Víkurfréttir - 17.07.2014, Blaðsíða 14

fimmtudagurinn 17. júlí 2014 • VÍKURFRÉTTIR14
Keflvíkingar komu,
sáu og sigruðu á Spáni
XXKeflvíkingar komu sáu og sigr-
uðu á körfuboltamóti á Lloret De
Mar á Spáni í 10. og 11. flokki
karla. Keflavík átti ekki í erfið-
leikum með sína leiki og voru
félagi sínu til sóma. Strákarnir
spiluðu þrjá leiki í riðlakeppn-
inni og unnu þá með allt frá tólf
til 60 stigum. Lið frá Tyrklandi,
Spáni, Ítalíu og Íslandi léku á
mótinu.
Undanúrslitaleikurinn var leikur
við íslenska liðið Ármann, en hann
unnu Keflvíkingarnir örugglega
og tryggðu sér því sæti í úrslita-
leiknum.
Þeir öttu kappi við tyrkneskt lið
í úrslitum og höfðu þar öruggan
25 stiga sigur. Á milli leikja voru
strákarnir að sóla sig á sund-
laugarbakkanum eða á ströndinni.
Þeir fóru einnig í vatnsleikjagarð
og heimsóttu stærsta leikvang í
Evrópu, sjálfan Nou Camp sem
er heimavöllur knattspyrnuliðsins
Barcelona. Þess má geta að Njarð-
víkingar léku í sama móti í fyrra og
enduðu í 3. sæti.
-íþróttir pósturX eythor@vf.is
Keflvíkingurinn Arnór Ingvi Traustason stimplaði sig inn í sænska boltann með því að skora sitt fyrsta mark um helgina. Arnór sem
leikur með Norrköping skoraði eftir aðeins 11 sekúndur þegar lið hans tók
á móti Djurgarden í sænsku úrvalsdeildinni, en leiknum lauk með 3-5 sigri
Djurgarden. Arnór gerði sér lítið fyrir og lagði líka upp mark og var valinn
maður leiksins í sínum fyrsta byrjunarliðsleik á heimavelli. Arnór hefur
ekki leikið mikið með liðinu en hann hefur verið að glíma við meiðsli.
Arnór lék fyrstu 78 mínúturnar í leiknum en lið hans er nú í 8. sæti með
16 stig eftir 14 leiki. Arnór undirbjó sig afar vel fyrir leikinn og ekki sakaði
fyrir hann að fá þessa óskabyrjun. „Það var fínt að fá svona vítamínsprautu
í upphafi leiks en ég fann mig vel eftir það,“ segir Arnór hógvær.
Arnór er vongóður um það að
finna fyrra form en hann segir
það hafa tekið nokkuð á að sitja á
hliðarlínunni meiddur. „Það tekur
mikið á andlegu hliðina að vera
svona meiddur. Ég er með kærust-
una með mér og hún er dugleg að
stappa í mig stálinu,“ segir Arnór
en hann hefur lagt gríðarlega hart
að sér og setur mikla pressu á
sjálfan sig. Arnór segist finna sig
vel í Svíþjóð og deildin þar er að
hans mati jöfn og spennandi. „Hér
er flott umgjörð í kringum alla leiki
og ég get alls ekki kvartað,“ segir
miðjumaðurinn sem óðum er að
venjast atvinnumannalífinu.
Samúel Þór yngri bróðir Arnórs
kom í heimsókn til Norköpping
ásamt fjölskyldunni á dögunum.
Hann er efnilegur knattspyrnu-
maður og Arnór kom því í kring að
Samúel fékk að æfa með unglinga-
liði liðsins. „Honum gekk mjög vel,
þannig að þeir vita af honum í nán-
ustu framtíð,“ segir Arnór léttur í
bragði.
X■ Arnór skoraði eftir 11 sekúndur
Fyrsta markið í sænska boltanum
Sigurbergur Bjarnason er ungur og efnilegur knatt-
spyrnumaður uppalinn í Njarð-
vík en hefur verið að spila með
Keflavík síðustu ár. Hann er að
fara til Kína í ágúst með U-15
landsliðinu til þess að spila á Ól-
ympíuleikum æskunnar. „Það
leggst bara mjög vel í mig að fara
til Kína, ég er virkilega spenntur
fyrir þessu landsliðsverkefni og
það er mjög mikill heiður að vera
valinn í þetta lið,“ sagði Sigur-
bergur. Landsliðið vann Arm-
eníu og svo Moldóvíu til þess að
komast á Ólympíuleikana. „Ég
hef einu sinni áður farið með
landsliðinu út og það var til Sviss
í fyrra, þá unnum við okkur þátt-
tökurétt til þess að fara til Kína á
Ólympíuleikana.“
Hilmar Mcshane er nýr liðsfélagi
Sigurbergs í Keflavík en hann fer
einnig til Kína með íslenska liðinu.
„Við Hilmar erum tveir úr Kefla-
vík sem fara, hann er nýkominn
í Keflavík og hann hefur verið
gríðarlega mikill liðsstyrkur fyrir
okkur.“
Ólympíuleikarnir fara fram í
borginni Nanjing og keppendur
dvelja í ólympíuþorpi í borginni.
„Við förum út 11. ágúst og verðum
í ólympíuþorpi þar sem allir sem
munu keppa á leikunum munu
gista. Þetta er í annað sinn sem Ól-
ympíuleikar æskunnar eru haldnir,
en ég er ekki alveg klár á leikskipu-
laginu.“
Keflvíkingurinn Freyr Sverrisson
er þjálfari liðsins en hann hefur
16 ára reynslu sem þjálfari knatt-
spyrnuskóla KSÍ og á tæplega 200
leiki með yngri landsliðum. „Það er
frábært að hafa Frey, hann er algjör
snillingur, hann hefur farið í mörg
landsliðsverkefni og maður getur
treyst vel á hann.“
En hvað gera leikmenn liðsins á
milli leikja? „Þá erum við bara uppi
í herbergi að hlusta á góða tónlist
og svo heldur Freyr stundum fyrir-
lestra. Svo er líka bara mjög góð
stemming hjá liðinu, það eru allir
félagar og ekkert vesen. Freyr er
líka mikill skemmtikraftur, hann
kann það alveg.“
Faðir Sigurbergs, Bjarni Jóhanns-
son er landsþekktur og reynslu-
mikill þjálfari en hann hefur þjálfað
lið á borð við Breiðablik, ÍBV, Fylki,
Stjörnuna og er að þjálfa KA í dag.
„Pabbi er búinn að vera að hjálpa
mér virkilega mikið, hann er búinn
að vera að kenna mér leikskilning-
inn í þessum stöðum sem ég er að
fara spila í á vellinum. Ég hef fengið
mikinn stuðning frá fjölskyldunni,
mamma er einnig mjög dugleg að
fara með mig á æfingar.“
Sigurbergur er Íslandsmeistari með
4. flokki en nú er hann á yngra ári
í 3. flokki. „Það hefur ekki gengið
alveg nógu vel hjá okkur í sumar,
við erum í næstneðsta sæti með 3
stig, þetta er búið að vera erfitt hjá
okkur. Hin liðin eru líka mjög sterk
en við þurfum bara að fara að rífa
okkur í gang.“ sagði Sigurbergur.
X■ Mikill heiður að fá að spila fyrir landsliðið
Hef fengið mikinn stuðning frá fjölskyldunni
www.vf.is
83% LESTUR
+