Feykir - 10.07.2014, Qupperneq 8
8 Feykir 26/2014
Feðgarnir Viggó Jónsson,
Helgi Freyr og Elfar Már,
ásamt Halldóri
Halldórssyni, voru
nokkrum dögum lengur úti
í Drangey en áætlað var í
síðustu viku eftir að
vonskuveður skall á.
Drengirnir létu það þó ekki
á sig fá og létu fara vel um
sig í Drangeyjarskála en
landgangurinn á bryggjunni
í land í Drangey hreinsaðist
alveg í átökunum.
Í samtali við blaðamann
Feykis sagði Viggó að nokkrir
aukadagar úti í Drangey þættu
nú ekki mikið og þeir hafi haft
nóg fyrir stafni. ,,Það þurfti að
þrífa skálann og segja dáldið
af sögum. Svo vildi svo
skemmtilega til að við vorum
með Ipad með okkur og
gátum horft á HM. Ég hef
aldrei á ævinni horft á heilann
fótboltaleik fyrr þannig að
þetta var ágætis prófsteinn, og
hvað þá tvo sama daginn.“
Aðstaðan úti í Drangeyjar-
skála er mjög góð og að sögn
Viggós gekk allt vel fyrir sig
nema það að landgangurinn á
bryggjunni í land í Drangey
brotnaði. ,,Það voru mikil átök
í veðrinu þannig við Helgi
fórum á þriðjudaginn og
smíðuðum annan gang, hann
hreinsaðist alveg svo það
þurfti að smíða þetta alveg
upp á nýtt, þannig það eru
miklir kraftar sem þarna eiga
sér stað.“
Á laugardaginn þurfti að
loka veginum úti á Reykja-
strönd, norðan við Fagranes,
tímabundið vegna skriðufalla,
en tvær skriður lokuðu
veginum. Að sögn Viggós áttu
skriðuföllin sér stað um hálf
níu um morguninn, en
vegurinn var ruddur strax og
opnaður aftur rúmum tveim-
ur tímum seinna.
FRÁSÖGN
Guðrún Sif Gísladóttir
Félagarnir styttu sér stundir í Drangeyjarskála yfir HM. Ljósm./Viggó Jónsson
Kynntu sér bakkavarnir, búfjárbeit
og aðferðir við stöðvun sandfoks
Landgræðsluskóli Háskóla Sameinuðu þjóðanna heimsækir Skagafjörð
Árlegt sex mánaða námskeið
Landgræðsluskóla Háskóla
Sameinuðu þjóðanna hófst á
Íslandi þann 11. mars sl.
Þátttakendur eru tólf að þessu
sinni, sjö karlar og fimm
konur. Þeir eru frá Eþíópíu
(2), Gana (3), Mongólíu (2),
Níger (2), Úganda (2) og
Úsbekistan (1). Nemarnir
voru í náms- og kynnisferð í
Skagafirði dagana 1.-3. júní sl.
Fararstjórar voru þær Halldóra
Traustadóttir og Brita Berglund
frá Landbúnaðarháskólanum á
Hvanneyri. Bjarni Maronsson,
héraðsfulltrúi Landgræðslu
ríkisins á Norðurlandi vestra,
var til leiðsagnar um Skagafjörð.
Þess má geta að kynnisferð um
Norðurland vestra hefur verið
fastur liður í starfsemi skólans
frá stofnun hans.
Meðal þess sem nemend-
urnir kynntu sér voru bakka-
varnir í Héraðsvötnum við
Syðstu-Grund og uppgræðslur
þeirra Dýrfinnustaðabænda,
Unnar og Ingólfs í landi Ytri-
Brekkna. Þar hafa verið græddir
upp tugir hektara og þau hjón
hafa hlotið landgræðsluverð-
launin fyrir uppgræðslustörf.
Einnig var fræðst um búfjárbeit
og skoðuð hrossabeitarhólf.
Kynntar voru aðferðir við
stöðvun sandfoks á Garðssandi
og farið heim að Hólum þar
sem Erla Björk Örnólfsdóttir,
rektor, leiddi staðarskoðun og
sagði frá starfsemi háskólans.
Gerður var góður stans við
styttu Jóns Ósmanns við vestur-
ós Héraðsvatna og gestunum
sagt stuttlega frá lifnaðarháttum
Íslendinga á fyrri tíð og veitt
örlítil innsýn í lífshlaup kapp-
anna Grettis sterka og Jóns
Ósmanns. Svo skemmtilega
vildi til að einn nemandinn ber
nafnið Osman og varð fagn-
aðarfundur með þeim nöfnum.
Ásta Pálmadóttir, sveitarstjóri
Sveitarfélagsins Skagafjarðar,
bauð hópnum til móttöku í
Ráðhúsinu, þar sem hún kynnti
starfsemi sveitarfélagsins í máli
og myndum og svaraði fjöl-
mörgum fyrirspurnum. Að
endingu voru skoðaðar upp-
græðslur, sem Landsvirkjun
stendur fyrir á Eyvindar-
staðaheiði. Uppgræðslurnar eru
samkvæmt samningum um
endurheimt beitarlands í stað
þess lands, sem fór undir
Blöndulón á sínum tíma.
Framundan hjá nemend-
unum er tveggja mánaða
námsdvöl í höfuðstöðvum
Landgræðslunnar að Gunnars-
holti á Rangárvöllum. Land-
græðslan og Landbúnaðar-
háskólinn á Hvanneyri sjá um
rekstur Landgræðsluskólans,
ásamt utanríkisráðuneytinu,
sem leggur skólanum til
fjármagn. Markmið námsins er
að byggja upp færni sérfræðinga
frá þróunarlöndum í land-
græðslu, umhverfisstjórnun og
sjálfbærri landnýtingu. Margir
nemanna koma úr háskóla- eða
rannsóknarumhverfi en aðrir
starfa í ráðuneytum eða sem
umhverfisfulltrúar við náttúru-
og landvernd.
Landgræðsluskólinn var
stofnaður 2007 og síðan þá
hefur 51 nemi útskrifast frá
skólanum frá tíu löndum í
Afríku og Mið-Asíu. /Fréttatilk.
Nemendur skólans ásamt Ástu Pálmadóttur sveitarstjóra í móttöku þeim til heiðurs í Ráðhúsinu á Sauðárkróki. Ljósm. Bjarni Maronsson.
Vonskuveður
í Drangey
Landgangurinn brotnaði í veðurátökunum
Rútan sat föst í for
Ferðalangar í Árbókarferð FÍ
Hin árlega árbókarferð á vegum
Ferðafélags Íslands var farin fyrri
hluta þessarar viku. Að þessu sinni
var farið um austanverðan
Skagafjörð, frá Viðvíkursveit fram í
Norðurárdal, á Kjálka og síðan um
Vesturdal og yfir Sprengisand. Um 40
manns tóku þátt í ferðinni og þar
sem biðlisti myndaðist er önnur ferð
áformuð í lok mánaðarins. Að sögn
Sigurðar Kristjánssonar fararstjóra í
ferðinni yrði það í fyrsta sinn sem
farnar eru tvær árbókarferðir á sömu
slóðir.
Hópurinn lenti í smá ógöngum á
þriðjudaginn þegar ekið var um Kjálka
og til stóð að fara að Gilsbakka. Ekki
reyndist unnt að fara alla leið sökum
aurbleytu og hruns úr veginum og því
ákveðið að snúa rútunni við. Vegurinn
er mjór á þessum slóðum og lítið
svigrúm til þess, auk þess sem mikil for
hafði myndast í vatnsveðrinu að
undanförnu. Fór það því svo að rútan
festist og töfðust ferðalangar um 2-3
tíma sem nýttir voru til að snæða nesti,
ganga um og njóta náttúrunnar.
Leituðu menn skjóls í nærliggjandi
útihúsum í dálítinn tíma þegar mikið
þrumuveður gekk yfir en önnur rúta
kom til aðstoðar og flutti hópinn í
náttstað. Dráttarvélar voru fengnar af
næstu bæjum til að draga rútuna upp
Árbók Ferðafélagsins þetta árið
fjallar um leiðina sem farin var í
ferðinni. Er það önnur bókin í röð
þriggja bóka sem Páll Sigurðsson fv.
lagaprófessor hefur ritað um
Skagafjörð. Sú fyrsta kom út árið 2012
og fjallar um Skagafjörð vestan Vatna,
frá Skagatá að jökli. Bókin sem kom út
í vor fjallar um Skagafjörð austan
Vatna, frá Furðuströndum að jökli.
Þriðja og síðasta bókin, um Skagafjörð
austan Vatna frá Furðuströndum að
Almenningum kemur svo út árið 2016
og hefur Páll þegar lokið við að skrifa
hana.
Opnuviðtal verður við Pál í næsta
tölublaði Feykis. /KSE