Feykir - 10.07.2014, Page 7
26/2014 Feykir 7
með húsdýragarðinum og
hestaleigunni, enda fer það vel
saman. Þau segja frá því hvernig
hugmyndin að þessum við-
bótum kviknaði. „Við byrjuðum
á að setja rekstrarhring hérna
niður eftir, til að reka hrossin
fyrir veturinn. Þegar við vorum
búin að því vorum við komin
með aðhald báðum megin,
niður á engjar og meðfram
Víðidalsánni og þá hugsaði ég
með mér, ég hlýt að geta farið
með óvant fólk í reiðtúr,“ segir
Magnús en þau opnuðu
hestaleigu síðasta sumar og segir
hann það hafa gengið rosalega
vel. Rannveig tekur undir og
segir hugmyndina að húsdýra-
garðinum hafa kviknað í kjöl-
farið á því að fjölskyldur voru að
koma til þeirra þar sem einungis
hluti þeirra fór á bak. „Þá biðu
hinir á meðan og voru að skoða
dýrin. Það vakti voðalega lukku
og þá hugsuðum við með okkur
hvort við gætum kannski farið
lengra með þetta. Opnað þá fyrir
stærri markhóp og boðið öllum
eitthvað að gera,“ segir hún.
Þau segja Íslendinga ekki
sækja eins mikið í hestaleigurnar
en að þarna sé komin afþrey-
ingarkostur fyrir Íslendinga sem
eru á ferðinni um svæðið. „Það
er margt sem gleður augað hér á
Norðurlandi vestra og margt
hægt að skoða og sjá. En það
vantar meiri afþreyingu fyrir
ferðafólkið, meira en að skoða
t.d. Kolugljúfur, Hvítserk og
Borgarvirki, nú er líka komið
meira fyrir krakkana að gera.
Krakkarnir elska skepnur, það er
bara svoleiðis og fullorðna fólkið
gerir það líka,“ segir Magnús.
Hann segir það iðulega koma
fyrir að dýrin nái að bræða
fullorðna jafnt sem börn. Þó svo
að sumir gefi sig ekki mikið að
dýrunum í fyrstu eru margir
komnir með kettling í fangið
eftir smá stund til að gæla við.
Lærdómsríkt að
kynnast nýjum dýrum
Mikið verk hefur verið unnið á
skömmum tíma til að undirbúa
formlega opnun dýragarðsins og
hestaleigunnar á bænum. Þá
hefur húsasmíðamenntun
Magnúsar komið að góðu gagni.
Vinir og vandamenn hafa lagt
Magnúsi og Rannveigu lið við
undirbúninginn, ekki síst við að
bæta úrval skepna sem þar má
berja augum. „Við vorum bara
með sauðfé, hross, hund og kött
til að byrja með. En nú erum við
búin að bæta við geitum, kanínu,
öndum og hænum og tófu-
yrðlingi, en hann er nú ekkert
gæfur - það er ekkert hægt að
knúsa hann,“ segir Magnús og
þau hlæja. Það var nágranni
þeirra sem færði þeim yrðl-
inginn í júnímánuði og hefur
hann verið skoðaður af
héraðsdýralækni og þau fengið
leyfi fyrir að halda honum. Þau
eru einnig með tvo kálfa að láni í
sumar og svo segja þau að fleiri
skepnur eigi örugglega eftir að
bætast við. „Einn kunninginn
minn var að hringja og segjast
ætla að koma með dúfur handa
mér, svo var einhver að stinga
upp á naggrísum. Það eiga
vonandi eftir að bætast við ein til
tvær tegundir á ári,“ segir
Magnús. Þá fékk hann einnig tvo
grísi í afmælisgjöf frá öðru
vinafólki, annan þeirra á fæti,
áðurnefnda Svínku sem rölti
með okkur um svæðið. „Besta
afmælisgjöfin,“ segir Magnús og
rifjar upp þá skrautlegu
uppákomu þegar hann reyndi
að tjónka við Svínku í fyrsta
sinn. „Svínka var í hundabúri
yfir nóttina og ég ætlaði að koma
henni út í hús daginn eftir
afmælið. Ég vissi ekkert hvernig
ég átti að fara með hana í fyrstu,
ég ætlaði að setja á hana ól en
það gekk ekkert. Svo ætlaði ég að
halda á henni og þvílík djöfulsins
læti,“ segir hann og hlær.
Þau segjast hafa þurft læra
heilmargt nýtt eftir að hafa
fengið sér allar þessar nýju
dýrategundir en að það hafi
verið fljótt að koma. „Þeir voru
búnir að gera grín að mér
strákarnir að nú þyrfti ég að fá
mér Fuglabókina til að hafa á
náttborðinu í stað Eiðfaxa,“ segir
Magnús í gamansömum tón.
Magnús og Rannveig segjast
einnig vilja fræða gesti hús-
dýragarðsins í framtíðinni um
sögu og hlutverk íslensku
húsdýranna og stefna að því að
útbúa upplýsingaskilti til að hafa
á bænum. „Okkar markmið er
líka að fræða fólk og hafa söguna
á bakvið skepnunnar í stuttu
máli á íslensku, ensku og þýsku.
Svo langar okkur að bæta við
kindahólfi hér fyrir ofan með
allri litaflóru íslensku sauðkind-
arinnar, þannig að fólk gæti rölt
þar um og sest niður og skoðað
þær. Það væri gaman að gera
það sama við hestana,“ segir
Magnús og Rannveig bætir við:
„Við ætlum líka að sjá til hvað
fólk segir í sumar. Við erum með
opinn huga og viljum endilega fá
uppástungur frá gestum okkar
um hvað þeim finnst vanta.“
Einnig stefna þau á að koma upp
leikvelli á bænum svo börnin
geta leikið sér á meðan fullorðnir
fá sér kaffisopa.
Fjöldi fólks hafði þegar lagt
leið sína að bænum í júnílok,
þrátt fyrir að þau hefðu ekki
formlega opnað dýragarðinn
eða kynnt hann á nokkurn hátt
utan við skilti sem komið var
fyrir á þjóðvegi 1. „Margir halda
að við séum bara með kindur og
hross en hér er náttúrulega
miklu meira. Hér geta krakkar
fengið að gefa heimalingum
pela, Svínka vekur alltaf lukku,
svo náttúrulega endurnar,
hænurnar, tófuyrðlingurinn og
að fá að fara á hestbak. Það
finnst öllum gaman að komast í
snertingu við dýrin,“ segir
Magnús að endingu. Blaða-
maður Feykis getur ekki annað
en tekið undir það og yfirgaf
bæinn með bros á vör, líkt og
aðrir gestir dýragarðsins, ungir
sem aldnir.
Opnunarhátíð verður haldin
laugardaginn 12. júlí frá kl. 13-17 og
er þá öllum boðið að kíkja frítt í
dýragarðinn þar sem verður meðal
annars teymt undir krökkum á
milli kl. 14 og 15.
Húsdýragarðurinn og hestaleigan á
Stóru-Ásgeirsá er opin frá kl. 9-18 alla
daga. Hópar eru einnig boðnir
velkomnir og allir hvattir til að hafa
samband í gegnum netfangið
storaasgeirsa@gmail.com. Einnig er
hægt að kíkja á heimasíðuna:
topicelandichorses.com eða á
facebook-síðu húsdýragarðsins.
Magnús með einn heimalinginn í fanginu.
Fallegi tófuyrðlingurinn sem hægt er að skoða í húsdýragarðinum.
Börn skella sér á bak og Svínka fylgist grannt með.
Yngsta heimasætan á bænum, Sigríður Emma, tekur þátt í framkvæmdum. RAH Á toppi tilverunnar.