Víkurfréttir - 07.07.2016, Blaðsíða 1

Eimskip | Korngörðum 2 | 104 Reykjavík | Sími 525 7000 | www.ebox.is
auðveldar smásendingar
eBOX flytur minni sendingar frá
Evrópu til Íslands. Sendingin þín
kemur heim með fyrstu ferð.
Auðvelt og fljótlegt.
Í STÓRUM SKIPUM RÚMAST LÍKA
SMÆRRI SENDINGAR
einföld reiknivél
á ebox.is
F
ÍT
O
N
/
S
ÍA
S T Æ R S T A F R É T T A - O G A U G L Ý S I N G A B L A Ð I Ð Á S U Ð U R N E S J U M
• fimmtudagurinn 7. júlí 2016 • 27. tölublað • 37. árgangur
Heildarvelta fast-
eignaviðskipta 770
milljónir á viku
n Á Suðurnesjum var
19 kaupsamningum
þinglýst vikuna 17. til
23. júní. Þar af voru
fimm samningar um
eignir í fjölbýli, níu um
eignir í sérbýli og fimm samningar
um annars konar eignir. Heildar-
velta fasteignaviðskipta á Suðurnesj-
um þessa viku var 770 milljónir og
meðalupphæð á samning 40,6 millj-
ónir. Það er óvenju mikið því meðal-
tal síðastliðinna vikna á Suðurnesj-
um var 31,1 milljón. Til samanburð-
ar var meðalupphæð á samning á
höfuðborgarsvæðinu í síðustu viku
40,8 milljónir.
Þegar búið að
fjárfesta í
lest fyrir 200
milljónir
l Áætlaður kostnaður
við lest frá Keflavíkur-
flugvelli 100 milljarðar
Eignarhaldsfélagið Fluglestin -
þróunarfélag var formlega stofnað
í byrjun júní um hraðlest á milli
Keflavíkurflugvallar og höfuð-
borgarsvæðisins. Frá þessu er greint
í Fréttatímanum. Áætlað er að
kostnaður við verkefnið verði um
100 milljarðar. Þegar er búið að fjár-
festa í því fyrir 200 milljónir.
Danska verkfræðifyrirtækið Per
Aarsleff er stærsti hluthafinn með 23
prósent hlutafjár. Kadeco, þróunarfé-
lag Keflavíkurflugvallar á 20 prósenta
hlut, Reykjavíkurborg 2,7 prósent og
Samband sveitarfélaga á Suðurnesjum
1,5 prósent. Áætlað er að lestarsam-
göngur á milli Keflavíkurflugvallar og
höfuðborgarsvæðisins hefjist innan
átta ára.
n „Ég er enn að ná áttum, eftir frábærar mótttökur hér heima, á
Keflavíkurflugvelli, á Reykjanesbrautinni og á Arnarhóli. Þetta var alveg
stórkostlegt og gaman að hafa verið þátttakandi í þessu ævintýri,“ segir
Arnór Ingvi Traustason, landsliðsmaður í knattspyrnu en hann kom með
íslenska landsliðshópnum til Íslands í vikunni.
Víkurfréttir hittu Arnór og ræddu við hann um EM, ný skref í fótboltanum
og fleira. Viðtalið er á bls. 14-15 en kappinn er einnig í sjónvarpsþætti vik-
unnar hjá VF. Þátturinn er frumsýndur á ÍNN kl. 21.30 í kvöld, fimmtudag
og á Kapalrás Reykjanesbæjar en einnig á vf.is í háskerpu.
- segir Arnór Ingvi Traustason, landsliðsmaður í knattspyrnu.
Nýtt knattspyrnu ævintýri að hefjast í Austurríki hjá „Sam-
einingartákni“ Reykjanesbæjar.
Gaman að vera þátttak-
andi í þessu ævintýri
Það verða stórstjörnur íslenskrar kántrýtónlistar sem
stíga á svið í Andrews þegar Blik í auga verður flutt í
sjötta sinn á Ljósanótt. Söngvarnir Björgvin Halldórs-
son, Stefanía Svavarsdóttir, Jóhanna Guðrún og Eyjólf-
ur Kristjánsson fara fyrir stórhljómsveit undir stjórn
Arnórs Vilbergssonar. Þar er valin maður í hverju rúmi
og ljóst að vel verður tekið á því þegar helstu smellir
kántrýsins verða fluttir gamlir og nýir í bland við góðar
sögur og skemmtilegheit.
,,Við hlökkum svakalega til og erum handvissir um að
bjóða upp á skothelda skemmtun með pínulítið öðru sniði
en við höfum verið að gera,“ segir Kristján Jóhannsson,
sögumaður og einn aðstandenda sýningarinnar. ,,Við fé-
lagarnir‚ ég, Arnór og Bubbi erum búnir að liggja sveittir
yfir lagalistanum og grisja út 25 lög. Þetta voru ekki nema
um 1000 lög sem þurfti að hlusta á til að finna hinn eina
sanna tón,“ segir hann.
Kristján segir gaman að fara aðeins út fyrir þægindara-
mmann og prófa eitthvað nýtt. „Við erum vissir um að þessi
tegund tónlistar höfðar vel til gesta okkar sem sumir hafa
komið ár eftir ár. Ég vona að við bregðumst ekki aðdáend-
um Blikins þetta árið,“ segir Kristján að lokum.
Með „sveita“ blik í auga á Ljósanótt
ÞAKKLÁTUR EFTIR EINSTAKT
björgunarafrek
Það var hjartnæm stund þegar félagar úr Björgunarsveitinni Þorbirni í Grinda-
vík hittu bandaríska siglingakappann Chris Duff í mötuneyti Stakkavíkur á
mánudag og þakkaði þeim fyrir að bjarga lífi sínu. Chris er þaulreyndur sigl-
ingakappi og lagði af stað á litlum árabát með seglum miðvikudaginn 29. júní.
Ferðinni var heitið frá Grindavík til austurstrandar Grænlands og áætlaði Chris
að ferðin myndi taka um tíu daga. - Nánar er fjallað um björgunina og rætt við
Chris Duff í miðopnu Víkurfrétta í dag.
Þessar hnátur brostu til
ljósmyndara Víkurfrétta í
skrúðgarðinum í Keflavík í
vikunni. Þar nutu þær veður-
blíðunnar í hreystitækjum sem
þar er að finna. Áfram verður
hægt að njóta sumarblíðu
næstu daga ef eitthvað er að
marka veðurspár. Mynd: pket