Myndmál - 01.10.1983, Blaðsíða 14

Plakat myndarinnar er eftir Brian Pilkington.
Leikstjórinn gefur Runólfi Dagbjartssyni (Lunda) holl ráð.
komið til tals að gera mynd um
dularfulla atburði á afskekktum
sveitabæ í nútímanum. Við Ari
Kristinsson (kvikmyndatöku-
maður Nýs Lífs) höfum verið að
spjalla um þetta handrit og svona
okkar á milli köllum við það
Skammdegi. Svo er bara að sjá
hvað gerist í skammdeginu . . .
Barabyrjunin...
Nú færist kvikmyndafram-
leiðsla landsmanna stöðugt í auk-
ana heldur en hitt og innan hálfs
árs megum við eiga von á þremur
kvikmyndum til viðbótar við Nýtt
Líf. Telur þú að markaðurinn
beri þennan fjölda?
Fyrir tíu árum eða um það leyti
sem ég fór að læra kvikmynda-
gerð, hefði þótt fáránlegt ef ein-
hver hefði fullyrt að innan ára-
tugs myndu verða framleiddar
fjórar kvikmyndir á ári og engum
þætti það neitt sérstaklega mikið.
Ég tel að markaðurinn geti borið
miklu fleiri myndir en menn eru
að tala um. Fólk fer í bíó miklu
oftar en einu sinni til tvisvar á ári.
Tilvonandi Kvikmyndastofnun
gæti einnig gert mikið gagn ef hún
einbeitti sér að því að styðja við
framleiðslu kvikmynda en ekki
að varðveislu og skráningu
mynda Bíó-Petersens, þó svo allt
gott sé um þær að segja. Svo
vænti ég þess að á næstunni finn-
ist einhverjar skynsamlegar fjár-
öflunarleiðir til kvikmyndagerð-
ar svo kvikmyndagerð sitji við
sama borð og annar iðnaður í
landinu. Ég er ekki að fara fram á
að almenningur í landinu niður-
greiði bíómiðann eins og gert er í
leikhúsinu, og er sjálfsagt. Ég tel
eðlilegt að myndirnar standi und-
ir sér að mestu leyti. Það hlýtur að
vera keppikefli fyrir þjóðina að
kvikmyndagerð hafi vaxtarskil-
yrði hérna. Hver veit hvað getur
gerst, ef áhugi og vilji er fyrir
hendi. Þetta er bara byrjunin á
ævintýrinu. . .
Nú er nýlokið samnorrænni
kvikmyndahátíð áhugamanna
sem haldin var i Álftamýrarskóla
í lok júlí síðastliðinn. Hátíðin var
haldinávegumS.Á.K. og er þetta
í fyrsta skiptið sem slík hátíð er
haldin hérlendis.
Hátíðin heppnaðist einstaklega
SAMIÖK ÁHUGAMAMA. UM KVIKimDASERB:
5 ára afmæiishátíð
vel í alla staði og er því að þakka
fólki sem með góðum samhug og
vilja gerði það sem það gat til þess
að, að þessari hátíð áhugamanna
um kvikmyndagerð gæti orðið og
það með glæsibrag.
En ekki er öllum hátíðum lokið
hjá S.Á.K. því nú er svo komið að
samtökin eiga fimm ára afmæli
30. september næstkomandi sem
verður minnst með einni hátið-
inni enn. Þar er m.a. fyrirhugað
að hafa sýningar á erlendum og
innlendum verðlaunamyndum,
kaffiveitingar svo og margt fleira
til að minnast þess er um hundrað
manns söfnuðust saman 30. sept-
ember 1978 í Tjarnarbíói í
Reykjavík og stofnuðu Samtök
Áhugamanna um Kvikmynda-
gerð. En nóg um hátíðir að sinni.
Nú þar eð sumarið er á leið með
að enda þetta árið og haustið að
nál^ast þá er vetrardagskrá
S.A.K. að byrja að myndast og
mun ég skýra betur og ýtarlegar
frá henni í næsta blaði auk þess
sem þið getið lesið um hana í
SÁK-blaðinu sem er félagsblað
samtakanna og er dreift í flestar
kvikmyndavöruverslanir á höf-
uðborgarsvæðinu (og er ókeyp-
is).
Að lokum vil ég skírskota þess-
um orðum til þeirra er vinna eða
hyggjast byrja að vinna kvik-
myndir á myndbönd að þar eð sá
hópur fer sífellt stækkandi sem
losar sig við gömlu góðu mynda-
vélina og fær sér fullkomin
myndbandstæki til að taka mynd-
ir upp á þá hefur stjórn S.Á.K.
ákveðið að bæta til muna þjón-
ustu- og námskeiðahald fyrir þá
áhugamenn sem vinna með
myndböndin. Er þegar farið að
ræða um námskeið í vetur svo og
stórbreytingar á félagsblaði sam-
takanna til batnaðar fyrir mynd-
bands-áhugafólk.
Lifið heil. Sjáumst.
Brynjar Ragnarsson ritstjóri
S.Á.K.-blaðsins
Sími 92-6554.
14 MYNDMÁL