Víkurfréttir - 03.12.2015, Side 24

24 fimmtudagur 3. desember 2015 • VÍKURFRÉTTIR
Rithöfundurinn Jón Kalman Stefánsson sendi á dög­
unum frá sér bókina Eitthvað á
stærð við alheiminn. Hann las
upp úr bókinni á Bókakonfekti
Bókasafns Reykjanesbæjar á
dögunum. Sögusvið bókarinnar
teygir sig frá Norðfirði forðum
daga til Keflavíkur nútímans,
með viðkomu á Miðnesheiði. Jón
flutti til Keflavíkur 12 ára gamall,
árið 1975, og bjó í bænum í tíu
ár. Í nýju bókinni lýkur ættar­
sögu sem hófst í bókinni Fisk­
arnir hafa enga fætur og kom út
árið 2013. Jón kveðst alltaf hafa
vitað að einhvern daginn myndi
hann skrifa um Keflavík. „Það var
sérstakt andrúmsloft í Keflavík,
vegna hersins og líka vegna stað­
setningarinnar og umhverfisins.
Hér er lítið um fjöll í nánd en þó
mjög falleg fjallasýn og mikið af
hrauni. Hvergi á landinu er eins
mikill vindur og hér, jafnvel ekki í
Vestmannaeyjum. Ég sem rithöf­
undur vissi að ég myndi þurfa að
lýsa þessu,“ segir hann.
Jón var nýlega tilefndur til íslensku
bókmenntaverðlaunanna í flokki
fagurbókmennta fyrir nýjustu
bókina en hefur líka sankað að sér
verðlaunum fyrir Fiskar hafa enga
fætur, m.a. nýlega í Frakklandi.
Skáldsaga á að
snerta við fólki
Fiskar hafa enga fætur gerðist einn-
ig í Keflavík og heyrðust þær raddir
að í henni hafði verið fjallað um
bæinn í neikvæðu ljósi enda Kefla-
vík nefnd sem svartur staður. Um
þá gagnrýni segir Jón mikilvægt að
hafa í huga að um skáldsögu sé að
ræða og að Keflavík hafi ekki verið
lýst sagnfræðilega. „Hver upplifir
sinn stað á sinn hátt. Aðalatriðið
við skáldsögu er að hún virki og að
sagan haldi innan eigin lögmála,
að í henni sé eitthvað sem snertir
við fólki og vonandi stækkar veröld
þeirra. Ef fólk er sárt vegna þess
hvernig talað er um bæinn, þá er
það skiljanlegt en það er óþarfi því
þá er fólk að rífast við bók.“
Í nýju bókinni eru nákvæmar lýs-
ingar á staðháttum í Keflavík en Jón
segir að hann hafi þó frekar slæmt
minni sem komi til góða þegar
hann skrifi skáldskap sem að hluta
til er um eitthvað sem hann þekkir.
Hann notar stundum götuheiti sem
eru til en býr einnig til nýjar götur.
Meðan á skrifunum stóð kom hann
til Keflavíkur í gönguferðir til að
taka inn nýja strauma. Hann segir
gaman að koma til Suðurnesja og
standa uppi á heiði. Hér sé eitthvað
sem er ekki annars staðar og að það
sé dýrmætt.
Herinn skapaði Keflavík
Jón segir herinn að vissu leiti hafa
skapað Keflavík því þegar hann
kom hafi fólk tekið að streyma
þangað hvaðanæva að af landinu.
„Keflavík verður til og er sá bær
sem hann er vegna hersins. Það er
til urmull af sögum um samskipti
við herinn. Sumt í bókum en annað
ekki. Við höfum aldrei rýnt í djúpið
um áhrif hersins sem sum hver eru
mjög greinileg. Sem dæmi um það
er Bítlabærinn og Hljómar. Það
var engin tilviljun að þeir komu úr
Keflavík.“ Jón segir Hljóma dæmi
um hin mjög svo jákvæðu áhrif
hersins, það er tónlistin sem hljóm-
aði úr Kanaútvarpinu. Hann segir
Keflavík að vissu leiti vera Banda-
ríki Íslands. Til Bandaríkjanna
flutti fólk frá ýmsum löndum Evr-
ópu en til Keflavíkur fólk alls staðar
að á Íslandi því svo mikla vinnu var
að fá. „Ef þjóðinni er hrært mjög
hratt saman er útkoman Keflavík.“
Bækur Jóns hafa notið vinsælda
utan landssteinanna og mun vera
eitthvað um það að ferðamenn
komi til Keflavíkur til að sjá sögu-
sviðið með eigin augum. Jón segir
það hafa verið svipað með þríleik-
inn sem hann skrifaði um Vest-
firði, bækurnar Himnaríki og hel-
víti, Harmur englanna og Hjarta
mannsins. Eftir útgáfu þeirra hafi
mikið verið spurt um staðhætti á
Vestfjörðum. „Ég segi oft að Kefla-
vík sé fallega ljótur bær. Þetta er
skáldskapur og ég breyti ýmsu en
dreg engan dul á það að Keflavík
er mjög sérstakur staður. Það þarf
ekki að vera neikvætt, heldur frekar
jákvætt.“ Jón segir ef til vill aldr-
ei hafa verið eins mikla eftirspurn
eftir sérstökum stöðum og núna
þegar heimurinn er orðinn einsleit-
ari. Þá verði það sérstaka eftirsótt.
Keflavík
Jón Kalmann bjó í Keflavík frá 12 ára aldri. Bærinn kemur við sögu í nýju bókinni hans, Eitt-
hvað á stærð við alheiminn en gerði það líka í bók hans Fiskar hafa enga fætur, sem hann gaf
út í fyrra. Nýja bókin er framhald af hinni. Hann segir Keflavík sérstakan stað sem hann hafi
lengi vitað að hann yrði að skrifa um.
-viðtal pósturu vf@vf.is
Jólamarkaður í
Víkingaheimum
Næstkomandi laugardag verður jólamarkaður fyrir gesti og
gangandi í Víkingaheimum milli kl. 10:00 og 16:00.
Safnið er opið kl. 7:00-18:00.
Enginn aðgangseyrir verður þennan dag. Hægt verður að versla ýmsa fallega
og skemmtilega muni og njóta góðs félagsskapar.
Heyrst hefur að okkar yndislegi Skyrgámur kíki við.
Sjáumst á laugardaginn, Starfsfólk Víkingaheima
Víkingabraut 1, Reykjanesbæ
Það var húsfyllir á bókakon­fekti Bókasafns Reykja­
nesbæjar sl. fimmtudag en þá
kynntu þrír rithöfundar sem
tengjast Suðurnesjum bækur
sínar.
Árelía Eydís Guðmundsdóttir,
þekkt fræðimanneskja og kennari
er að gefa út sína fyrstu skáldsögu
sem ber heitir „Tapað-fundið“,
Ásmundur Friðriksson, þing-
maður skrifar um prakkastrik
Eyjamanna í bókinni „Hrekkja-
lómafélagið, prakkarastrik og
púðurkerlingar“ og þá heldur Jón
Kalmann áfram með pennann
og gefur nú út bókina „Eitthvað
á stærð við alheiminn“ en hún er
framhald verðlaunabókarinnar
„Fiskarnir hafa enga fætur“ sem
hann gaf út í fyrra.
Höfundarnir lásu upp úr bók-
unum og ræddu við gesti um
þær. Árelía er fædd og uppalin
í Keflavík og heldur góðri teng-
ingu við heimabæinn þó hún búi
og starfi á höfuðborgarsvæðinu.
Ásmundur Friðriksson kom til
Keflavíkur fyrir all nokkrum
árum síðan frá Eyjum en hann
býr í Garðinum. Jón Kalmann bjó
í rúman áratug í bítlabænum á
unglingsárum og Keflavík kemur
mikið við sögu í þessum tveimur
bókum. Ekki voru allir sáttir við
hvernig gamli bærinn hans kom
út í bókinni í fyrra en Keflavík er
þar kölluð sem svartasti staður
landsins.
Húsfyllir á bókakonfekti
Rithöfundarnir drógu að fólk á bókakonfektið. Tónlistarfólk úr Tónlistarskóla
Reykjanesbæjar lék nokkur lög fyrir lesturinn. VF-mynd/pket.
„Óþarfi að rífast við bók,“ segir rithöfundurinn Jón Kalmann
Jón Kalmann las úr
bók sinni á bóka-
konfekti Bókasafns
Reykjaensbæjar.
er sambland af þjóðinni