Feykir - 20.02.2014, Blaðsíða 8

8 Feykir 07/2014
Fundur um aðstöðumál
knattspyrnuiðkenda á
Sauðárkróki fór fram í Húsi
frítímans í síðustu viku og
var góð mæting á fundinn.
Þar leitaðist stjórn
knattspyrnudeildar eftir
umræðum um hvers konar
aðstöðu er vilji fyrir að stefna
að, svo hægt sé að byrja að
vinna markvisst að því að
koma því til leiðar.
Það var Ómar Bragi Stefáns-
son sem stjórnaði fundinum
og varpaði hann fram þeim
hugmyndum sem stjórn
knattspyrnudeildarinnar
hefur að mestu einblínt á.
Fram kom að stjórn
knattspyrnudeildar þyki
mikilvægt að tengja hina nýju
aðstöðu, hver sem hún yrði,
við skólann svo krakkarnir
hefðu aðgang að húsinu og
nytu góðs af. Þær hugmyndir
sem voru ræddar voru m.a.
hvort stefna ætti á að gera
upphitaðan gervigrasvöll í
svokallaðri hálfri stærð, u.þ.b.
60 x 40 m, eða gervigrasvöll í
fullri stærð, u.þ.b. 120 x 80 m,
sem uppfyllir öll skilyrði
varðandi keppnishald. Fund-
armenn sammæltust um það
að ef ráðast skildi í gervi-
grasvöll á annað borð þá væri
sá í fullri stærð heppilegri
kostur. Einnig var umræða
um hvar og hvernig sá völlur
myndi vera og þá var helst
rætt um á aðalvellinum eða
á æfingasvæðinu þar fyrir
sunnan. Skoðaðar voru
nokkrar útfærslur þar sem
völlurinn lá norður-suður eða
austur-vestur.
Þá var varpað fram hug-
mynd um að byggja hús sem
yrði staðsett norðan við
íþróttahúsið og hlaut sú
hugmynd góðan hljómgrunn.
Til sýnis var tilgátumynd af
húsinu og þar var gert ráð
fyrir að húsið yrði 55 x 44 m
en að sögn Ómars væri stærð-
in alveg opin til umræðu.
Hvað kostnað varðar er áætlað
að íþróttahúsið myndi kosta
heldur meira en gervigras-
völlur í fullri stærð en að
munurinn væri ekki mikill.
Húsið yrði opið alla daga og
gætu krakkar komið, æft og
leikið sér í fótbolta að vild.
Einnig myndi aðstaðan nýtast
þeim sem stunda frjálsíþróttir,
golf, bogfimi og jafnframt
eldra fólki sem gæti komið
þangað til að ganga.
Þurfa að reka börn
af vellinum
Þjálfarar knattspyrnudeild-
arinnar, Guðjón Örn Jóhanns-
son og Dúfa Dröfn Ásbjörns-
dóttir, voru spurðir álits og
voru þeir á sama máli um það
að hvað sem yrði gert þá þyrfti
það að gerast sem allra fyrst.
„Svona hús væri frábær
aðstaða fyrir þá flokka sem við
höfum en aftur á móti gætum
við haft heimaleiki ef við
værum með gervigras,“ sagði
Guðjón á fundinum. „Hús eða
gervigras, hvort sem er, þetta
verður bara að fara að gerast.
Þetta er bara ekki boðlegt fyrir
krakkana okkar,“ sagði Dúfa.
Hún talaði um að aðstöðu-
leysið hefði mikil áhrif á getu
krakkana í knattspyrnu og að
þau hefðu ekki þol eða hlaupa-
getu þegar þau mæta til
keppni á stærri völlum. „Þau
eru oft marga daga að ná sér
þegar þau koma heim eftir
keppnisferðalög,“ bætti hún
við. Jafnframt segir hún þau
sparka boltanum styttra en
ella þar sem þau eru vön að
æfa í litlu rými. „Aðstöðuleysið
gerir það líka að verkum að
krakkarnir velja sér fjölbrauta-
skóla annarsstaðar, þar sem
aðstaða til fótboltaiðkunar er
betri,“ sagði Dúfa. Þá hafði
Guðjón orð á því að hann
þyrfti oftar en ekki að reka
börn af sparkvellinum fyrir
æfingar og oft biðu þau eftir
að komast aftur til að leika sér,
það þætti honum mjög leitt.
Það vandamál yrði hins vegar
úr sögunni ef ný aðstaða væri
byggð upp.
Nokkrir fótboltakrakkar
voru á fundinum. Þegar þau
voru spurð álits sögðust þau
mjög hrifin af hugmyndinni
um íþróttahús, þar væri hlýtt
og gott að vera. Þá myndu líka
kannski fleiri koma að leika
sér í fótbolta frekar en að
hanga bara heima hjá sér í
tölvu. „Bara byrja þetta – það
er lykilatriði!“ sagði einn
fundargesturinn við lok
fundarins.
Stjórn knattspyrnudeildar
mun hitta fulltrúa sveitar-
félagsins í framhaldinu og fara
yfir málin með þeim. „Hvert
það leiðir okkur verður síðan
að koma í ljós,“ sagði Ómar
Bragi í samtali við Feyki.
UMFJÖLLUN
Berglind Þorsteinsdóttir
Árleg vetrarhátíð verður
haldin í Skagafirði um
helgina. Það er skíðasvæðið í
Tindastól sem stendur að
hátíðinni, í samstarfi við ýmsa
aðila í héraði. Markmiðið er
að bjóða upp á fjölskyldu-
væna skemmtun yfir vetrar-
tímann og laða að fleira
skíðafólk, sem getur um leið
notið alls þess besta sem
Skagafjörður hefur upp á
að bjóða.
Að sögn Viggós Jónssonar,
starfsmanns skíðasvæðisins, er
þetta líklega fimmta árið sem
hátíðin er haldin og hefur hún
vaxið ár frá ári. „Fyrsta árið var
þó best, hvað gestafjölda
varðar, þá fengum við frábært
veður en næstu tvö ár á eftir
vorum við ekki eins heppin
með veður. Þátttakendur hafa
hingað til komið víðs vegar að
af landinu, m.a. frá Egils-
stöðum og Vestfjörðum.“
Viggó segir erfitt að geta sér til
um það fyrirfram hve margir
mæta, þar sem engin skráning
er á hátíðina í heild, en
óneitanlega skipti veðrið
miklu máli hvað mætingu
varðar, en það lofar góðu þetta
árið.
Eitt af markmiðum hátíðar-
innar er að hóa saman sem
flestu fjölskyldufólki. Krökk-
unum er skipt í lið og liðstjóri
fylgir hverju liði vítt og breitt
um fjallið. Um er að ræða
fimm til sex mismunandi
leiðir og fara liðin í þrautakóng,
þrautabrautir og enda svo á
því að skíða niður Lambár-
botna, alveg niður á veg, sem
er um 4-5 kílómetra leið.
Þannig segir Viggó áhersluna
vera á fjölbreytni og fjör allan
daginn.
Meðal nýjunga á hátíðinni í
ár er risasvigmót sem hefst
klukkan tíu á laugardags-
morgun og stendur til hádegis.
Veitt verða peningaverðlaun
fyrir 1., 2. og 3. sætið. „Það
verður skíðað niður hlíðina
ofan við lyftuna, þetta er fyrir
lengra komna,“ segir Viggó, en
7000 króna skráningargjald er
innheimt fyrir þátttöku í
risasviginu og innifalinn er
matur og skemmtun á Ólafs-
húsi. Aðrir greiða einungis
1000 krónur í þátttökugjald og
er það innheimt á staðnum.
Þá verður í fyrsta sinn keppt
í spyrnu á vélsleðum, en sú
keppni hefst eftir lokun á
svæðinu. Um er að ræða
útsláttarkeppni og fer hún
fram neðst í brekkunni. Auk
þess er hægt að skemmta sér í
tækinu „CrazyRoller“ sem er
það eina sinnar tegundar hér á
landi. Um er að ræða stóra
rúllu þar sem menn er ólaðir
niður, rúlla niður brekkuna og
eru síðan dregnir til baka.
Viggó segir þetta hafa notið
gríðarlegra vinsælda og nú
gefist gestum vetrarhátíðar
tækifæri til að prófa
„CrazyRoller.“
Skráning í risasvigið er á
netfangið skidi@tindastoll.is og
nánari upplýsingar er að finna á
facebook.com/skiditindastoll.
/KSE
Núverandi aðstaða ekki boðleg
Fundur um aðstöðumál Vetrarhátíð í Skagafirði 21.-23. febrúar
„Crazy Roller“
og risasvig
meðal nýjunga
Fjör á skíðasvæðinu veturinn 2012. Mynd af vef Skíðadeildar Tindastóls.
07/2014
Teikning af nýju íþróttahúsi norðan við Árskóla.