Fréttatíminn - 01.04.2017, Síða 6

6 | FRÉTTATÍMINN | LAUGARDAGUR 1. APRÍL 2017
mánudaginn 3. apríl, kl. 18
og þriðjudaginn 4. apríl, kl. 18
Listmunauppboð
í Gallerí Fold
Rau›arárstígur 14 · sími 551 0400 · www.myndlist.is
Hægt er að skoða uppboðsskrána á myndlist.is
laugardag kl. 11–17, sunnudag kl. 12–17,
mánudag kl. 10–17, þriðjudag kl. 10–17
G
un
nl
au
gu
r B
lö
nd
al
Karólína Lárusdóttir
Menningarnótt
í Gallerí Fold Uppboð í yfir 20 ár
Forsýning á verkunum laugardag til þriðjudags
Dómsmál Innanríkisráðherra
braut jafnréttislög við ráðningu í
þrjár stöður aðstoðaryfirlögreglu-
þjóna árið 2014. Þetta var staðfest
í vikunni þegar Gná Guðjónsdótt-
ir vann sigur gegn ríkinu.
Halla Harðardóttir
halla@frettatiminn.is
„Þessi dómur er sigur fyrir lög-
reglukonur og viðurkenning á því
að það hefur verið gengið framhjá
þeim, segir Gná Guðjónsdóttir, fyrr-
verandi lögreglufulltrúi, sem fékk
síðastliðinn miðvikudag dæmdar
miskabætur í héraðsdómi en hún
stefndi ríkinu fyrir að brjóta jafn-
réttislög þegar gengið var fram hjá
henni við ráðningu í stöður að-
stoðaryfirlögregluþjóna árið 2014.
Fékk engin viðbrögð
Í febrúar 2014 auglýsti innanrík-
isráðuneytið lausar til umsóknar
þrjár stöður aðstoðaryfirlögreglu-
þjóna við embætti lögreglustjórans
á höfuðborgarsvæðinu. Gná sótti
um en fékk ekki stöðuveitingu.
Þrír karlar fengu stöðurnar þrátt
fyrir að konur hefðu sérstaklega
verið hvattar til að sækja um. Gná
ákvað að kæra stöðuveitingarnar til
kærunefndar jafnréttismála í janú-
ar 2015 og komst kærunefndin að
þeirri niðurstöðu síðar það sama ár
að innanríkisráðherra hefði brotið
gegn Gná. Gná óskaði í kjölfarið eft-
ir viðbrögðum innanríkisráðherra
við úrskurðinum og viðræðum um
skaðabætur sem ekki var fallist á.
Hún sendi á ný bréf til innanríkis-
ráðherra í desember 2015, þar sem
krafa um viðbrögð við úrskurði var
ítrekuð en kröfunni um skaðabæt-
ur var hafnað á ný. Í kjölfarið ákvað
Gná að stefna ríkinu.
Sáu ekki konu fyrir sér stjórna
„Eins og kemur fram í dómnum þá
uppfyllti ég öll skilyrði og var jafn-
hæf þeim sem voru skipaðir. Það
var gert lítið úr minni menntun og
stjórnarreynslu við ráðninguna,“
segir Gná sem hafði ekki einungis
reynslu úr lögreglunni þegar hún
sótti um heldur hafði einnig stjórn-
að fyrirtæki í níu ár áður en hún
hóf þar störf. Hún var í lögreglunni
í fimmtán ár og tvö af þeim árum
var hún stjórnandi í friðargæslu-
verkefni í Líberíu og tók meðal
annars þátt í að byggja upp 4.500
manna lögreglulið. Eftir að hún
kom heim frá Líberíu starfaði hún í
eitt ár innan lögreglunnar hérlend-
is áður en hún sagði upp í byrjun
árs 2012. Síðar á því ári hóf hún
störf sem aðstoðarrekstrarstjóri
á flugvellinum í Kabúl. Þegar Gná
sótti um stöðu aðstoðaryfirlög-
„Ég held að þeir
hafi bara ekki
getað séð það
fyrir sér að kona
gæti stjórn-
að,“ segir Gná
Guðjónsdóttir
sem fékk það
staðfest með
dómi í vikunni
að innanríkis-
ráðherra hafi
brotið á henni
þegar ráðið var í
stöður aðstoðar-
yfirlögreglu-
þjóna árið 2014.
Mynd | Heiða
Dómurinn er sigur fyrir lögreglukonur
regluþjóns hafði engin kona fengið
yfirmannsstöðu innan lögreglunn-
ar á höfuðborgarsvæðinu fram að
þeim tíma og telur Gná það vera
ástæðu þess að gengið var fram hjá
henni.
„Ég held að þeir hafi bara ekki
getað séð það fyrir sér að kona gæti
stjórnað. Þetta er ástæðan fyrir
því að það er erfitt fyrir konur að
komast að, því þeir sem ráða máta
umsækjendur við sinn eigin skiln-
ing. Og þess vegna þarf að taka
ákvörðun um að breyta þessu,“
segir Gná sem er mjög ánægð með
úrskurðinn.
Menning sem kerfið ber ábyrgð á
„Það þurfti að fá það staðfest af
dómara að þessi vinnubrögð eru
ekki í lagi. Ein fyrsta lögreglukon-
an okkar, Dóra Hlín Ingólfsdótt-
ir heitin, reyndi mikið að komast
áfram innan lögreglunnar en komst
aldrei áfram. Hún var ein fyrsta
konan sem ég sagði frá að ég ætl-
aði að kæra og hún var mjög glöð
því á þeim tíma hafði engin kona
farið þessa leið. Ef konur fá aldrei
tækifæri til að reyna sig þá fá þær
aldrei þessa reynslu sem strákarn-
ir fá. Á sama tíma er verið að hvetja
konur til að sækja um svo þetta er
algjör þversögn. Þetta snýst ekki
um að benda á menn og dæma því
þetta er menning sem stjórnkerfið
ber ábyrgð á. Ég trúi því að þetta sé
skref í rétta átt og það sé vilji til að
breyta þessari menningu.“
Dýrt að halda í störfin
Það hefur lengi legið fyrir að ráðast þyrfti í hafnarframkvæmdir á Akranesi, segir
verkalýðsforinginn á staðnum.
Byggðamál Greiða hefði mátt 93
starfsmönnum HB Granda á Akra-
nesi, 20 milljónir hverjum, fyrir
það framlag sem bærinn þarf
að leggja í hafnarframkvæmdir
til að koma til móts við óskir
HB Granda sem annars ætlar að
hætta fiskvinnslu í bænum.
„Ég held að það sé ekki hægt að
setja dæmi þannig upp. Það hefur
lengi legið fyrir að það þurfi að ráð-
ast í hafnarframkvæmdir og þegar
Faxaflóahafnir voru stofnaðar var
talað um að Akraneshöfn yrði efld
sem fiskiskipahöfn,“ segir Vilhjálm-
ur Birgisson, formaður Verkalýðsfé-
lags Akraness.
En hvort heldurðu að starfsmennirn-
ir 93 hefðu viljað 20 milljónir í vas-
ann eða halda vinnunni?
„Akranes hefur verið einn stærsti
fiskibær landsins í tugi ára, á árum
áður voru rekin hér 3 til 4 frystihús
og saltfiskur og skreiðarverkun. Við
viljum halda þessu mikilvæga fyrir-
tæki innan okkar bæjarfélags,“ seg-
ir Vilhjálmur Birgisson.
Búa þarf til nýtt fjögurra hektara
land og hlaða nýjan sjóvarnagarð.
Áætlað er að kostnaður Faxaflóa-
hafna við verkið gæti numið um eða
yfir tveimur milljörðum króna. Á
móti þeim kostnaði verða vissulega
til verðmætar lóðir á hafnarsvæð-
inu. Gísli Gíslason hafnarstjóri seg-
ir í samtali við Skessuhorn á Akra-
nesi að auk þess verði að ráðast í
gerð nýs aðalskipulags fyrir svæð-
ið og í framhaldi þess vinna við
deiliskipulag. | þká
Íhuga mannréttindadómstól með staðgöngumæðrunarmál
Tvær íslenskar konur íhuga að
leita til mannréttindadómstóls
Evrópu til að fá viðurkennd
fjölskyldutengsl við dreng sem
staðgöngumóðir í Bandaríkjunum
gekk með fyrir þær. Konurnar
komu með hann til landsins árið
2013 og hefur hann alist upp hjá
þeim. Hæstiréttur neitaði í vikunni
að viðurkenna fjölskyldutengslin.
Þóra Tómasdóttir
thora@frettatiminn.is
Hæstiréttur staðfesti í vikunni dóm
Héraðsdóms Reykjavíkur í máli
drengs sem fæddur var af stað-
göngumóður í Bandaríkjunum árið
2013. Íslensku konurnar voru í hjúp-
skap þegar þær leituðu til stofnun-
ar í Kaliforníu í Bandaríkjunum sem
hafði milligöngu um að finna stað-
göngumóður fyrir þær. Parið gerði
samning við staðgöngumóðurina um
að hún gengist undir tæknifrjóvgun
og gengi með barn fyrir þær, þar sem
sæði og egg var fengið úr nafnlaus-
um gjöfum. Á bandarísku fæðingar-
vottorði eru konurnar skráðar mæð-
ur þess.
Eftir heimkomu til Íslands sendu
konurnar Þjóðskrá beiðni um skrán-
ingu barnsins. Beiðninni var hafn-
að af Þjóðskrá en sú niðurstaða
var kærð til innanríkisráðuneyt-
isins. Ráðuneytið staðfesti niður-
stöðu Þjóðskrár og synjaði barninu
um ríkisborgararétt. Þóttu því mál
barnsins óljós og konurnar tvær
fengu að gera fósturforeldrasamn-
ing um það. Barninu var því skipað-
ur lögráðamaður sem er sjálfstætt
starfandi sálfræðingur sem barna-
verndaryfirvöld í Garðabæ leituðu
til. Með niðurstöðu Hæstaréttar er
drengnum gert að vera fósturbarn
til átján ára aldurs. Konurnar verða
ekki viðurkenndar mæður þess og
barnið ekki lögformlegur erfingi
þeirra.
„Niðurstaða Hæstaréttar er mikil
vonbrigði. Mér finnst ekki að neinu
leyti hafa verið litið til hagsmuna
barnsins. Ég hefði viljað að horft væri
á málið út frá því hvað er drengnum
fyrir bestu,“ segir Þyrí Steingríms-
dóttir, lögmaður kvennanna. „Við
íhugum að fara með málið til mann-
réttindadómstóls Evrópu en það er
heilmikið ferli.“ Hún segir jafnframt
að skipaður lögráðamaður barnsins
sé hlynntur málaferlunum og telji
barninu fyrir bestu að fá fjölskyldu-
tengsl við konurnar viðurkennd.
Þyrí Steingrímsdóttir, lögmað-
ur kvennanna, íhugar að leita til
mannréttindadómstóls Evrópu með
mál drengs sem fæddur er af stað-
göngumóður.