir og jákvæðari fréttir
Í öllum sveitarfélögum er hægt að gera eitthvað betur
og að mati Loga mættu koma hollir skyndibitastaðir
eins og Saffran eða Serrano. „Einnig man ég tímana
þar sem ég mætti að horfa á körfuboltaleiki hérna
á yngri árum þar sem yfirleitt var fullt af fólki og
gríðarleg stemmning. Ég held að það væri hægt að rífa
þetta betur upp hérna aftur með smá vinnu og vera
með kjaftfullt á hverjum leik. Einnig mætti vera meira
um einfalda viðburði tengdum menningu,“ segir Logi
en tekur þó fram að svona heilt yfir þá telji hann að
það mætti vera meira af jákvæðum fréttum af Suður-
nesjum yfirleitt því að hellingur af góðum hlutum séu
að gerast hérna á hverjum degi. „Einhverra hluta vegna
skín það ekki í gegnum neikvæða umræðu sem virðist
oft eiga sér stað um Suðurnesin.“
Langvarandi áhrif á líf fólks
Logi er um þessar mundir að skrifa Bs. ritgerð í við-
skiptafræði frá Háskólanum á Bifröst, útskrifast þaðan
í vor. „Síðan er það fyrirtæki
mitt, www.fjarform.is, sem er
eitt af því sem ég hef skapað og
hef mest gaman af. Þar leitumst
við eftir að vera mikils virði
fyrir heilsu fólks og hafa góð
langvarandi áhrif á líf fólks.
Þetta er Fjarþjálfun í grunninn.
Við fræðum fólk um það sem
skiptir mestu máli og hvetjum
það til að ná markmiðum sín-
um.“ Logi segist mjög stoltur
af því að geta hjálpað og kennt
fólki að breyta um lífsstíl. „Ég
hef fengið til mín í þjálfun
helling af Suðurnesjafólki. Það
hvílir mikil ábyrgð í því að
taka heilsu einstaklinga í sínar hendur en það er það
skemmtilegasta sem ég geri.“
Samfélagsmiðill í smíðum
Einnig er Logi með í smíðum samfélagsmiðil sem
væntanlega verður að veruleika innan tveggja ára
þannig að ekki vantar járnin í eldinn. „Suðurnesin hafa
komið mér mikið á óvart og ég er stoltur af því að búa
hérna. Það er ekki bara slagsmál og rok hérna eins og
oft er talað um heldur er þetta fjölbreytt samfélag með
marga frábæra kosti og satt best að segja grunaði mig
ekki hversu gott er að búa hér,“ segir Logi að lokum.
Það er öruggt að mörgum Suðurnesja-
mönnum muni hlýna um hjartaræturnar
þegar þeir hafa lesið viðtal okkar við „hafn-
firska“ handboltakappann og íþróttamann-
inn Loga Geirsson (hér til hliðar).
Hann fer lofsamlegum orðum um svæðið en
hann og kona hans, Suðurnesjamærin Ingi-
björg Elva Vilbergsdóttir, sem m.a. lék körfu-
bolta með sigurliði Keflavíkurstúlkna, búa í
Reykjanesbæ.
„Suðurnesin hafa komið mér mikið á óvart og ég er stoltur af því
að búa hérna. Það er ekki bara slagsmál og rok hérna eins og oft er
talað um heldur er þetta fjölbreytt samfélag með marga frábæra
kosti og satt best að segja grunaði mig ekki hversu gott er að búa
hér,“ segir íþróttamaðurinn Logi Geirsson og bendir á ýmsa fleiri
kosti en líka á það sem mætti gera betur.
Eitt af því sem „tengdasonur“ Suðurnesja segir frá í viðtalinu er
að of mikið af neikvæðri umræðu gefi ekki rétt mynd af svæðinu,
því svo margir jákvæðir hlutir séu að gerast á hverjum degi. Undir
þetta má taka. Það er ekkert launungarmál að stefna okkar á
Víkurfréttum er að einbeita okkur meira að jákvæðum málefnum
þó vissulega birtist efni í miðlum okkar sem hægt er að segja að sé
„neikvætt“.
Í prentútgáfu Víkurfrétta og á vef okkar undanfarna mánuði
hefur þetta komið skýrt fram, fjöldi viðtala við fólk sem er að
gera skemmtilega og góða hluti sem og greina um margt jákvætt.
Í sjónvarpsþáttum okkar í Sjónvarpi Víkurfrétta sem við sýnum
vikulega á vef okkar vf.is, á kapalrás Reykjanesbæjar og á ÍNN þar
sem fjöldi annarra en Suðurnesjamanna fylgist með, leggjum við
mikla áherslu á að sýna hvað það er margt jákvætt og fjölbreytt í
gangi í samfélaginu á Suðurnesjum.
Þetta ætti líka að vera umhugsunarefni fyrir alla sem eru duglegir
á samfélagsmiðlum, - að gæta tungunnar þegar verið er að gagn-
rýna aðra eða tjá sig á mjög neikvæðan hátt. Forseti Íslands benti
á það í áramótaávarpi sínu að þróunin í tjáningu á samfélags-
miðlum á borð við Facebook væri áhyggjuefni. Undir það má taka.
Flottur tengdasonur
-ritstjórnarbréf
vf.is
Útgefandi: Víkurfréttir ehf., kt. 710183-0319 P Afgreiðsla og ritstjórn: Krossmóa 4a, 4. hæð, 260 Reykjanesbæ, sími 421 0000 P Ritstjóri og ábm.: Páll Ketilsson, sími 421 0004, pket@vf.is
Fréttastjóri: Hilmar Bragi Bárðarson, sími 421 0002, hilmar@vf.is P Blaðamenn: Olga Björt Þórðardóttir, sími 421 0002, olgabjort@vf.is, Eyþór Sæmundsson, eythor@vf.is
Auglýsingastjóri: Sigfús Aðalsteinsson, sími 421 0001, fusi@vf.is P Hönnun og umbrot: Þorsteinn Kristinsson, sími 421 0006, steini@vf.is, Þórgunnur Sigurjónsdóttir, thorgunnur@vf.is
Afgreiðsla: Rut Ragnarsdóttir, sími 421 0000, rut@vf.is, Aldís Jónsdóttir, sími 421 0000, aldis@vf.is P Prentun: Landsprent hf. P Upplag: 9000 eintök P Dreifing: Íslandspóstur
Stafræn útgáfa: www.vf.is, www.kylfingur.is
Tekið er á móti auglýsingum á póstfangið fusi@vf.is. Auglýsingar berist fyrir kl. 17 á þriðjudegi fyrir útgáfudag sem er almennt á fimmtudögum. Móttaka smáauglýsinga fer fram á vef Víkurfrétta, vf.is.
Smáauglýsingar berist fyrir kl. 15 á þriðjudögum. Ekki er tekið á móti smáauglýsingum í síma. Sé fimmtudagur frídagur þá kemur blaðið út á miðvikudögum og þá færist skilafrestur auglýsinga fram um einn
sólarhring. Efni til Víkurfrétta skal sendast á póstfangið vf@vf.is. Aðsendar greinar birtast á vef Víkurfrétta, vf.is. Það er mat ritstjórnar hvaða aðsendu greinar birtast í prentaðri útgáfu blaðsins.
Ekki er greitt fyrir aðsent efni, texta eða myndir, hvort sem það birtist í blaðinu eða á vefsíðum Víkurfrétta.
Páll Ketilsson skrifar
SÍMI 421 0000
Suðurnesin
hafa komið mér
mikið á óvart og
ég er stoltur af
því að búa hérna
Mynd/Texti: Olga Björt Þórðardóttir // olgabjort@vf.is
n Auðvelt að kynnast fólki á Suðurnesjum segir Logi Geirsson:
Eintóm hamingja að búa hér
Laugardaginn 29. mars kl. 14.00 tekur Stephen Lárus
Stephen, annar tveggja Stefána
sem nú sýna í Listasafni Reykja-
nesbæjar, á móti gestum og
fjallar um verk sín á sýningunni
MANNLEGAR VÍDDIR. Leið-
sögnin fer fram á ensku.
Stefánarnir báðir hafa sérhæft sig
í gerð mannamynda. Báðir eiga
þeir erlenda feður og hafa sótt list-
menntun sína til annarra landa,
Stephen Lárus til Bretlands og
Stefán til Noregs og Ítalíu. Að öðru
leyti eru þeir afar ólíkir.
Stephen Lárus hefur getið sér gott
orð fyrir portrettmyndir af ýmsum
„opinberum“ Íslendingum. Mál-
verk hans af Sólveigu Pétursdóttur,
fyrrverandi alþingismanni og for-
seta Alþingis, vakti nokkuð umtal
þegar það var vígt fyrir tveimur
árum; þetta málverk er að finna
á sýningunni. Yfirlýst markmið
Stephens er að koma á framfæri
viðmóti fyrirsæta sinna, án þess
að ganga of nærri einkalífi þeirra.
Þarna er um að ræða jafnvægislist
þar sem listmálarinn þarf að taka
tillit til margra þátta, sjálfsvirð-
ingar þeirra sem sitja fyrir, þjóð-
félagsstöðu þeirra, og ekki síst þess
hlutverks sem portrettmyndirnar
eiga að gegna. Meðan á vinnu-
ferlinu stendur er listmálarinn í
stöðugu „viðræðusambandi“ við
margar þekktustu mannamyndir
listasögunnar; þær eru honum allt
í senn áskorun, viðmið og hug-
myndabanki. Hér gefst gullið tæki-
færi til að sjá saman komin mörg
helstu portrett Stephens Lárusar
hin síðari ár, en mörg þeirra hafa
hvergi verið til sýnis opinberlega.
Á sýningunni er einnig að finna
formyndir listamannanna að
nokkrum sýndum verkum, allt frá
frumdrögum til nákvæmra lokaút-
listana. Sýningarstjóri er Aðal-
steinn Ingólfsson.
Sýningin var opnuð þann 15. mars
og stendur til 27. apríl 2014.
Stephen Lárus með
leiðsögn í Listasafninu