Feykir - 09.10.2014, Blaðsíða 10

10 38/2014
Víðidalstungurétt í Húnaþingi vestra
Víðidalstungurétt í Húnaþingi vestra er ein af stærri
stóðréttum landsins og gefur að margra dómi Laufskálarétt
ekkert eftir sem drottning stóðréttanna. Réttin fór fram um
síðustu helgi og að vanda var nokkrum hundruðum hrossa
smalað þangað. Margir tóku þátt í rekstrinum, einkum
síðasta spölinn.
Þrátt fyrir nokkurn kulda var vel mætt til réttarinnar og
gengu réttarstörfin greiðlega. Á eftir var haldinn réttardansleikur
í Víðihlíð þar sem Hljómsveit Geirmundar lék fyrir dansi.
Fjölmennt var á dansleiknum og mikil stemning frá upphafi til
enda. Þar sem Feykir var fjarri góðu gamni var leitað á náðir
heimafólks og Sigríður Ólafsdóttir í Víðidalstungu sendi okkur
góðfúslega meðfylgjandi myndir úr réttinni. /KSE
Glaumur,
gleði og
Geirmundarball
Íhugar að gerast leikari
Segja má að áhugaleikhúsið
sé sannkallað fjölskyldu-
áhugamál, að minnsta kosti
er raunin sú í uppfærslu
Leikfélags Sauðárkróks á
Emil í Kattholti. Í síðasta
Feyki var spjallað við feðgin
sem fara með hlutverk í
sýningunni en að þessu sinni
hittum við fyrir mæðginin
Maríu Dagmar Magnúsdóttur
og Ívar. María Dagmar fer
með hlutverk Títuberja-Mæju
en Ívar fer með hvorki fleiri né
færri en þrjú hlutverk; leikur
hænu, hest og strák á
markaði.
María Dagmar tók fyrst þátt í
starfi LS árið 2007 en hafði áður
verið með Leikfélagi Ólafsvíkur.
María er fjögurra barna móðir
og aðspurð hvað fái uppteknar
mömmur til að taka aftur og
aftur þátt í svona starfi segir hún
að þetta sé einfaldlega svo
gaman að þegar maður hafi einu
sinni verið með sé erfitt að slíta
sig frá því. Hún segir að það sé
oft á tímum mikið pússluspil, en
þrátt fyrir að mæta stundum
þreyttur á æfingar nái maður
alveg að tæma hugann.
Ívar tók þátt í Jóni Oddi og
Jóni Bjarna árið 2010, þá 10 ára
gamall. Hann segist þó hafa
verið að leika síðan hann man
eftir sér og mamma hans rifjar
Mæðginin María Dagmar og Ívar Elí. MYYND: KSE
Ívar Elí Guðmundsson fer með þrjú hlutverk í Emil í Kattholti
FRUMSÝNING laugardag 11. október kl 16:00
2. sýning sunnudag 12. október kl. 16:00
3. sýning þriðjudag 14. október kl. 18:30
4. sýning miðvikudag 15.október kl. 18:30
5. sýning föstudag 17. október kl. 18:30
6. sýning laugardag 18. október kl. 16:00
7. sýning sunnudag 19. október kl. 16:00
LOKASÝNING þriðjudag 21. október kl. 18:30
Leikfélag Sauðárkróks sýnir í Bifröst:
Emil í Kattholti
VIÐTAL
Kristín Sigurrós Einarsdóttir
upp að hann og tvíburasystir
hans hafi sjaldnast leikið sér með
leikföng, heldur hafi alls konar
búningar frekar orðið fyrir val-
inu og hann hafi snemma byrjað
að troða upp í fjölskylduboðum
og veislum.
Blaðamaður innti Ívar eftir
því hvort það væri ekki flókið
að leika svona mörg hlutverk?
„Nei það er ekkert það flókið,
maður þarf reyndar að fara úr
búning í búning og passa að
vera alltaf tilbúinn,“ segir Ívar
og grínast með að það sé eins
gott að ruglast ekki og setja
hænuhaus á hestinn, eða láta
hænuna hneggja.
Sögupersónur Astrid Lind-
gren eru í miklu uppáhaldi hjá
Ívari og hefur hann bæði lesið
um þær og horft á myndir
byggðar á þeim síðan hann var
var lítill. Ívar segir að það hafi
komið fyrir að hann sé svolítið
líkur Emil í Kattholti. María
bætir því við að stundum hafi
verið gantast með það á heim-
ilinu að Ívar og tvíburasystir
hans líktust Emil og Ídu.
Mæðginin eru sammála um
að æfingatímabilið sé búið að
vera mjög skemmtilegt, hópur-
inn nái vel saman þrátt fyrir
breitt aldursbil og það sé alltaf
gaman á æfingum. Aðspurður
hvort hann geti hugsað sér að
gerast leikari segir Ívar: „Já ég er
nefnilega farinn að pæla í því,“
og María bætir við að hann sé
mikill leikari í sér.
Hann á sér ekkert sérstakt
draumahlutverk en segir
skemmtilegast að leika hlutverk
sem er mikill karakter í. Ívar
segist vera „voða lítið“ stressaður
fyrir frumsýningu.
Þau mæðginin hvetja alla til
að koma í leikhús og segja að
Emil eigi erindi til allra, á öllum
aldri, enda eru nokkrar kyn-
slóðir sem þekkja prakkara-
strikin hans og húmorinn í
leikritinu höfði til allra.
Það er oft glatt á hjalla baksviðs á æfingum. Tveir ungir og efnilegir, Ívar og Eysteinn. MYNDIR: GÞÓ