Feykir - 25.09.2014, Blaðsíða 5

36/2014 5
ÍÞRÓTTAFRÉTTIR www.feykir.is/ithrottir
Sjúklegur síðari hálfleikur í Síkinu
Lengjubikarinn í körfubolta : Tindastóll - Snæfell 94-67
Snæfellingar sóttu Tindastólsmenn heim sl.
þriðjudagskvöld í 8 liða úrslitum Lengjubikars-
ins. Leikurinn var með ólíkindum kaflaskiptur.
Eftir að hafa verið ellefu stigum undir í hálfleik
áttu Stólarnir rosalegan þriðja leikhluta og
rúlluðu leiknum upp. Lokatölur 94-67.
Stólarnir byrjuðu leikinn ekki vel og náðu
aldrei takti í fyrri hálfleik. Skotin skoppuðu af
hringnum og menn misstu boltann klaufalega
hvað eftir annað. Staðan var 14-19 að loknum
fyrsta leikhluta. Ingvi Ingvars minnkaði muninn í
eitt stig, 24-25, um miðjan annan leikhluta en þá
kom góður kafli hjá Snæfellingum sem komust í
26-39 eftir tvær 3ja stiga körfur frá Pálma
Sigurgeirs. Ingvi kom Stólunum aftur á blað með
3ja stiga körfu en staðan í hálfleik 32-43.
Tindastólsmenn komu ákveðnir til leiks í síðari
hálfleik og nú voru báðir Helgarnir komnir inn.
Helgi Margeirs kom ekkert við sögu í fyrri hálfleik
og nafni hans Viggósson var í tómu tjóni. En nú
komu þeir Stólunum í gírinn ásamt Pétri Birgis
sem átti frábæran leik. Varnarleikur Tindastóls
setti leikmenn Snæfells algjörlega út af laginu. Með
frábærri baráttu og geggjuðum varnarleik unnu
heimamenn hvern boltann af öðrum og breyttu
þeir stöðunni úr 41-50 í 58-50 – semsagt 17-0
kafli. Gestirnir vissu varla hvort þeir voru að koma
eða fara, enda töpuðu þeir leikhlutanum 36-11!
Þeir reyndu að koma sér aftur inn í leikinn í
fjórða leikhluta en það hvorki gekk né rak hjá
þeim, Stólarnir áttu svör við öllu. Síðustu mínútur
leiksins fengu síðan lítt reyndari spámenn að
spreyta sig og endanum vann Tindastóll 27 stiga
sigur og tryggði sér sæti í undanúrslitum Lengju-
bikarsins.
Þar mæta Tindastólsmenn lið Fjölnis í Ásgarði
í Garðabæ föstudaginn 26. september kl. 18:30. Ef
Stólarnir landa sigri þar þá mæta þeir annað hvort
KR eða Haukum í úrslitaleik Lengjubikarsins sem
fer fram á sama stað laugardaginn 27. september
kl. 16:30. /ÓAB
Stig Tindastóls: Pétur 24, Helgi Rafn 19, Dempsey 16,
Lewis 13, Flake 6, Ingvi 5, Viðar 4, Sigurður 3, Finnbogi og
Hannes 2 hvor.
Það er Höskuldur Birkir
Erlingsson lögregluvarðstjóri á
Blönduósi sem situr fyrir svörum
í þættinum Liðið mitt að þessu
sinni. Höskuldur er Manhester
United maður og hefur verið
það síðan hann man eftir sér.
„Þegar ég var yngri var móðir
mín að vinna í HENSON og hann
Halldór Einarsson, kenndur
við fyrrnefnt fyrirtæki, ræddi
þetta við mig á sínum tíma
undir fjögur augu og sagði mér
að það væri aðeins eitt lið í
boltanum sem að gæti eitthvað
og það væri Manchester United.
Það hefur ekkert breyst öll
þessi ár,“ segir Höskuldur.
Hvernig spáir þú gengi liðsins á
tímabilinu? -Það er ljóst að eftir að
Fergie fór á eftirlaun, þá dalaði liðið
aðeins, en bara aðeins. Nóg samt
til þess að leikmenn munu koma
og fara, og svo eru mínir menn
aðeins að prufa sig áfram með
nýja þjálfara. Það var alltaf vitað
að það yrði erfitt fyrir nýjan mann
að koma í stað Sir Alex Ferguson.
Ég er þeirrar skoðunar að nú séum
við með góðan mann í brúnni og
nú séu bjartari tímar framundan,
enda er verið að kaupa og selja
leikmenn í gríð og erg. Ég spái því
að United nái meistaradeildar-
sæti í ár, þ.e.a.s. verði
í efstu fjórum sæt-
unum.
Ertu sáttur við
stöðu liðsins í dag?
-Tímabilið byrjar
brösuglega hjá mín-
um mönnum en ég
hef fulla trú á þeim,
og þeir eiga bara eftir
að lyfta sér hærra á
töflunni.
Hefur þú einhvern
tímann lent í
deilum vegna aðdáunar þinnar
á umræddu liði? -Jájá, margoft.
Þá sérstaklega við stuðningsmenn
Liverpool. Það er sammerkt með
þeim öllum að þeir eru alveg
einstaklega hörundssárir og geta
aldrei sætt sig við þá staðreynd að
styðja lakara lið. Ég meina Michael
Owen kom yfir til United til að eiga
möguleika á Englandsmeistaratitli
og náði því sem að hann náði
aldrei með Liverpool, svo nefnt sé
dæmi! Og Eric Djemba Djemba
sem er einn slakasti leikmaður
United fyrr og síðar, á fleiri Eng-
landsmeistaramedalíur en „Slippy
G“ (Steven Gerrard).
Hver er uppáhaldsleikmaðurinn
fyrr og síðar?-Uppáhaldsleikmaður
minn með United fyrr og síðar, verð
ég að segja að sé Bryan Robson.
Hann er sá leikmaður sem að
lengst hefur verið fyrirliði liðsins
og var frábær knattspyrnumaður.
Frægir knattspyrnumenn eins og
David Beckham og Paul Scholes
segja það sama og það litu allir
upp til hans.
Hefur þú farið á leik með
liðinu þínu? -Já, ég fór að sjá
Manchester United – Newcastle í
apríl 2005. Frábær leikur þar sem
að mínir menn lentu undir en unnu
svo 2-1 eftir að Wayne Rooney
skoraði mark sem var kosið mark
ársins í enska boltanum.
Áttu einhvern hlut sem tengist
liðinu? -Jájá, marga. Marga
búninga, fána, trefla og allt þetta
sem að fylgir!
Hvernig gengur að ala aðra
fjölskyldumeðlimi upp í stuðningi
við liðið? -Það gengur mjög
vel enda annað ekki liðið á
mínu heimili en að Manchester
United sé nr.1. Meira að segja
tengdasonur minn, hann Binni
Rögnvalds, heldur með United. Ég
hefði aldrei samþykkt tengdason
sem héldi með öðru liði.
Hefur þú einhvern tímann skipt
um uppáhalds félag? -Þú ert að
grínast er það ekki???
Uppáhalds málsháttur? „Nobody
will be an unbeaten bishop“
(Enginn verður óbarinn biskup)
Guðjón Þórðarson hjá Stoke!
Einhver góð saga úr boltanum?
-Já, þegar ég fór með son minn
Erling Birki, á Old Trafford 2005
en það var fermingargjöfin hans,
þá fórum við í skoðunarferð á
völlinn og þegar við gengum niður
ganginn þar sem að leikmennirnir
ganga, og völlurinn birtist þá fraus
Erling í gættinni þar sem að við
horfum inn á völlinn. Ég spyr hann
hvort að það sé eitthvað að, hann
svarar ekki lengi vel en segir svo í
hálfgerðri leiðslu: „Ég trúi ekki að
ég sé hér.“
Einhver góður hrekkur sem þú
hefur framkvæmt eða orðið fyrir?
-Já, örugglega, en man ekki eftir
neinum í augnablikinu.
Hvern myndir þú vilja sjá svara
þessum spurningum? -Ég ætla
að skora á hann Róbert Daníel
Jónsson, forstöðumann íþrótta-
miðstöðvarinnar á Blönduósi, sem
er illa haldinn af Liverpoolveiki.
Hvaða spurningu viltu lauma að
viðkomandi?
Er það rétt að stjórnendur Liverpool
séu búnir að ráða Balotelli
aðstoðarmenn til að aðstoða hann
við að komast í búninginn?
Höskuldur B. Erlingsson
lögregluvarðstjóri á Blönduósi
Aðeins eitt lið!
( LIÐIÐ MITT ) kristin@feykir.is
Tap gegn deildarmeisturum Leiknis í lokaleik
1. deildin í knattspyrnu karla : Leiknir R. – Tindastóll 4-0
Keppni í 1. deild karla í knattspyrnu lauk á
laugardag og sóttu Tindastólsmenn
deildarmeistara Leiknis heim í Breiðholtið.
Stólarnir héldu sjó næstum því fram að
hálfleik en þá fór að síga á ógæfuhliðina og
þegar upp var staðið höfðu Leiknismenn gert
fjögur mörk án þess að Stólarnir næðu að
svara fyrir sig.
Það er kannski óþarfi að nefna það en
heimamenn voru sterkari aðilinn allan leikinn og
Tindastólsmenn hugsuðu fyrst og fremst um að
verja mark sitt og koma í veg fyrir slæman skell.
Það leit lengi út fyrir að Stólarnir kæmust í
kaffipásuna með markið snoturt en Ingvi
Hrannar varð fyrir því óláni að setja boltann í
eigið mark á 44. mínútu.
Í síðari hálfleik héldu heimamenn uppteknum
hætti og sköpuðu sér nokkur færi. Fannar Þór
Arnarsson kom þeim í 2-0 á 60. mínútu og
Matthew Horth bætti þriðja markinu við á 77.
mínútu. Magnús Már Einarsson setti enda-
punktinn við frábært sumar hjá Leiknismönnum
þegar hann kom þeim í 4-0 á 85. mínútu.
Tindastóll endaði því keppnistímabilið með
fjögur stig í 22 leikjum sem er auðvitað alveg
hræðilegt. Liðið gerði 15 mörk en fékk á sig 71
sem segir þá sögu að margir leikir töpuðust stórt
– þó geta menn kannski huggað sig við að engin
stórslys urðu líkt og hjá Völsungi í fyrra.
Eins og áður hefur komið fram í lýsingum á
leikjum Stólanna þá var það vitað áður en keppni
hófst í sumar að það yrði á brattann að sækja hjá
Tindastóli. Það varð síðan ekki til að bæta
stöðuna að nokkrir lykilmenn hafa átt í meiðslum
og þá hefur heppnin heldur ekki fylgt liðinu
innan vallar. Það er þó ekkert annað í stöðunni
núna en að kyngja vonbrigðum sumarsins og
vonandi stefna menn að því að koma sterkir til
leiks næsta sumar og komast aftur á sigurbraut.
Upp á topp með Tindastól! /ÓAB
Njarðvíkingar lagðir í parket
Lengjubikarinn í körfubolta : Tindastóll - Njarðvík 76-69
Tindastóll og Njarðvík
mættust í ágætum körfu-
boltaleik síðastliðið föstu-
dagskvöld en þetta var síðari
leikur Tindastóls í riðlakeppni
Lengjubikarsins.
Leikurinn var lengstum jafn
og spennandi þó svo að Stólarnir
hafi ávallt verið skrefinu á
undan gestunum. Lokatölur
urðu 76-69.
Leikurinn fór ágætlega af
stað. Njarðvíkingar komust yfir
í eina skiptið í leiknum, 9-10, en
Viðar Ágústsson og Darrel
Lewis gerðu næstu körfur
leiksins fyrir Stólana og staðan
20-17 að loknum fyrsta leik-
hluta. Í hálfleik var staðan 37-27
en varnarleikur Tindastóls var
til mikillar fyrirmyndar í öðrum
leikhluta.
Tindastólsmenn héldu sjó í
síðari hálfleik og þrátt fyrir góða
spretti hjá Loga Gunnarssyni þá
tókst gestunum aldrei að ógna
forskoti Tindastóls af neinni
alvöru. Lokatölur 76-69.
Styrkleiki Stólanna lá í
fráköstunum í þessum leik en
liðið tók 54 fráköst á meðan
Njarðvíkingar tóku aðeins 30.
Öll þessi fráköst skiluðu líka
góðum körfum í teignum. /ÓAB
Stig Tindastóls: Lewis 26, Flake 16,
Dempsey 14, Helgi Rafn 8, Pétur 7,
Helgi Margeirs 3 og Viðar 2.
Markviss sigur
Skotfimi : Markviss
Hið árlega kvennamót í
leirdúfuskotfimi, SKYTTAN, var
haldið á skotsvæði Skotfélags
Reykjavíkur um helgina.
Skotfélagið Markviss á
Blönduósi átti tvo keppendur
og sigruðu þær hvor sinn
flokk.
Alls voru tólf konur sem tóku
þátt að þessu sinni, þar af sjö í
nýliðaflokk. Snjólaug María
Jónsdóttir frá Skotfélaginu
Markviss á Blöndúósi sigraði A
flokkinn eftir harða baráttu og
Jóna Phuong Thúy Jakobsdóttur
sigraði nýliðaflokkinn örugg-
lega. Næsta kvennamót mun svo
fara fram á Blönduósi næsta
haust. /KSE