Feykir - 28.05.2014, Page 4

4 Feykir 20/2014
SVEITARSTJÓRNARKOSNINGAR 2014x 14
Fyrir hverju ætlar list-
inn að beita sér á næsta
kjörtímabili ef hann
hlýtur kosningu?
Við, B listi Framsóknar og
annarra framfarasinna, viljum
leita allra mögulegra leiða til að
bæta búsetuskilyrðin í Húna-
þingi vestra þ.e. að auka lífsgæði
íbúanna. Við teljum að bætt
búsetuskilyrði með t.d. lagn-
ingu ljósleiðara til sveita efli
lífsgæði og samkeppnishæfi og
stefnum við að því að samhliða
lagningu hitaveitu út um sveitir
verði lagður ljósleiðari.
Forsenda núverandi búsetu
og lykillinn að því að ungt fólk
flytji aftur heim er fjölþætt
atvinna. Við viljum hrinda af
stað átaksverkefni til að auka
fjárfestingar í atvinnulífinu,
jafnframt að leita leiða til að efla
þann atvinnurekstur sem fyrir
er. Til þess að svo megi verða
þarf að ráða starfsmann til
a.m.k. 3 - 4 ára sem hafi það
hlutverk að kynna sveitarfélagið
útávið í samráði við hagsmuna-
aðila og leita nýrra tækifæra í
atvinnumálum. Atvinnumál er
sú lífæð sem samfélagið byggir
á.
Foreldrar í Húnaþingi vestra
eiga ekki kost á þjónustu
dagmæðra og viljum við að
leikskólinn þjónusti foreldra að
afloknu fæðingarorlofi og sé
opinn börnum frá 9 mánaða
aldri. Jafnframt leggjum við
áherslu á öflugan stuðning við
foreldra með frístundakortum
B-LISTI Framsókn og aðrir framfarasinnar
Sveitarstjórnarkosningar 2014 > HÚNAÞING VESTRA
og akstursstyrkjum á lengri
leiðum til að börn og ungmenni
geti sem best nýtt sér framboð
íþrótta, tómstunda og dreifnáms.
Við viljum hrinda í framkvæmd
viðbyggingu við íþróttamið-
stöðina sem bæta mun aðgengi
og notkunarmöguleika allra
sem vilja nýta sér þá þjónustu.
Við viljum stofna Öldungaráð, í
samvinnu við félag eldri
borgara í Húnaþingi vestra.
Ráðið hafi það hlutverk að vera
umræðu og samstarfsvett-
vangur eldri borgara auk þess
að vera ráðgefandi um sín
málefni gagnvart sveitarstjórn.
Hvaða kostum telur þú
að sveitarfélag þitt búi
yfir og hvaða tækifæri
mætti nýta betur?
Kostirnir liggja í mannauðnum,
hér er gott samfélag sem
stendur saman þegar eitthvað
bjátar á. Auk þess eru ótal
tækifæri sem bjóðast þeim sem
áhuga hafa á hvers konar
félagsstarfi. Hér í Húnaþingi
vestra, eins og mörgum hinum
dreifðu byggðum, er landbún-
aður og ferðaþjónusta ákveðin
undirstaða. Ferðaþjónustan hér
eins og annars staðar á landinu
er í mikilli sókn og við eigum að
nýta þau tækifæri sem þar
bjóðast. Við viljum enn sem
fyrr leggja áherslu á mikilvægi
þess að Húnaþing vestra verði
samkeppnishæft bæði til
atvinnurekstrar og þjónustu við
íbúana. Tækifærin liggja í því að
verða eftirsóknarverður kostur.
Fyrir hverju ætlar list-
inn að beita sér á næsta
kjörtímabili ef hann
hlýtur kosningu ?
L-listinn leggur höfuðáherslu á
eflingu atvinnumála og telur
það forsendu fyrir auknum
lífsgæðum sem er forsenda þess
að sveitarfélagið sé áhugaverður
valkostur til búsetu. Aukin
atvinna er grundvöllur þess að
unga fólkið okkar geti séð
möguleika á að koma aftur
heim að námi loknu. Þá viljum
við standa vörð um að veita
íbúum sem besta þjónustu.
Lögð verður áhersla á að gæta
aðhalds í fjármálum og rekstri
bæjarins þannig að skuld-
setning aukist ekki.
Hvaða kostum telur þú
að sveitarfélag þitt búi
yfir og hvaða tækifæri
mætti nýta betur ?
Blönduós er vel staðsett sveitar-
félag, við þjóðbraut og býr við
greiðar samgöngur. Hér eru
miklir möguleikar fólgnir í að
efla þjónustu við ferðamenn og
hefur verið verkefni í gangi á
svæðinu á því sviði. Ferða-
þjónustan er mjög vaxandi
atvinnugrein á Íslandi og þarf
að nýta þau tækifæri sem í því
felst hér á svæðinu. Það er krafa
okkar að þegar verði hafist
handa við nýtingu orku Blöndu-
virkjunar hér ásvæðinu og
komið verði á fót starfsemi sem
nýtir þá möguleika sem í henni
felst. Nýting orkunnar frá
Blönduvirkjun er þjóðhagslega
hagkvæm þar sem nýting
orkunnar eykst vegna þeirrar
rýrnunar sem verður á henni
við langan flutning.
L-LISTI Blönduósbæjar
Sveitarstjórnarkosningar 2014 > BLÖNDUÓS
Fyrir hverju ætla
listarnir að beita sér?
Feykir spyr framboðslistana á Norðurlandi vestra
Á laugardag munu landsmenn
streyma á kjörstað og kjósa nýjar
sveitarstjórnir til að taka við búi
sveitarfélaga sinna. Þar sem
UMFJÖLLUN
Berglind Þorsteinsdóttir
einungis nokkrir dagar eru til stefnu hafa sjálfsagt margir gert
upp hug sinn en eflaust eru nokkrir enn að vega og meta
hvaða frambjóðendur og málefni falla þeim best að geði.
Feykir sendi framboðslistum á Norðurlandi vestra eftirfarandi
spurningar og hér á eftir birtast þau svör sem bárust en vonandi
munu þau koma að gagni við gera upp hug sinn fyrir kjördag.
• Fyrir hverju ætlar listinn að beita sér á næsta kjörtímabili
ef hann hlýtur kosningu?
• Hvaða kostum telur þú að sveitarfélag þitt búi yfir
og hvaða tækifæri mætti nýta betur?
Feykirspyr!
x 14