Feykir - 28.05.2014, Page 16

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
20
TBL
28. maí 2014 34. árgangur
Frétta- og dægurmálablað á Norðurlandi vestra : Stofnað 1981
Nemendur og starfsfólk Árskóla blésu til sinnar árlegu
gleðigöngu á mánudagsmorgun.
Veðrið var eins og best verður á kosið og ríkti glens
og gleði meðal þátttakenda. Alltaf fjölgar þeim
bæjarbúum sem slást í hópinn. Flestir mæta í lit-
skrúðum klæðnaði og hljóðfæri og tónlist lífga upp á
stemninguna. Blaðamaður Feykis brá sér í gleði-
gönguna, sem endaði með grillveislu við Árskóla.
Forvitnast í fataskápa:
Dóra Heiða og Þorsteinn Brodda
Fata sig upp á ferðalögum
Fataskápsinnlit vikunnar er með
örlítið breyttu sniði þar sem
hjónakornin Steini Brodda og
Dóra Heiða taka á móti Fröken
Fabjúlöss í sameiningu! Steini er
Skagfirðingur í húð og hár með
smá blöndu að vestan og úr
Eyjafirðinum, en Dóra Heiða er
fædd og uppalin austan við
Tröllaskagann, í þröngum dölum
Eyjafjarðar.
Þegar hjónin giftu sig í
Hóladómkirkju fyrir 19 árum,
hvarflaði ekki að þeim að þau ættu
eftir að búa saman í Skagafirði,
eins og raun varð á. Áður en þau
fluttu í fjörðinn fagra náðu þau að
skjóta smá rótum við Hafursfjörð í
Noregi og til stendur að rækta þær
aðeins betur á næstunni.
En hvað er í algjöru uppáhaldi í
fataskápnum hjá ykkur?
-Fötin skapa manninn, og við
hjónin notum yfirleitt tækifærið til
að kaupa okkur flíkur á ferðalögum
í útlöndum, svona til að skapa
kannski smá sérstöðu í klæðaburði.
Árið 2012 fór fjölskyldan saman í
siglingu í Miðjarðarhafinu, og
Dóra var orðin úrkula vonar um
að versla sér ný föt, þar sem skipið
stoppaði örstutt í hverri höfn, og
kvenfataverslanir voru ekki alveg á
hverju strái í Istanbul og Izmir.
Síðasta daginn í fríinu, þegar við
vorum komin á fast land og að
bíða eftir flugi frá Bologna á Ítalíu,
gekk Dóra fram hjá verslun með
UMSJÓN MEÐ
FRÖKEN FABJÚLÖSS
Hrafnhildur Viðarsdóttir
[ frokenfab@feykir.is ]
spænska vörumerkinu Desiqual
sem er í miklu uppáhaldi hjá
stelpunni. Útsala stóð á skiltunum
í glugganum og Dóra hvarf inn í
verslunina og mátaði flest það sem
þar fannst, á meðan íbúar Bologna
tóku sér siesta. Hlaðin útsölu-
varningi bar hún svo kápuna út í
poka, en ekki á báðum öxlum,
enda þurfti hvorki að óttast kulda
né kölska þarna í borginni.
Góðar skyrtur eru nauðsynlegar
í fataskápnum hjá Steina, og þar
sem dregið hefur verulega úr
bindisnotkun, sakar ekki að litirnir
séu líflegir. Þessa tilteknu skyrtu
keypti Steini í London, þegar hann
hvarf frá Dóru í einni stór-
versluninni og laumaðist inn í
skyrtubúð á Bond Street. Sagan
segir að Dóru hafi helst grunað að
hann væri að fela sig á nærliggj-
andi krá, eða í reiðhjólaverslun í
hliðargötu.
Hver er það svo sem þið ætlið að
afhenda tískukyndil komandi
fataskápsheimsóknar?
-Við skorum á Védísi Elfu Torfa-
dóttir, hún er svo listræn og dugleg
að hanna og búa til einstaklega
fallegar flíkur á sjálfa sig og aðra.
G R Æ J U B Ú Ð I N Þ Í N
Verslun Kjarnanum Hesteyri 2
550 Sauðárkróki Sími 455 9200 www.tengillehf.is
Gleðiganga Árskóla
Sauðárkrókur