Víkurfréttir - 27.03.2014, Blaðsíða 4
fimmtudagurinn 27. mars 2014 • VÍKURFRÉTTIR4
Símafélagið og Netsamskipti hafa komist að samkomulagi
um að sameina rekstur félaganna
undir merkjum Símafélagsins
og styrkja starfsstöð sameinaðs
reksturs á Suðurnesjum.
Félögin hafa á undanförnum árum
aukið samstarf sitt verulega og hófu
Netsamskipti til að mynda á síðasta
ári að bjóða upp á símaþjónustu til
einstaklinga og fyrirtækja á kerfum
Símafélagsins.
Félögin höfðu áður sameinað út-
landagáttir sínar fyrir Internet
og þótti sameiginlegur rekstur
því eðlilegt framhald á samstarf-
inu. Með þeirri hagræðingu sem
myndast með sameiningunni eykst
rekstraröryggi, þjónustustig og
vöruframboð.
„Með sameiningunni verður til
stærri og öflugri rekstareining og
gefur okkur aukna möguleika að
mæta betur þeim fjölmörgu verk-
efnum sem framundan eru. Mann-
auðurinn er mjög mikill og hér er
verðmæt sérþekking og kunnáttta.
Framundan eru spennandi tímar
enda sjáum við mikla möguleika í
þessum geira,“ segir Brjánn Jóns-
son, framkvæmdastjóri Símafé-
lagsins.
Netsamskipti er eitt elsta Internet-
fyrirtæki landsins en það er stofnað
árið 1994. Félagið er staðsett í
hjarta Reykjanesbæjar og hefur
veitt Suðurnesjabúum netþjónustu,
hýsingarþjónustu, tækniþjónustu
og nýverið einnig símaþjónustu.
Viðskiptavinir eru bæði einstakl-
ingar og fyrirtæki og hefur félag-
ið lagt áherslu á að veita heima-
mönnum fyrsta flokks þjónustu í
sinni heimabyggð.
Símafélagið hóf starfsemi 1. nóv-
ember 2008 og hefur á þeim tíma
byggt upp mjög öflugt grunnnet
á höfuðborgarsvæðinu, Suður-
nesjum, Selfossi, Akureyri og víða
á Norðausturlandi. Símafélagið
hefur frá upphafi lagt áherslu á að
byggja upp sín eigin kerfi, bæði
fyrir Internet og síma og rekur
nú eitt af þremur stærstu grunn-
kerfum landsins.
Skólastjóraskipti í Holtaskóla
Jóhann Geirdal hættir og Eðvarð Þór tekur við
„ Ákvörðunin
hefur ek ker t
að gera me ð
rekstur Myllu-
bakkaskóla eða
samskipti mín
við starfsfólk,
nemendur og
foreldra þar.
Mig langaði einfaldlega í þetta
starf og sló til,“ segir Eðvarð Þór
Eðvarðsson, skólastjóri Myllu-
bakkaskóla en Bæjarráð Reykja-
nesbæjar samþykkti beiðni Eð-
varðs Þórs um tilfærslu í starfi
fimmtudaginn 13. mars síðast-
liðinn. Hann hefur störf sem
skólastjóri Holtaskóla í haust
og tekur við keflinu af Jóhanni
Geirdal, sem hefur sinnt því
starfi síðan 2007.
Eðvarð Þór hefur verið skóla-
stjóri Myllubakkaskóla í tvö ár og
var þar áður aðstoðarskólastjóri
í Holtaskóla og þar áður kennari
við Heiðarskóla. Staða skólastjóra
Myllubakkaskóla hefur þegar
verið auglýst.
Heiða í stjórn
Félags leikskóla-
kennara
u Heiða Ingólfsdóttir, sér-
kennslustjóri á leikskólanum
Holti í Reykjanesbæ, var kjörin
í stjórn Félags leikskólakennara
í síðustu viku.
Ný stjórn Félags leikskólakennara
tekur við á aðalfundi félagsins 25.
apríl næstkomandi og situr fram
að aðalfundi árið 2017. Formaður
FL, Haraldur Freyr Gíslason, er
sjálfkjörinn en kosið verður í
önnur trúnaðarstörf á aðalfund-
inum í apríl.
Kjarasamningur
verslunarmanna
samþykktur
u Kjörfundi um nýjan kjara-
samning milli Verslunarmanna-
félags Suðurnesja og Samtaka
atvinnulífsins sem skrifað var
undir 20. febrúar sl. lauk kl. 14.
föstudaginn 28. febrúar.
Alls voru 1.175 á kjörskrá
Atkvæði greiddu 130 eða 11,06%
Já sögðu 103 eða 79,23%
Nei sögðu 27 eða 20,77%
Auðir seðlar og ógildir 0
Kjarasamningurinn telst því sam-
þykktur
Leikskólinn Holt
tilnefndur til
verðlauna
- Evrópuverðlaunin 2014
uLeikskólinn Holt hefði verið
tilnefndur til Evrópuverðlauna
2014 fyrir e twinning verkefnið
„talking Pictures“. Verkefnið
var valið úr 134 verkefnum víðs
vegar að úr Evrópu og lenti í einu
af þremur efstu sætunum. Mun
Anna Sofia, deildarstjóri á Holti,
sem hefur leitt verkefnið, fara til
Brussel nú í vor og veita verðlaun-
unum viðtöku.
Hvernig nýtist Facebook
mínu fyrirtæki?
– margir hlýddu á fyrirlestur Þórönnu Jónsdóttur í Eldey
Margir nýttu sér tækifærið og hlýddu á fyrirlestur Þór-
önnu Jónsdóttur í Eldey frum-
kvöðlasetri í vikunni sem leið,
en þar sagði hún frá því hvernig
samfélagsmiðillinn Facebook
getur nýst sprotafyrirtækjum til
markaðssetningar.
Facebook er langstærsti samfélags-
miðillinn á Íslandi og notendur ein
billjón í heiminum. Að sögn Þór-
önnu skiptir mestu máli að efnið
sem miðlað er á Facebook sé áhuga-
vert því annars minnkar sýnileiki.
Þar skiptir mestu að byggja upp
samband við viðskiptavini á per-
sónulegum nótum og þekkja þarfir
hans og uppfylla.
-fréttir pósturu vf@vf.is
SUMARSTÖRF
ÞJÓNUSTUMIÐSTÖÐVAR OG VINNUSKÓLA
Þjónustumiðstöð og Vinnuskóli Reykjanesbæjar
auglýsa sumarstörf laus til umsóknar.
Við leitum að starfsfólki í garðyrkjudeild,
flokkstjórum, yfirflokkstjórum og starfsmanni
á skrifstofu.
Allar frekari upplýsingar er að
finna á heimasíðu Reykjanesbæjar
www.reykjanesbaer.is/stjornkerfi/laus-storf
eða í síma 420-3204.
Umsóknafrestur er til 3. apríl 2014
Önnur störf vinnuskóla verða auglýst síðar.
ATH. eldri umsóknir verður að endurnýja!
BÓKASAFN REYKJANESBÆJAR
ERLINGSKVÖLD
Boðið verður upp á ljóðasúpu og ljóðaþvo á árlegu
Erlingskvöldi Bókasafnsins sem fram fer í samstarfi
við Ráðhúskaffi fimmtudaginn 27. mars kl. 18:00.
Gestir geta keypt sér súpu á viðráðanlegu verði og fá í
kaupbæti listaukandi ljóðaflutning framreiddan af
ljóðahópi Jakobs S. Jónssonar leikstjóra.
Leikarar flytja.
Þá verða íslensk og pólsk ljóð hengd upp á snúru
„til þerris“.
Allir velkomnir.
LISTASAFN REYKJANESBÆJAR
LISTAMANNSLEIÐSÖGN
Laugardaginn 29. mars kl. 14.00 mun Stephen Lárus
Stephen taka á móti gestum og spjalla um verk sín á
sýningu Listasafnsins MANNLEGAR VÍDDIR.
Stephen er annar tveggja myndlistarmanna sem sýna
mannamyndir á sýningunni sem opnuð var þann
15. mars sl.
Athugið að leiðsögnin fer fram á ensku.
Hei á könnunni, ókeypis aðgangur
og allir hjartanlega velkomnir.
Netsamskipti og
Símafélagið sameinast
Brjánn Jónsson, framkvæmdastjóri Símafélags-
ins og Brynjar Jónsson eigandi Netsamskipta.