Feykir - 19.03.2015, Blaðsíða 26

26 11/2015
„Alltaf langað að fermast“
Hákon Ingi Rafnsson á Sauðárkróki verður
fermdur af sr. Sigríði Gunnarsdóttur í
Sauðárkrókskirkju á pálmasunnudag. Hákon
er sonur Rafns Inga Rafnssonar og Árnýjar
Lilju Árnadóttur.
Hvers vegna valdir þú að fermast? -Mig hefur alltaf langað
til að fermast svo að ég hugsaði aldrei um að sleppa því
að fermast.
Hefur þú velt trúmálum mikið fyrir þér? -Nei, ég er ekki
mjög mikið að hugsa um það.
Hvernig hefur fermingarundirbúningnum verið háttað?
-Við erum alveg að fara að byrja af krafti í undirbúningnum.
Hvar verður veislan haldin? -Veislan verður bara heima
í Dalatúninu.
Er búið að ákveða hvað verður á matseðlinum? -Við erum ennþá að ákveða hvað við
ætlum að hafa að borða fyrir gestina.
Er búið að finna fermingarfötin? -Já, við fundum fermingarfötin bara fyrir stuttu.
Hver er óska fermingargjöfin? -Mig langar MJÖG mikið í tölvu eða golfkylfur þótt að ég sé
ekki með neinar væntingar fyrir það.
FERMINGIN MÍN / Hákon Ingi Rafnsson
„Vil staðfesta skírn mína“
Sóley María Þórhalladóttir verður fermd af
sr. Bryndísi Valbjarnardóttur í Bólstaðar-
hlíðarkirkju á skírdag. Sóley María er dóttir
Þórhalla Haraldssonar og Turid Rósar
Gunnarsdóttur á Húnavöllum.
Hvers vegna valdir þú að fermast? -Vegna þess að
ég er kristinnar trúar og ég trúi á Guð og vil staðfesta
skírn mína.
Hefur þú velt trúarmálum mikið fyrir þér? -Ekkert
mikið. En samt í fermingarfræðslu þá erum við búin
að vera að skoða og velta trúarmálunum fyrir okkur.
Hvernig hefur fermingarundirbúningnum verið
háttað? -Mjög rólegur. Eftir áramót þá er ég búin
að vera á hverjum þriðjudegi í fermingarfræðslu hjá
sr. Sveinbirni Einarssyni í Húnavallaskóla. Við erum
bara búin að vera að læra Trúarjátninguna, Gullnu regluna og fleira. Svo sendir Bryndís mér
alltaf verkefni um ferminguna og fleira.
Hvar verður veislan haldin? -Í Húnaveri. Ég og mamma erum búnar að vera að ákveða
skreyt-ingar og fullt. Svo verður liturinn hvítur og fjólublár, en því miður þá erum við ekki búnar
að ákveða neitt meira í bili.
Er búið að ákveða hvað verður á matseðlinum? -Á matseðlinum verður fiskisúpa,
svo lambakjöt og meðlæti og næst bara kökur, en við erum bara búin að ákveða eina,
kransakökuna.
Er búið að finna fermingarfötin? -Nei.
Hver er óska fermingargjöfin? -Veit ekki, er ekkert að hugsa út í það.
FERMINGIN MÍN / Sóley María Þórhalladóttir
KÝR ÓSKAST!
Óska eftir kvígum og kúm
Upplýsingar í síma 899-2017
-------
GILSBÚIÐ