Feykir - 22.04.2014, Blaðsíða 16

16 Feykir 15/2014
Klikkun
!
Það er snjallt að gerast áskrifandi að Feyki núna!
Feykir er félagi sem þú vilt ekki vera án!
Blaðið kemur út 48 sinnum á ári og
jafnan stútfullt af fréttum og dægurefni
frá Norðurlandi vestra!
Verð til áskrifenda er kr. 450.-
* Tilboðið gildir til 31. maí 2014
Ótal fleiri afsláttarkjör fylgja Olís-lyklinum
10.000
króna inneign
Feykir býður á ný upp á
snilldar áskriftartilboð
í samstarfi við verslanir Olís
um allt land.
Nýir áskrifendur að Feyki
í apríl og maí 2014
fá Olís-lykilinn með 10.000 króna inneign.
Nýir áskrifendur skuldbinda sig til áskriftar
á Feyki í a.m.k. eitt ár.
Þú hringir í áskriftarsíma Feykis - 455 7171 -
eða sendir póst á feykir@nyprent.is
og færð sendan Olís-lykil og viðskiptakort.
Það eina sem þú þarft að gera er að virkja lykilinn og njóta afsláttanna
sem lykillinn býður upp á og 10.000 krónu inneignarinnar...
– já og að sjálfsögðu Feykis!
Varð til í fæðingarorlofinu
Guðbjörg Óskarsdóttir er Gaga
Gaga er nýtt vörumerki sem hefur
vakið hefur athygli fyrir fallegar
vörur bæði fyrir heimilið og fyrir
konur. Feykir hafði samband við
konuna á bakvið Gaga og spurði
hana út í nýja reksturinn en sú heitir
Guðbjörg Óskarsdóttir og er frá
Sauðárkróki.
„Gaga varð til í fyrra þegar ég var í
fæðingarorlofi og var að dunda mér við
að gera armbönd og annað skart úr
leðri og steinum sem ég fór síðan að
selja þegar magnið var orðið of mikið,“
segir Guðbjörg um upphaf fyrir-
tækisins. En hvaðan kemur nafnið?
-„Nafnið Gaga kemur frá systur minni
en þegar hún var lítil þá gat hún ekki
sagt Guðbjörg og kallaði mig Gaga,“
segir hún og hlær.
Guðbjörg segist alltaf hafa haft
gaman af handavinnu og ljósmyndun
og að föndurgenið sé í blóðinu.
„Mamma hefur alltaf saumað og
prjónað mikið og eins er systir mín
mjög dugleg í höndunum,“ bætir hún
við. „Ég var síðan að leita að lausn til að
fegra heimilið og datt í hug að setja
myndir úr íslenskri náttúru á púðaver.
Fyrst gerði ég það bara fyrir sjálfa mig
en fékk svo góðar viðtökur frá fólkinu
mínu að ég ákvað að fara að selja þau.“
Alveg eins og þegar hugmyndin að
púðaverunum kom upp, þá segist hún
hafa verið að prófa fyrir sjálfa sig að
setja myndir sem hún hafði tekið á
leggings. „Það kom furðu vel út og í
framhaldi af því fór ég einnig að teikna
mynstur í photoshop til að setja á
leggings.“
Stefnir á að stækka
vöruúrvalið
Guðbjörg segist stefna á það að stækka
vöruúrvalið og koma fleiri myndum á
púðaver en svo er í vinnslu að koma
púðaverunum í sölu í verslunum. „Ég
er einnig í viðræðum við frænda minn
sem er áhugaljósmyndari um samstarf
og hlakka ég mjög mikið til þess enda á
hann alveg svakalega flottar myndir.“
Guðbjörg verður með bás á
atvinnulífssýningunni Lífsins gæði og
gleði og mun kynna vörurnar sínar þar.
Einnig er hægt að skoða þær á
Facebook undir nafninu Gaga. „Þetta
er nú ekki stórt í sniðum hjá mér og því
er ég ekki með mikinn lager en hann
stækkar svona smá saman en það er
alltaf hægt að panta hjá mér þó svo að
varan sé ekki til á lager,“ segir hún að
endingu.
VIÐTAL
Berglind Þorsteinsdóttir
Púðaverin frá Gaga skarta myndum úr íslenskri náttúru.
Guðbjörg hannar og framleiðir munstraðar leggings.