Feykir - 28.05.2014, Page 5
20/2014 Feykir 5
SVEITARSTJÓRNARKOSNINGAR 2014x 14
Fyrir hverju ætlar list-
inn að beita sér á næsta
kjörtímabili ef hann
hlýtur kosningu ?
Við ætlum að beita okkur fyrir
bættum samgöngum, leggja
þarf bundið slitlag á tengi- og
héraðsvegi en vegakerfi okkar
er rúmlega 300 km. Þetta er
mikið hagsmunamál fyrir
íbúana sem margir keyra
daglega til og frá vinnu og
skóla. Einnig er nauðsynlegt að
bæta Kjalveg þar sem
tugþúsundir ferðamanna fara
um á hverju sumri.
Við ætlum að beita okkur
fyrir bættum fjarskiptum. Gott
aðgengi að fjarskiptum er
grundvöllur búsetu og atvinnu-
starfsemi í dreifbýli í dag. Það
þarf að þétta frekar gsm
samband, einnig þarf betra
netsamband, sveitarfélagið
hefur kostað töluverðum fjár-
munum til þessa en betur má ef
duga skal. Beita þarf þrýstingi á
stjórnvöld varðandi aðkomu að
góðum fjarskiptum í dreifbýli.
Fjarskiptafyrirtæki eru sýnilega
ekki tilbúin að þjónusta
strjálbýli með sama hætti og
þéttbýli þar sem það er svo
kostnaðarsamt.
Við ætlum að beita okkur
fyrir því að öll lögbýli í
sveitarfélaginu hafi aðgang að
þriggja fasa rafmagni en það er
grundvöllur atvinnustarfsemi í
sveitum í dag.
Við ætlum að vinna að því í
samstarfi við Samtök orku-
sveitarfélaga og Samband
íslenskra sveitarfélaga að gild-
andi undanþágur orkumann-
virkja frá greiðslu fasteigna-
gjalda verði afnumdar.
Við ætlum að þrýsta á um
að stjórnvöld standi við
fyrirheit sín um jöfnun raforku-
og húshitunarkostnaðar.
Hvaða kostum telur þú
að sveitarfélag þitt búi
yfir og hvaða tækifæri
mætti nýta betur ?
Það er eftirsóknarvert að búa í
Húnavatnshreppi, hér er fallegt
og gott að búa og ala upp börn.
Húnavatnshreppur rekur leik-
og grunnskóla í sameinaðri
skólastofnun að Húnavöllum,
þar fer fram metnaðarfullt starf.
Aðstaðan er frábær, mötuneyti,
sundlaug, íþróttasalur, tónlistar-
kennsla og samfelldur skóla-
dagur. Lítill heimilislegur skóli
gefur ýmis tækifæri, t.d. fara
leikskólabörn í sund 1x-2x í
viku. Allir eru virkjaðir og sam-
staðan er mikil.
Við eigum mikla auðlind
sem er Blönduvirkjun, hún var
tekin í notkun 1991. Einnig eru
í undirbúningi frekari virkjanir
á veituleið Blönduvirkjunar.
Afar mikilvægt er að fylgja eftir
þingsályktunartillögu sem
samþykkt var á Alþingi 15.
janúar þar sem ríkisstjórninni
er falið að koma á samstilltu
átaki heimamanna og stjórn-
valda um atvinnuuppbyggingu
í héraði til nýtingar þeirrar orku
sem verður til þar.
Það eru mikil tækifæri í
mannauðinum, kraftmiklu
fólki sem býr í Húnavatns-
hreppi. Við eigum mikil
sóknarfæri í landbúnaði og
ferðaþjónustu þar sem sveitar-
félagið er landmikið með víð-
feðm heiðarlönd. Í Húnavatns-
hreppi er mikið af veiðiám og
vötnum og fallegum dölum.
Margar náttúruperlur eru í
Húnavatnshreppi, svo sem
Hveravellir, Vatnsdalshólar,
fossar í Vatnsdalsá og Frið-
mundará, Blöndugil, Hvamms-
skriður og Guðlaugstungur.
Einnig má nefna fræga sögu-
og/eða menningarstaði svo sem
Þingeyrar, Þrístapa, Hof, Gull-
stein og Forsæludal.
Í Skagafirði búum við að
miklum mannauði, einstæðri
náttúru og auðlindum. Við
ætlum að gera samfélagið okkar
enn eftirsóknarverðara til
búsetu og nýta þann mannauð
og tækifæri sem Skagafjörður
hefur upp á að bjóða til að
byggja hér upp fjölbreytt
mannlíf og öflugt atvinnulíf.
Við leggjum áherslu á
fjölskylduvænt samfélag þar
sem öllum eru búin tækifæri
við sitt hæfi í leik og starfi.
Gjöldum á barnafjölskyldur og
eldri borgara verður haldið í
lágmarki og séð til þess að þau
fái notið þess mikla árangurs
sem náðst hefur í rekstri
sveitarfélagsins. Það munum
við einnig gera með áfram-
haldandi ráðdeild og því að
koma starfi grunnskóla og
tónlistarskóla undir sama þak
og ráðast í nauðsynlegar
umbætur á skólahúsnæði,
íþróttaaðstöðu og umhverfi
allra skólanna okkar. Endur-
uppbygging sundlaugar Sauð-
árkróks verður á meðal þeirra
verkefna sem við munum hafa
forgöngu um. Við munum
ráðast í fegrunarátak á
þéttbýlisstöðum, umbætur í
aðgengismálum, bæta aðstöðu
til útivistar, t.d með
útivistarhring um Sauðárkrók,
hlúa að opnum svæðum og
leikvöllum, tengja svæði betur
saman með göngu- og
hjólreiðastígum, fegra og efla
miðbæ Sauðárkróks sem
þjónustu, og íbúakjarna. Þá
munum við standa fyrir
áframhaldandi uppbyggingu
hitaveitu í Skagafirði og nýtingu
heitavatnsauðlinda til atvinnu-
uppbyggingar.
Eitt stærsta verkefni næsta
kjörtímabils verður að fjölga
hér fjölbreyttum atvinnutæki-
færum og snúa vörn í sókn fyrir
starfsemi og þjónustu opinberra
stofnanna í héraðinu. Við
munum áfram berjast fyrir
framtíð Heilbrigðisstofnuna-
rinnar á Sauðárkróki og standa
í vegi fyrir því að stjórnvöld
leggi heilbrigðisstofnunina
niður eða skerði þjónustu
hennar frekar. Við munum
beita okkur fyrir svæðis-
bundnum átaksverkefnum til
að styrkja byggð og atvinnulíf í
Skagafirði, standa vörð um
mennta- og rannsóknastarf í
héraðinu og tryggja áfram-
haldandi uppbyggingu Hóla-
skóla og styðja af krafti við starf
FNV og frekari þróun
fjölbreytts náms við skólann
ásamt því að vinna að nýrri
viðbyggingu við verknámshús.
Á meðal stórra verkefna sem
við munum vinna að er að nýta
betur tækifæri okkar sem eins
öflugasta matvælahéraðs lands-
ins, nýta sérstöðu og styrk
okkar á sviði mennta- og
þróunarstarfs, vinna með ferða-
þjónustunni í að hagnýta okkar
mikla menningararf og sér-
stæða náttúru til uppbygg-
ingar. Eitt stærsta verkefni í
atvinnuuppbyggingu fram-
undan er að vinna að því að hér
verði reist koltrefjaverksmiðja
og standa fyrir kynningar- og
markaðsátaki fyrir Skagafjörð
sem góðan kost fyrir ný
fyrirtæki og sem búsetukost.
Umfram allt munum við leggja
áherslu á að skapa fleiri tækifæri
fyrir ungt fólk til fjölbreyttra
starfa og búsetu í Skagafirði.
E-LISTI Nýtt afl í Húnavatnshreppi
Sveitarstjórnarkosningar 2014 > HÚNAVATNSHREPPUR
V-LISTI VG og óháðir í Skagafirði
Sveitarstjórnarkosningar 2014 > SVF. SKAGAFJÖRÐUR