Víkurfréttir - 20.02.2014, Blaðsíða 14

fimmtudagurinn 20. febrúar 2014 • VÍKURFRÉTTIR14
Grindavíkingar eru að fara í fjórða bikarúrslitaleik sinn í
karlaflokki á síðustu fimm árum.
Að þessu sinni eru ÍR-ingar and-
stæðingarnir. Síðustu þrír úrslita-
leikir hafa endað með tapi Grind-
víkinga. Eftir að hafa landað
tveimur Íslandsmeistaratitlum
undanfarin tvö ár eru Grind-
víkingar orðnir hungraðir í fleiri
titla. Þá sérstaklega þennan til-
tekna bikar.
„Við áttum ekki góðan dag í Höll-
inni í fyrra en það er frábært að fá
tækifæri ári seinna. Við erum fullir
tilhlökkunnar og ætlum okkur að
fara af fullum þunga í leikinn,“
segir Sverrir Þór Sverrisson þjálfari
Grindvíkinga.
Þrátt fyrir að Grindvíkingar séu
taldir sigurstranglegir enda ofar í
deildinni eins og stendur, þá segir
Sverrir að það eigi ekki að hafa
mikið áhrif á liðið. „Það
eru líklega flestir aðrir
en Grindvíkingar sem
vonast eftir sigri ÍR. Það
er bara gaman að hafa
smá mótlæti til þess að
hvetja okkur til þess að klára verk-
efnið,“ segir Sverrir Þór. „Þetta er
magnaður viðburður fyrir þessi
bæjarfélög sem komast í úrslitin.
Ég heyri það á Grindvíkingum að
það er mikið hungur í að landa
þessum bikar. Við fáum til þess
tækifæri á laugardaginn og það er
okkar að nýta það.“
Sverri segir að sínir menn séu í
góðu formi, líkamlega sem and-
lega. Stuðningsmenn og reyndir
heimamenn í liðinu eru orðnir
langeygir eftir bikartitli enda frekar
súrar minningar í hugum Grind-
víkinga eftir ófarir síðustu úrslita-
leikja. „Við erum í þessu til þess
að vinna. Við náðum ekki að klára
þetta í fyrra og ætlum að mæta
eins og menn og sýna okkar besta
leik,“ segir Sverrir sem hefur verið
tíður gestur í bikarúrslitum undan-
farin ár en hann fór sem þjálfari
kvennaliðs Njarðvíkur árið 2012 og
fagnaði þar sigri. Sem leikmaður
hefur hann þrisvar spilað til úrslita
og tvisvar fagnað sigri. Sem þjálfari
Grindvíkinga vill Sverrir sjálfsagt
bæta upp fyrir tapið gegn Stjörn-
unni í fyrra en þar laut hann í lægra
haldi gegn Njarðvíkingnum Teiti
Örlygssyni og Stjörnumönnum
hans. Á laugardag situr annar
Njarðvíkingur á bekk andstæðing-
anna, væntanlega í nýpressuðum
jakkafötum.
Hafa unnið
Grindvíkinga í vetur
Njarðvíkingurinn Örvar Þór Krist-
jánsson er þjálfari ÍR-inga. Hann
hefur líka reynslu af bikarúr-
slitum. Fyrst sem leikmaður með
Njarðvík árið 1999 og síðar sem
aðstoðarþjálfari liðsins
árið 2005. Í bæði skiptin
var Örvar í sigurliðinu.
ÍR-ingar stefna að sjálf-
sögðu á sigur í leiknum
á laugardaginn. „Við
förum í leikinn með því hugarfari
að vinna. Við gerum okkur grein
fyrir því að við erum ólíklegri en
við höfum unnið Grindvíkinga í
vetur og teljum okkur geta gert það
aftur,“ segir Örvar.
Það er gömul klisja og ný að dags-
formið geti skipt sköpum. Örvar
telur svo vera. „Við Sverrir getum
spáð í liði hvors annars endala-
sut og prófað að brydda upp á
nýjungum í leiknum. Þetta snýst
þó ekki endilega um það, heldur
hvernig menn mæta tilbúnir til
leiks. Spennustigið þarf að vera rétt
og stundum snýst þetta hreinlega
um heppni. Bæði lið verða klár og
ég vona að þetta verði góður leikur
og góð auglýsing fyrir körfubolt-
ann,“ segir Örvar sem er bjartsýnn
á sigur í leiknum. „Það er um að
gera að njóta dagsins en það eru
ekki allir sem hafa færi á að spila
svona leik. Að fara í svona leik er
draumur hvers leikmanns og þjálf-
ara. Ég er gríðarlega spenntur og
hlakkar mikið til.“
Um andstæðing sinn hefur Örvar
ekkert nema gott að segja. „Sverrir
er toppmaður og það verður gaman
að glíma við hann. Við erum góð-
ir vinir og lékum saman hérna í
gamla daga. Hann er að gera góða
hluti í Grindavík og var ekki val-
inn þjálfari ársins að ástæðulausu
í fyrra.“ Sverrir ber félaga sínum
einnig góða söguna. Hann telur að
Örvar hafi snúið við gengi ÍR-inga
eftir áramót. „Þeir eru verðugir
andstæðingar og við þurfum að
hitta á góðan leik til þess að vinna
þá.“ Nú er bara spurning hvort
vinanna fagnar sigri á laugardag
klukkan 16:00 en leikurinn fer fram
í beinni útsendingu á Rúv.
-íþróttir pósturu eythor@vf.is
STÖRF HJÁ
IGS 2014
Við bjóðum fjölbreytileg og skemmtileg störf í spennandi
umhverfi flugheimsins. IGS leitar að öflugum einstakling-
um í fjölbreytileg og skemmtileg störf hjá fyrirtækinu.
Um er að ræða störf í hleðslueftirlit, cateringu og hlaðdeild.
Mikil áhersla er lögð á þjónustulund, hæfni í mannlegum sam-
skiptum, reglusemi, stundvísi, sveigjanleika og árvekni. Unnið
er á vöktum. Umsækjendur þurfa í sumum tilfellum að vera
tilbúnir til þess að sækja undirbúningsnámskeið og standast
próf, áður en til ráðningar kemur.
Ráðningartími er breytilegur allt frá mars til nóvember 2014
og jafnvel lengur.
Nánari upplýsingar um aldurstakmark og hæfniskröfur:
Hleðslueftirlit:
Lágmarksaldur 20 ár, stúdentspróf æskilegt,
góð tungumálakunnátta og tölvukunnátta. Umsækjendur
þurfa að vera tilbúnir til þess að sækja undirbúningsnámskeið.
Catering
Starfið felst m.a. í útkeyrslu og annarri tengdri þjónustu
sem fer um borð í flugvélar.
Aldurstakmark er 20 ára. Almenn ökuréttindi nauðsynleg,
vinnuvélaréttindi æskileg og enskukunátta.
Hlaðdeild:
Lágmarksaldur 19 ár. Almenn ökuréttindi nauðsynleg.
Vinnuvélaréttindi æskileg og enskukunnátta.
Umsóknum er skilað inn rafrænt
á heimasíðu IGS sjá www.igs.is
GRINDVÍKINGAR
HUNGRAÐIR Í BIKARTITIL
- Hafa tapað síðustu þremur leikjum í Höllinni
Bikarmolar
Grindavík og ÍR eru bæði
að fara í 8. úrslitaleiki sína
í keppninni í ár. Grindavík
hefur unnið fjóra titla og ÍR
tvo. Grindvíkingar hafa tapað
síðustu þremur bikarúrslital-
eikjum sínum í karlaflokki.
Grindvíkingar urðu síðast bikar-
meistarar árið 2006 eftir sigur gegn
Keflavík 93-78.
Liðið vann svo árin: 2000, 1998, 1995
Þjálfarar sem hafa unnið bikarinn
með Grindavík
1995: Friðrik Ingi Rúnarsson,
Grindavík
1998: Benedikt Guðmundsson,
Grindavík
2000: Einar Einarsson, Grindavík
2006: Friðrik Ingi Rúnarsson,
Grindavík
Þrjú lið hafa unnið bikarkeppnina
oftar en Grindvíkingar í karlaflokki.
Þau eru KR (10), Njarðvík (8) og
Keflavík (6).
Grindvíkingar hafa sjö sinnum leikið
til úrslita en þeir eru í Laugardalshöll
í fjórða sinn á síðustu fimm árum.
Suðurnesjalið hafa verið í úrslitum
frá árinu 2010, þar af Grindvíkingar
fjórum sinnum.
2010: Snæfell 92-81Grindavík
2011: KR 94-72 Grindavík
2012: Keflavík 97-95Tindastóll
2013: Grindavík 79-91 Stjarnan
2014: Grindavík - ÍR ?-?
MG10 kveikti í net-
inu í TM-höllinni
-Skoraði 60 stig úr 20 þriggja stiga körfum
Flestir körfuboltaáhugamenn ættu að kannast við Wilt Chamberlain
og fræga mynd sem tekin var af kappanum eftir að hann skoraði
100 stig í leik eitt sinn. Magnús sló á létta strengi og sendi VF þessa
skemmtilegu mynd þar sem hann fetar í fótspor goðsagnarinnar.
Það er óhætt að segja að Keflvík-ingurinn Magnús Gunnarsson
sé ein besta skytta sem Ísland hefur
alið af sér í körfuboltanum. Magnús
sýndi það og sannaði þegar hann
lék með B-liði Keflvíkinga á dög-
unum en hann gerði sér lítið fyrir
og skoraði 60 stig í leiknum, öll úr
þriggja stiga skotum. Það gera 20
þriggja stiga körfur en til þess þurfti
hann 35 tilraunir. Það gerir 57%
nýtingu sem er ótrúlega gott. „Þetta
er nú ekkert svona svakalegt,“ sagði
Magnús hógvær þegar blaðamaður
VF heyrði í honum hljóðið. „Þetta
voru strákar úr sveitinni, sem gátu
reyndar alveg spilað góðan körfu-
bolta, en já það duttu nokkrir þristar
niður í þessum leik,“ sagði fyrirliði
Keflavíkur í Domino’s deildinni.
Þessi nánast ómannlega frammi-
staða Magnúsar kom í 113-59 sigri
gegn B-liði Skallagríms en Magnús
er óðum að ná sér af meiðslum og
reynir því að ná sér í spilatíma með
B-liðinu. Hann segist best eiga 11 eða
12 þriggja stiga körfur í leik áður og
því ljóst að hann hefur sjaldan verið
heitari. „Það má segja að þetta hafi
verið góður dagur,“ segir þriggja-
stigakóngurinn nýkrýndi en hann
sigraði skotkeppnina í Stjörnuleik
KKÍ annað árið í röð á dögunum.
Magnús skoraði bara úr þriggja stiga
skotum eins og áður segir en hann
fékk eitt vítaskot í leiknum, það tók
hann með vinstri hendi og fór það
forgörðum. Spurning um hvort hafi
klikkað viljandi á því skoti.