Víkurfréttir - 30.10.2014, Blaðsíða 13

13VÍKURFRÉTTIR • fimmtudagurinn 30. október 2014
„Fyrir tveimur árum hefði okkur
ekki órað fyrir þessum vexti og
áhuga easyJet á Íslandi. Það sem
skiptir hvað mestu máli er að
flugfélagið er að fljúga til Kefla-
víkur allan ársins hring en ekki
bara á háannatímanum á sumrin.
Þetta skiptir okkur gríðarmiklu
máli,“ sagði Björn Óli Hauksson,
forstjóri Keflavíkurflugvallar,
eftir opnun tveggja nýrra flug-
leiða easyJet í vikunni, Genf í
Sviss og Gatwick í London.
EasyJet er nú næst umsvifamesta
flugfélagið á Íslandi en það er
stærsta flugfélag Bretlands og
fjórða stærsta í Evrópu. Áttunda
leiðin verður opnuð í desember
nk. en þá bætist Belfast á N-Ír-
landi við hjá félaginu.
Flugvél easyJet frá Genf lenti með
154 farþega innanborðs og var með
86% sætanýtingu og frá Gatwick í
London voru 178 farþegar og sæt-
anýtingin þar var 99%. Flugstjóri
í síðarnefnda jómfrúarfluginu var
Íslendingurinn Davíð Ásgeirs-
son og var hann viðstaddur stutta
móttökuathöfn ásamt m.a. breska
sendiherranum hér á landi, Stuart
Gill, og Ragnheiði Elínu Árna-
dóttur ráðherra ferðamála en þau
klipptu á borða við brottfararhliðið
áður en fyrstu farþegarnir stigu um
borð.
Davíð er sonur Ásgeirs Eiríkssonar,
bæjarstjóra í Vogum á Vatnsleysu-
strönd. Hann hefur starfað hjá ea-
syJet í átta ár og er meðal fimm
þúsund starfsmanna þess. Hann
er mjög ánægður með hinn mikla
áhuga félagsins á Íslandi. „Þetta er
bara frábært. Bretar elska Ísland og
það er gaman að vera þátttakandi í
þessu. Ég var flugstjóri í fyrstu ferð
félagsins til Íslands árið 2012 og
nú eru flugleiðirnar orðnar sjö og
verða átta í desember,“ sagði flug-
stjórinn en með honum í áhöfn í
þessari fyrstu ferð til Gatwick voru
tveir íslenskir starfsmenn.

Þegar áttunda flugleiðin bætist við
í desember nk. mun flugfélagið
bjóða upp á alls 26 flugferðir til og
frá Íslandi í viku hverri og er búist
við að heildarfjöldi farþega á einu
ári verði í kringum 200 þúsund.
Ferðamönnum á Íslandi hefur
fjölgað um rúm 40% undanfarin
tvö ár og aukið framboð á hag-
stæðu flugi til landsins hefur átt
mikinn þátt í þeirri fjölgun. EasyJet
hyggst flytja um 75 þúsund farþega
á nýju flugleiðunum tveimur til
Gatwick og Genf á næstu 12 mán-
uðum.
Ragnheiður Elín Árnadóttir, ráð-
herra ferðamála, sagðist fagna þess-
ari aukningu hjá easyJet en hún
hefði mikil áhrif fyrir atvinnulífið
á Suðurnesjum og ferðaþjónustuna
almennt.
Í tilkynningu frá easyJet kemur
fram að lægsta fargjald í boði til
London sé 6.254 kr. og lægsta gjald
til Genfar sé 9.346 kr.
X■ EasyJet flugfélagið eykur umsvifin á
Keflavíkurflugvelli:
Átta flugleiðir
í boði allt árið
-fréttir pósturX vf@vf.is
Guðný María Jóhannsdóttir frá Isavia með áhöfn easyJet.
Frá vinstri: Stuart Gill, sendiherra Breta, Ragnheiður Elín Árnadóttir, ráð-
herra ferðamála, Davíð Ásgeirsson, flugstjóri hjá easyJet, Ali Gayward,
framkvæmdastjóri hjá easyJet og Björn Óli Hauksson, forstjóri Isavia.
VF-mynd/pket.
20%
afsláttur
af öllum vörum
Haustdagar 30. október - 3. nóvember
- 20%
af heilsuréttum
17- 21 oktER Á THAI KEFLAVÍK
Heilsuréttir thai eru hollir réttir sem eru kryddaðir með
ferskum chilli, engifer og hvítlauk.
Stútfullir af orku og ekkert salt og enginn sykur.
Gerum líka ferskt sushi alla daga.
Hafnargata 39 - 230 Reykjanesbær - sími: 421-8666 - www.thaikeflavik.is
20
af heilsuréttum
30. ok. - 3. nóv
Hafnargata 29 - s. 421 8585
20%
AFSLÁTTUR
AF ÖLLUM SKÓ
M
Á HAUSTDÖGU
M